Ап. керӧммез 20:21 - Бур Юӧр 2019

²¹ Иудейесӧ да мӧдік отирсӧ тшӧкті бергӧтчыны Енлань да веритны миян Дӧсвидзись Кристос Исуслӧ.

Ап. керӧммез 20:21 Mawu Ofanana

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Ап. керӧммез 11:18

Петрасӧ кывзӧм бӧрын нія лӧньсисӧ да ошкисӧ Енсӧ. Нія баитісӧ: «Тыдалӧ, и мӧдік отирлӧ Еныс сетіс бергӧтчыны умӧль керӧмныс дынісь Сыланьӧ, медбы и нылӧн вӧлі оланыс».

Ап. керӧммез 20:24

Ме эд нем вылӧ ог видзӧт, ог видзсьы оланӧ бердӧ. Дзир гаж сьӧлӧмӧн бы медбӧрӧдз мунны олан туйӧс да ештӧтны Дӧсвидзись Исуссянь босьтӧм уджӧс: висьтасьны Енлӧн бурсетӧм йылісь Бур Юӧрсӧ.

Лука 13:3

Абу сідз. Висьтала тіянлӧ: умӧль керӧммезныт дынісь одӧ кӧ бергӧтчӧ Енлань, быдӧнныт сідз кулат.

2 Коринфын оліссезлӧ 7:10

Еныс понда кӧ мортыс тӧждісьӧ, сія дугдӧ керны умӧльсӧ да мезмӧ. А мезмӧм йылісь жалейтны оз ков! Му вылісьыс понда кӧ мортыс тӧждісьӧ, сія тӧждісьӧмыс вайӧтӧ кулӧмӧдз.

Римын оліссезлӧ 10:9

Тэ аслат кылӧн пондан кӧ висьтасьны: «Исусыс ─ Дӧсвидзись», да сьӧлӧмсянь веритан кӧ: Еныс Исуссӧ ловзьӧтіс кулӧмись, сэк мезман.

Ап. керӧммез 26:18

Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Лука 24:47

Ерусалимсянь пондӧтчӧмӧн колӧ Сы нимӧн юӧртны быд отирпӧлӧслӧ умӧль керӧммез дынісь бергӧтчӧм да нійӧ проститӧм йылісь.

1 Иоан 5:5

Кин вермӧ му вылісь умӧльсӧ? Вермӧ дзир сія, кин веритӧ: Исусыс ─ Енлӧн Зон.

Ап. керӧммез 26:20

Медодз ме висьтаси Дамаскын да Ерусалимын оліссезлӧ, сэсся Иудея муын оліссезлӧ да мӧдік отирлӧ. Ме нійӧ велӧті бергӧтчыны умӧль керӧммезныс дынісь Енлань. Велӧті асланыс оланӧн мыччавны умӧль керӧммезныс дынісь бергӧтчӧмнысӧ.

1 Иоан 5:1

Веритӧ кӧ мортыс: Исусыс пӧ Кристос-Мездӧтісь, сія мортыс чужӧм Енсянь. Чужтісьсӧ радейтісьыс радейтӧ и Сысянь чужӧмсӧ.

Филимонлӧ 1:5

Меным эд кывсис Дӧсвидзись Исуслӧ веритӧмыт йылісь да быдӧс вежа отирсӧ радейтӧмыт йылісь.

Ефесын оліссезлӧ 1:15

Меным кывсис Кристос Исуслӧ веритӧмныт йылісь да быдӧннысӧ вежа отирсӧ радейтӧмныт йылісь.

Галатияын оліссезлӧ 2:20

Ӧні ме ог ни ов, ме пытшкын олӧ Кристосыс. Вывтырам овтӧн ола Енлӧн Зонлӧ веритӧмнам. Сія менӧ радейтӧ, Асьсӧ сетіс ме понда.

Римын оліссезлӧ 5:1

Веритӧмным понда Еныс миянӧс керис веськыта оліссезӧн. Мийӧ Еныскӧт бурасим Дӧсвидзись Кристос Исус пыр.

