Ап. керӧммез 2:24 - Бур Юӧр 2019

²⁴ Но Еныс Сійӧ ловзьӧтіс, кулан выныслісь домӧттэсӧ орлаліс. Кулан выныс эд эз вермы видзны Исуссӧ.

Ап. керӧммез 2:24 Mawu Ofanana

Матвей 27:63

Нія шуӧмась: «Юралісь, миянлӧ тӧдвыланым усис: сія бӧбӧтчисьыс олікас баитіс, куим лун бӧрті пӧ ловзя.

Иоан 10:18

Менчим оланӧс озӧ мырддьӧ, Ме сійӧ Ачым сета. Оланӧс Ме верма сетны и верма бӧр босьтны. Сідз тшӧктіс керны Айӧ».

Иоан 10:35

Вежа Гижӧтас висьталӧмыс оз эд вежсьы. Еныс шуӧ еннэзӧн нійӧ, кинлӧ сетіс Ассис кывсӧ.

Иоан 12:39

Нія эзӧ вермӧ веритны. Ны йылісь эд вӧлі висьталӧм Исайыс:

Иоан 20:9

Нія эд эзӧ на тӧдӧ Вежа Гижӧтын висьталӧмсӧ, Исуслӧ пӧ колӧ ловзьыны.

Ап. керӧммез 13:30

Но Еныс Сійӧ ловзьӧтіс.

Ап. керӧммез 13:37

А Кӧдӧ Еныс ловзьӧтіс, Сылӧн вывтырыс эз сісьмы.

Ап. керӧммез 17:31

Сія сувтӧтіс Судитан Лун, кӧр пондас веськыта бӧрйисьны быдӧс му вылісь отиркӧт. Судитісьӧн лоас Сылӧн сувтӧтӧм Мортыс. Сійӧ Мортсӧ быдӧнныслӧ мыччаліс, кӧр Сійӧ ловзьӧтіс».

Ап. керӧммез 2:32

Сійӧ Исуссӧ Еныс ловзьӧтіс. И Сійӧ мийӧ быдӧнным адззылім.

Ап. керӧммез 3:15

Олан Сетісьсӧ тійӧ вийит, но Еныс Сійӧ ловзьӧтіс. Мийӧ лоӧмсӧ асьным адззылім, ӧні сы йылісь и висьтасям.

Ап. керӧммез 3:26

Ассис Исус Зонсӧ Еныс ловзьӧтіс. Сійӧ ыстіс медодз бласлӧвитны тіянӧс, быдӧннытӧ бергӧтны лёк керӧммезныт дынісь».

Ап. керӧммез 4:10

Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн.

Ап. керӧммез 5:30

Тійӧ Исуссӧ вийит пу бердӧ дорӧмӧн. Айезнымлӧн Еныс Сійӧ ловзьӧтіс.

Римын оліссезлӧ 10:9

Тэ аслат кылӧн пондан кӧ висьтасьны: «Исусыс ─ Дӧсвидзись», да сьӧлӧмсянь веритан кӧ: Еныс Исуссӧ ловзьӧтіс кулӧмись, сэк мезман.

Римын оліссезлӧ 14:9

Кристосыс эд сы понда и куліс да ловзис, медбы юравны кулӧммез да ловьяэз вылын.

Римын оліссезлӧ 4:24

сідз и миян йылісь. Миянӧс шуасӧ Ен сьӧрті веськыта оліссезӧн. Мийӧ эд веритам миянлісь Дӧсвидзись Исуссӧ Ловзьӧтісь Енлӧ.

Римын оліссезлӧ 6:4

Сідзкӧ, пыртчӧмным коста мийӧ кулім, Кристосыскӧт вӧлім дзебӧмӧсь. Айыслӧн югьялан вынӧн Кристосыс ловзис. Сідз и мийӧ пондім овны вильмоза.

