Ап. керӧммез 20:3 - Бур Юӧр 2019

³ Сэтӧн оліс куим тӧлісь. Сія лӧсьӧтчис уйны Сирияӧ, но сылӧ висьталісӧ, иудейес пӧ сійӧ мӧдӧны вийны. Сэк сія шуис бертны Македонияӧт.

Ап. керӧммез 20:3 Mawu Ofanana

Ап. керӧммез 20:19

Ме рам мывкыдӧн, уна синва кисьтӧмӧн уджалі-кысъялі Дӧсвидзисьыслӧ. Меным эд ковсис ёна пессьыны-мырсьыны иудейезсянь лёк керӧмныс кузя.

2 Коринфын оліссезлӧ 11:26

Уна вӧлі туйезын. Мекӧт пыр вермис мыйкӧ умӧль лоны: юэз вылын, каррезын, кушмуын да саридз вылын. Ме вылӧ вермисӧ уськӧтчыны да быдӧс мырддьыны. Меным вермисӧ умӧльсӧ керны аслам увтырись отир, мӧдік отир, да и воннэз, кӧдна сідз дзир шусьӧны.

Ап. керӧммез 25:3

Тшӧктісӧ керны ны сьӧрті. Корисӧ вайӧтны Павелсӧ Ерусалимӧ. Асьныс лӧсьӧтчӧмась туй вылас сійӧ вийны.

2 Коринфын оліссезлӧ 7:5

Кӧр мийӧ локтім Македонияас, мийӧ немымда эгӧ вермӧ шоччисьны. Миянӧс быд ладорсянь дзескӧтлісӧ: ӧтӧрись отирыс уськӧтчывлісӧ, а пытшканым вӧлі полӧм.

Галатияын оліссезлӧ 1:21

Сы бӧрсянь муні Сирияӧ да Киликияӧ.

2 Коринфын оліссезлӧ 1:15

Этӧ тӧдӧмӧн тіян дынӧ локны ме одзжык ни лӧсьӧтчылі. Тійӧ сэк вермит бы кыкись босьтны Енлісь бурсетӧмсӧ.

Ап. керӧммез 21:3

Уйиканым шульга ладорас адззылім Кипр му. Мийӧ туйнымӧс видзим Сирияӧ. Корабльсӧ коліс ректыны Тирын, сійӧн мийӧ сэтӧн сувтчим.

Ап. керӧммез 19:21

Сэтӧн быдӧс керӧм бӧрын Павелыс юрас пыртіс мунны Ерусалимӧ. Сэтчин сія лӧсьӧтчис мунны Македония да Акаия муэзӧт. Сія висьталіс сідз: «Ерусалимас вовлӧм бӧрын меным колӧ мунны и Римӧ».

Ап. керӧммез 18:18

Павелыс сыбӧрын уна лун сьӧрна оліс Коринфас. Сэсся воннэскӧт кольласис да уйис Сирияӧ. Сыкӧт тшӧтш уйисӧ Акил да Прискилла. Кенкреяын Павелыс шырис юрсисӧ Ен одзын кыв сетлӧм сьӧрті.

Ап. керӧммез 16:9

Сэтӧн Павелыс ойнас адззыліс мыччалӧм: сы одзӧ сувтіс Македонияись морт. Сія корис Павелсӧ, висьталіс: «Саридзӧт вудж Македония муӧ да отсав миянлӧ».

Матвей 4:24

Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ, усяліссесӧ, параличӧн личкӧм отирӧс. Сія быдӧннысӧ веськӧтліс.

Ап. керӧммез 16:12

сэтчинсянь ─ Филип карӧ. Македония муас локтікӧ, Филипыс вӧлі медодзза кар. Сэтӧн олісӧ Римись локтӧм отир. Сія карын мийӧ олім кынымкӧ лун.

Ап. керӧммез 20:1

Отирыс лӧньсисӧ. Сэк Павелыс ӧктіс велӧтчиссесӧ да нійӧ вынсьӧтіс. Ныкӧт кольласьӧм бӧрын петіс да муніс Македония муӧ.

Ап. керӧммез 20:2

Нія муэзӧт мунӧм коста Павелыс уна велӧтіс-вынсьӧтіс веритіссесӧ. Сэтчинсянь локтіс Грецияӧ.