Ап. керӧммез 2:39 - Бур Юӧр 2019

³⁹ Эта кӧсйӧмыс сетӧм тіянлӧ, тіян челядьлӧ, сетӧм ыліссезлӧ да и быдӧнныслӧ, кӧднӧ корас Дӧсвидзись Енным».

Ап. керӧммез 2:39 Mawu Ofanana

Римын оліссезлӧ 8:30

Кинӧс Еныс бӧрйис, нійӧ и корис. Кӧднӧ корис, нійӧ и керис Сы сьӧрті веськыта оліссезӧн. Кӧднӧ керис Сы сьӧрті веськыта оліссезӧн, нылӧ сетіс Ассис югьялӧмсӧ.

Ефесын оліссезлӧ 4:4

Тійӧ ӧтік вывтырын, ӧтік Ловсянь, да и корӧмӧсь тійӧ ӧтік вылӧ надейтчыны.

Ап. керӧммез 15:8

Мортлісь сьӧлӧмсӧ тӧдісь Ен козьналіс нылӧ Вежа Ловсӧ миянлӧ моз. Сідз Еныс мыччаліс: мӧдік отирыс Сылӧ туянаӧсь.

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

Осьтӧм 19:9

Ангелыс меным висьталіс: «Гиж: "Шудаӧсь Дзельыслісь гӧтрасьӧмсӧ порйӧтӧм вылӧ корӧммес"». Сэтчӧ сія висьталіс: «Этна кыввес былись Еныслӧн».

2 Петра 1:3

Кристослӧн Ен выныс козьналіс быдӧс коланасӧ, медбы миянлӧ овны да Енлӧ юрбитны. Мийӧ эд тӧдмалім Сійӧ, Кӧда корис миянӧс Аслас югьялӧмӧн да бурсӧ керӧмӧн.

Еврейезлӧ 9:15

Сійӧн Исусыс лоис Ен да отир коласын Виль Йитӧтсӧ Керисьӧн. Еныслісь бӧрйӧммесӧ Сія Аслас кулӧмӧн мездӧтіс умӧль керӧммезсиныс. Нія керисӧ умӧльсӧ важ йитӧтыс дырни. Сійӧн бӧрйӧммес босьтӧны кӧсйӧмсӧ пыр кежӧ.

Осьтӧм 17:14

Нія пондасӧ тышкасьны Дзельыскӧт. Дзельыс нійӧ вермас. Сія эд юраліссез вылын Юралісь, ӧксуэз вылын Ӧксу. Сыкӧт ӧтлаын Сылӧн корӧммес, бӧрйӧммес, надейнӧйес».

2 Петра 1:10

Воннэзӧ, быд керӧмнаныт вынсьӧтчӧ мыччавны: тіянӧс былись Еныс бӧрйис да корис. Сідз кӧ пондат керны, сэк некӧр одӧ падмӧ.

2 Тимофейлӧ 1:9

Сія миянӧс мездіс, корис овны вежа олӧмӧн. Эз кор миянӧс бурсӧ керӧмным понда, корис Аслас шуӧм сьӧрті да бурсетӧмнас, кӧда вӧлі козьналӧм миянлӧ Кристос Исус пыр эшӧ быдӧс аркмӧтӧмӧдз.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Римын оліссезлӧ 11:29

Еныс сетӧм козиннэсӧ оз бӧр босьт. Аслас корӧммезлӧ кӧсйӧмсӧ оз веж.

Еврейезлӧ 3:1

Воннэзӧ, тійӧ ─ вежа отир, енӧжись Енӧн корӧммез. Видзӧтӧ Енлӧн Ыстӧм вылӧ, миян Аркирей Кристос Исус вылӧ, Кӧдалӧ мийӧ веритам.

1 Коринфын оліссезлӧ 7:14

Вериттӧм жӧникыс иньыс пыр вежасялӧ. Вериттӧм инь жӧникыс пыр вежасялӧ. Вӧлі бы мӧдмоз кӧ, сэк челядьныс эзӧ бы вӧлӧ сӧстӧмӧсь, а ӧні вежаӧсь.

2 Фессалоникаын оліссезлӧ 1:11

Сійӧн мийӧ и пыр кеймам тіян понда, медбы Еныс шуис тіянӧс туянаэзӧн лоны Аслас корӧм отиркӧт. Сія Аслас вынӧн ась вынсьӧтӧ тіянӧс, медбы вӧліт лӧсьӧтчӧмӧсь керны бурсӧ. Сія Ачыс ась отсалӧ тіянлӧ ештӧтны сійӧ уджсӧ, кӧда мыччалӧ тіянлісь веритӧмнытӧ.

Римын оліссезлӧ 9:24

Этна доззэс ─ мийӧ. Еныс Ачыс миянӧс корис кыдз иудей отирись, сідз и мӧдік отирись.

Римын оліссезлӧ 9:4

Нія Израиль отир. Нійӧ Еныс пуктӧм Аслас зоннэзӧ, нылӧ мыччалӧм Ассис югьялӧмсӧ. Ныкӧт Сія керлӧм йитӧттэз. Нылӧ вӧлі сетӧм Туйдӧтыс. Нійӧ сувтӧтӧмась Енлӧн Вежа Керкуын уджавны, нылӧ Еныс и кӧсйӧм вӧлі уна.

Ап. керӧммез 15:14

Симоныс вежӧртӧтіс: Еныс ӧні медодззаись видзӧтӧм мӧдік отирыс вылӧ, медбы ны коласісь ӧктыны Аслыс отирсӧ.

Ап. керӧммез 15:3

Антиокия вичкусис веритіссес нійӧ кольлалісӧ. Финикия да Самария муэзӧт мунтӧн Павел да Варнава висьтасисӧ мӧдік отирлісь Енлань бергӧтчӧмнысӧ. Сія юӧрсянь веритіссес быдӧнныс ёна гажмисӧ.

Ап. керӧммез 14:27

Сэтчин локтӧм бӧрын ӧктісӧ вичкусӧ. Нія висьтасисӧ быдӧс, мый ны пыр аркмӧтіс Еныс да кыдз мӧдік отирыслӧ осьтіс ыбӧссӧ веритӧмас.

Ап. керӧммез 10:45

Петракӧт локтӧм веритісь иудейесӧ лоӧмыссянь диво кутіс: «Вежа Лолыс вӧлі козьналӧм и мӧдік отирлӧ!»

Ефесын оліссезлӧ 2:12

Тійӧ сэк оліт Кристостӧг. Вӧліт янсӧтӧмӧсь Израиль отир дынісь. Енлӧн кӧсйӧмись тійӧ нем эдӧ вермӧ босьтны. Тіянлӧ нем вылӧ вӧлі надейтчыны, оліт Ентӧг да.