Римын оліссезлӧ 4:24

сідз и миян йылісь. Миянӧс шуасӧ Ен сьӧрті веськыта оліссезӧн. Мийӧ эд веритам миянлісь Дӧсвидзись Исуссӧ Ловзьӧтісь Енлӧ.

Римын оліссезлӧ 1:16

Меным абу рожа кулян висьтасьны Кристосыс йылісь Бур Юӧрсӧ. Бур Юӧрыс эд Енлӧн вын, мездӧ быд веритісь мортсӧ: медодз иудейесӧ, сэсся ─ быд кыв вылын баитісь отирсӧ.

Ап. керӧммез 17:30

Еныс дыр терпитіс отирыслісь Енсӧ тӧдтӧм олӧмнысӧ. Ӧні Еныс быдлаын да быд мортлӧ тшӧктӧ бергӧтчыны умӧль керӧммезныс дынісь Сыланьӧ.

Марк 6:12

Велӧтчиссес мунісӧ да висьтасисӧ, медбы отирыс асланыс умӧль керӧммез дынісь бергӧтчисӧ Енлань.

Марк 1:15

Сія висьтавліс: «Локтіс кад, Енлӧн Юралӧмыс матын ни! Бергӧтчӧ умӧль керӧммезныт дынісь да веритӧ Бур Юӧрӧ!»

Матвей 4:17

Сія кадсянь Исусыс пондіс юӧртны-висьтавлыны: «Бергӧтчӧ умӧль керӧммезныт дынісь! Енӧжись Юралӧмыс матын ни!»

Галатияын оліссезлӧ 3:22

Вежа Гижӧтас тай висьталӧм: быдӧс отирсӧ умӧль керӧмныс видзӧ домӧттэзын. Сійӧн кӧсйӧмсӧ сетасӧ дзир нылӧ, кӧдна веритӧны Кристос Исуслӧ.

Галатияын оліссезлӧ 2:16

Мийӧ пондім тӧдны: мортыс оз вермы лоны Ен сьӧрті веськыта олісьӧн Туйдӧтыс сьӧрті керӧмнас, сэтшӧмӧн лоӧ дзир Кристос Исуслӧ веритӧмнас. Сійӧн мийӧ пондім веритны Кристос Исусыслӧ, медбы веритӧмнымсянь лоим Ен сьӧрті веськыта оліссезӧн. Туйдӧт сьӧрті керӧмнас некин оз вермы лоны Ен сьӧрті веськыта олісьӧн.

1 Коринфын оліссезлӧ 1:22

Иудейес тай корӧны мыччавны адззывлытӧм керӧммез, грек отирыс кошшӧны видзӧтны мыйкӧ мывкыдаӧ.

Римын оліссезлӧ 2:4

Поди, тэ абутӧм туйӧ пуктан Еныслісь небыт сьӧлӧмсянь бур керӧмсӧ да мылаыс быртӧг дыр видзчисьӧмсӧ, а ачыт тай он вежӧрт керсьӧмсӧ. Еныслӧн небыт сьӧлӧмсянь керӧмыс эд вайӧтӧ тэнӧ умӧль керӧммет дынісь Енлань бергӧтчӧмӧдз.

Римын оліссезлӧ 1:14

Меным колӧ висьтасьны Бур Юӧрсӧ быдӧнныслӧ: греккезлӧ, мӧдік муэзісь йӧзлӧ, мывкыдаэслӧ да етша мый тӧдіссеслӧ.

Ап. керӧммез 28:23

Иудейес висьталісӧ сылӧ пантасян лун. Сія лунӧ унаӧн локтісӧ Павеллӧн олан керкуӧ. Павелыс асывсянь рытӧдз нылӧ висьтасис Енлӧн Юралӧм йылісь велӧтӧмсӧ. Осьтіс нылӧ Моисейлӧн Туйдӧт сьӧрті да Енсянь юӧртіссез сьӧрті Исус йылісь гижӧмсӧ.

