Ап. керӧммез 2:42 - Бур Юӧр 2019

⁴² Веритіссес пыр олісӧ апостоллэз велӧтӧм сьӧрті, ӧксьывлісӧ чеглавны нянь да кеймыны.

Ап. керӧммез 2:42 Mawu Ofanana

Лука 24:30

Ӧтлаын пызан саяс пукалӧм коста Исусыс босьтіс нянь, бласлӧвитіс, чегӧтіс да сетіс нылӧ.

Лука 24:35

Кыкыс сідз жӧ висьтасисӧ туй вылас лоӧм йылісь да няньсӧ чегӧтӧм коста Исуссӧ тӧдӧм йылісь.

Ап. керӧммез 1:14

Апостоллэс Исуслӧн воннэзкӧт, Сылӧн Мария мамкӧт да мӧдік инькаэзкӧт пыр ӧксьывлісӧ кеймыны.

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

Ап. керӧммез 20:11

Павелыс бӧр кайис жырас, чегӧтіс нянь да сёйис. Сія баитіс югдандорӧдззас, сэсся муніс.

Ап. керӧммез 20:7

Неделяын медодзза лунӧ велӧтчиссес ӧксисӧ нянь чеглалӧм понда. Павелыс баитіс ныкӧт. Сёрнитӧмныс кыссис ойшӧрӧдз, мӧд лунас Павелыс лӧсьӧтчис мунны да.

Ап. керӧммез 4:23

Ны дынісь мезмӧм бӧрын апостоллэс локтісӧ мӧд веритіссез дынӧ да висьтасисӧ аркирейезлісь да пӧриссезлісь баитӧмнысӧ.

Ап. керӧммез 4:31

Ӧксьӧммеслӧн кеймӧм бӧрсянь ӧксяніныс зэгаліс. Быдӧнныс тырисӧ Вежа Лолӧн да повтӧг висьтасисӧ Енлісь Кывсӧ.

Ап. керӧммез 6:4

А асьным пыр пондам кеймыны да висьтасьны Кывсӧ».

Римын оліссезлӧ 12:12

Гажӧн видзчисьӧ бурсӧ. Сьӧкыт кадӧ видзсьыны ась мыланыт оз быр. Пыр кеймӧ.

1 Коринфын оліссезлӧ 10:21

Тійӧ одӧ вермӧ ӧтдруг юны Дӧсвидзисьлӧн дозісь да кульлӧн дозісь. Одӧ вермӧ ӧтдруг сёйны Дӧсвидзисьыс пызан вылісь да кульыс пызан вылісь.

1 Коринфын оліссезлӧ 11:2

Воннэз, ошка тіянӧс. Менчим висьталӧмӧс тійӧ видзат тӧдвыланыт. Быдӧс керат велӧтӧмыс сьӧрті.

1 Коринфын оліссезлӧ 14:6

Воннэзӧ, шуам, ме локті тіян дынӧ да понді баитны мӧдік кыввез вылын. Ме тіянӧс ог вежӧртӧт, ог висьтась Енсянь осьтӧмсӧ да тӧдӧмӧс, ог Енсянь юӧрт, ог велӧт. Сэк мый ме тіянлӧ вая бурсӧ?

Галатияын оліссезлӧ 1:6

Менӧ диво кутӧ: тійӧ сэтшӧм чожа колит Сійӧ, Кӧда корис тіянӧс Кристослӧн бурсетӧмӧн, да вуджит мӧдкодь бур юӧрӧ.

Ефесын оліссезлӧ 2:20

Тійӧ сувтӧтӧмӧсь сія увт вылын, кӧдӧ пуктісӧ апостоллэз да Енсянь юӧртіссез. Сійӧ быдӧс лэбтӧмсӧ видзан изыс ─ Ачыс Кристос Исусыс.

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 1:5

Тійӧ эд одзза лунсянь ӧнӧдз отсалат нуӧтны Бур Юӧрсӧ.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Колосын оліссезлӧ 4:2

Дугдывтӧг кеймӧ! Кеймӧ вежӧра юрӧн да Енсӧ буркывтӧмӧн.

2 Тимофейлӧ 3:14

А тэ и одзлань ов сы сьӧрті, мыйӧ тэ вӧлін велӧтӧм да мыйӧ веритан. Тэ эд тӧдан, кин тэнӧ велӧтіс.

Еврейезлӧ 10:25

Пыр пондам ӧксьывлыны ӧтлаӧ. Огӧ пондӧ керны мукӧдыс моз, кӧдна дугдісӧ вовлывлыны. Пондам вынсьӧтны ӧтамӧднымӧс, Дӧсвидзисьлӧн Луныс эд сибалӧ.

Еврейезлӧ 10:39

Мийӧ эд абу ны коласісь, кин Ен дынісь бергӧтчӧ да кулӧ. Мийӧ ныкӧт, кин веритӧ да мезмӧ.

1 Иоан 1:3

Адззылӧмным да кылӧмным йылісь мийӧ висьтасям тіянлӧ, медбы и тійӧ вӧліт миянкӧт ӧтвыв. Мийӧ эд ӧтвыв Айнымкӧт да Сылӧн Кристос Исус Зонкӧт.

1 Иоан 1:7

Еныс олӧ югытас. Сы моз олам кӧ югытас, сэк мийӧ ӧтамӧднымкӧт ӧтвылісь. Ен Зон Кристос Исуслӧн вирыс сӧстӧмтӧ миянӧс быдкодь умӧль керӧмись.

1 Иоан 2:19

Нія петісӧ миян дынісь, а миянкӧт ӧтдор нія эзӧ вӧлӧ. Вӧлісӧ бы нія мияніссезӧн, сэк кольччисӧ бы миянкӧт. Ны петӧм сьӧрті казялім: абу быдӧнныс миянкӧт ӧтвылісь.

Иуда 1:20

Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ!