Ап. керӧммез 2:41 - Бур Юӧр 2019

⁴¹ Сылісь кыввесӧ сьӧлӧманыс босьтіссес пыртчисӧ. Сія лунӧ веритіссес дынӧ ӧтлаасисӧ куим сюрс гӧгӧр морт.

Ап. керӧммез 2:41 Mawu Ofanana

Иоан 14:12

Тіянлӧ быльсӧ веськыта висьтала: Меным веритісьыс пондас керны Ме моз. И унажык пондас керны, Ме эд Айӧ дынӧ муна.

Иоан 21:11

Симон-Петра муніс кыскыны васис шедӧм черинас кыянсӧ. Сэтӧн быдӧс вӧлі гырись чери. Чериэс шедӧмась сё витдас куима. Сымда кыйӧм черисяняс кыянныс абу и косясьӧм.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.

Ап. керӧммез 13:48

Ентӧдтӧм отирыс сэтшӧмсӧ кылӧмсянь гажӧтчисӧ. Нія ошкисӧ Дӧсвидзисьлісь Кывсӧ. Веритісӧ быдӧнныс, кӧдналӧ шуӧм пырны пырся оланӧ.

Ап. керӧммез 2:37

Петралӧн кыввес зубыта сидзисӧ отир сьӧлӧмӧ. Нія юалісӧ Петраыслісь да мӧд апостоллэслісь: «Воннэз, мый миянлӧ керны?»

Ап. керӧммез 2:47

Нія ошкисӧ Енсӧ. Отирыс нійӧ радейтісӧ. Дӧсвидзисьыс быд лун мездӧтіс отирсӧ, и веритіссес содісӧ.

Ап. керӧммез 27:37

Корабль вылас быдӧсыс нія вӧлісӧ кыксё сизимдас квать морт.

Ап. керӧммез 3:23

Сідз лоас: мортыс оз кӧ кывзы Сійӧ Енсянь Юӧртісьсӧ, Ен отир дынісь сійӧ вашӧтасӧ, олансӧ орӧтасӧ".

Ап. керӧммез 4:4

Апостоллэсӧ кывзіссез коласісь унаӧн пондісӧ веритны. Сэтшӧммес вӧлісӧ вит сюрс морт гӧгӧр.

Ап. керӧммез 7:14

Ӧсипыс корӧм айсӧ увтырнас Египетӧ. Нія вӧлӧмась сизимдас вит морт.

Римын оліссезлӧ 13:1

Быд морт ась кывзісьӧ вылынжыка сувтӧтӧммесӧ. Юралӧмсӧ эд Ен лӧсьӧтӧм. Быд юралӧмыс Ен шуӧм сьӧрті сувтӧтӧм.

1 Фессалоникаын оліссезлӧ 1:6

Уна шогсьӧм-мырсьӧм коста тійӧ гажӧн босьтіт Енлісь Кывсӧ. Сія гажыс Вежа Ловсянь. Сысянь тійӧ пондіт керны миян моз да Дӧсвидзисьыс моз.

1 Петра 3:20

Кӧркӧ нія Енсӧ абу кывзісьӧмась. Нойлӧн ыджыт пыжсӧ керӧм коста Еныс ыджыт мылаӧн видзсьӧм. Сэк етша кольччӧмась ловйӧн. Пыжас васис мезмӧмась дзир кыкьямыс морт.

Осьтӧм 16:3

Мӧдік ангел кисьтіс аслас дозісь саридзӧ. Саридзыс лоис кулӧмлӧн вир кодь. Быдӧс ловьяыс саридзсис куліс.