Ап. керӧммез 16:31

Нія сылӧ висьталісӧ: «Верит Дӧсвидзись Кристос Исуслӧ. Сэк мезман ачыт и тэнат гортіссет быдӧнныс».

Ап. керӧммез 10:43

Енсянь юӧртіссес быдӧнныс висьтавлӧмась Исусыс йылісь: "Быдӧнныслӧн, кӧдна веритӧны Исуслӧ, умӧль керӧммезныс Исусыс нимӧн лоасӧ проститӧмӧсь"».

Ап. керӧммез 8:25

Апостоллэз висьтасисӧ Дӧсвидзисьлісь Кывсӧ да Сылісь керӧммесӧ. Сэсся бӧр иньдӧтчисӧ Ерусалимӧ. Самария муӧт мунӧмныс коста уна оланінын висьтасисӧ Бур Юӧрсӧ.

Ап. керӧммез 3:19

Сідзкӧ, бергӧтчӧ умӧль керӧммезныт дынісь Енлань, медбы Сія лэдзис тіянлісь умӧль керӧммезнытӧ!

Ап. керӧммез 2:40

Петраыс уна мый висьтасис отирыслӧ. Сія нійӧ корис-тшӧктіс: «Мездісьӧ ӧння кадӧ лэдзчисьӧм отир дынісь, медбы ныкӧт эд сюрӧ мыжйыны».

Иоан 20:31

Быдӧс эстӧн гижӧм сэтшӧм могӧн, медбы тійӧ пондіт веритны: Исусыс ─ Кристос-Мездӧтісь, Енлӧн Зон. Веритат кӧ Сылӧ, сэк Сы нимӧн тіян лоас олан.

Иоан 3:36

Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

Лука 15:10

Тіянлӧ висьтала: ӧтік морт понда овлӧ сэтшӧм жӧ гажыс Енлӧн ангеллэзлӧн, бергӧтчас кӧ мортыс умӧль керӧммес дынісь Енлань».

Лука 15:7

Висьтала тіянлӧ: енӧжас ӧддьӧн ыджыт гаж овлӧ, бергӧтчас кӧ Енлань ӧтік умӧльсӧ керись морт. Сэтшӧм гажыс оз овлы ӧкмысдас ӧкмыс Ен сьӧрті веськыта олісь понда. Нылӧ эд оз ков бергӧтчыны умӧль керӧммезныс дынісь».

Лука 13:5

Абу сідз. Шуа тіянлӧ: умӧль керӧммезныт дынісь одӧ кӧ бергӧтчӧ Енлань, быдӧнныт сідз кулат».

Матвей 3:2

Сія юӧртіс: «Бергӧтчӧ умӧль керӧммезныт дынісь! Енӧжись Юралӧмыс эд матын ни».

Колосын оліссезлӧ 2:5

Ме кӧть вывтырнам абу тіянкӧт, но ловнам тіянкӧт. Ме адзза, тійӧ ёна сулалат Кристослӧ веритӧмас и тіян быдӧс арта. Сысянь менам сьӧлӧм вылам гаж.

Ап. керӧммез 24:24

Кынымкӧ лун бӧрті Феликсыс локтіс сэтчӧ аслас Друзилла инькӧт. Друзиллаыс вӧлі иудей увтырись. Феликсыс тшӧктіс вайӧтны Павелсӧ. Сія кывзіс Кристос Исуслӧ веритӧм йылісь висьтасьӧмсӧ.

Ап. керӧммез 19:17

Ефес карись быдӧнныс ─ и иудейес, и греккес ─ пондісӧ тӧдны лоӧмыс йылісь. Сысянь отирсӧ полӧм кутіс. Нія ошкісӧ-лэбтісӧ Дӧсвидзись Исуслісь нимсӧ.

Лука 16:28

Менам эд эмӧсь вит вон. Сія ась висьталӧ нылӧ: оз ков сюрны татчӧ мырсянінас".

Ап. керӧммез 20:23

Вежа Лолыс тай быд карын висьталӧ: пуксьӧтӧм да пессьӧм-мырсьӧм пӧ видзчисьӧ менӧ.