Римын оліссезлӧ 8:11

Еныс Кристоссӧ ловзьӧтіс кулӧмсис. Олӧ кӧ тіян пытшкын Енлӧн Лолыс, Еныс и тіянлісь кулӧм вывтыррезнытӧ ловзьӧтас Аслас Лолӧн. Ӧні Сія Лолыс олӧ пытшканыт.

Римын оліссезлӧ 8:34

Кин вермас нійӧ судитны? Некин оз. Кристос Исусыс куліс да ловзис. Ӧні Сія Еныскӧт веськыт ладорас кеймисьӧ миян понда.

1 Коринфын оліссезлӧ 15:12

Мийӧ юӧртам Кристосыс йылісь сідз: Сія вӧлі кулӧм да ловзис. Тіян коласісь мукӧдыс кыдз нӧ вермӧны висьтавны, кулӧммес пӧ озӧ ловзьӧ?

1 Коринфын оліссезлӧ 15:15

Сэк Еныс йылісь миян висьтасьӧмным вӧлі бы бӧбӧтчӧмӧн. Мийӧ эд висьтасим Еныс йылісь, Сія пӧ Кристоссӧ ловзьӧтіс. Но кулӧммес озӧ кӧ ловзьӧ, сэк Сія и Кристоссӧ эз ловзьӧт.

1 Коринфын оліссезлӧ 15:20

Но Кристосыс ловзис, кулӧммес коласісь медодз Сія ловзис.

1 Коринфын оліссезлӧ 15:4

Кристосыс вӧлі дзебӧм. Вежа Гижӧтас висьталӧм сьӧрті куимӧт лунас Сія ловзис.

1 Коринфын оліссезлӧ 6:14

Еныс миянлісь Дӧсвидзисьсӧ ловзьӧтіс. Аслас вынӧн ловзьӧтас и миянӧс.

2 Коринфын оліссезлӧ 4:14

Мийӧ тӧдам: Дӧсвидзись Исуссӧ ловзьӧтіс Еныс. Сія Исусыс пыр и миянӧс ловзьӧтас, ӧтлаын тіянкӧт сувтӧтас одзас.

Галатияын оліссезлӧ 1:1

Гижӧ апостол Павел. Апостолнас ме эг вӧв пуктӧм морт висьталӧм сьӧрті, менӧ эзӧ бӧрйӧ отир, бӧрйисӧ Кристос Исус да Сійӧ кулӧмись ловзьӧтісь Ен Ай.

Ефесын оліссезлӧ 1:20

Сійӧ жӧ вынсӧ Еныс мыччаліс, кӧр ловзьӧтіс Кристоссӧ кулӧммес коласісь да пуксьӧтіс Сійӧ веськыт ладорас енӧжас.

Колосын оліссезлӧ 2:12

Пыртчӧмныт коста тійӧ Сыкӧт вӧлітӧ дзебӧмӧсь, Сыкӧт и ловзит. Тійӧ эд веритіт Еныслӧ, Кӧда Аслас вынӧн ловзьӧтіс Кристоссӧ.

1 Фессалоникаын оліссезлӧ 1:10

Тійӧ пондіт видзчисьны енӧжсянь Енлісь Исус Зонсӧ, Кӧдӧ Сія ловзьӧтіс кулӧмись. Исусыс эд миянӧс мездӧ локтан лӧгсис.

Еврейезлӧ 13:20

Лӧньсӧ сетісь Еныс ловзьӧтіс кулӧмись миянлісь Дӧсвидзись Кристос Исуссӧ, вына баля Видзӧтісьсӧ. Сы вирӧн миянлӧ керис пырся Йитӧт.

Еврейезлӧ 2:14

Челядьыслӧн эм вир-яйись вывтыр. Сійӧн Исусыс лоис ны кодь. Сылӧ ковсис Аслас кулӧмӧн орӧтны вынсӧ кульыслісь, кӧда веськӧтлӧ кулӧмнас.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

Осьтӧм 1:18

Ме ловья. Ме вӧлі кулӧм, но ӧні Ме ловья да понда пыр овны. Аминь. Адсис да кулӧмсис ключчес Менам киын.