Ап. керӧммез 2:23 - Бур Юӧр 2019

²³ Енлӧн лӧсьӧтӧм да шуӧм сьӧрті коліс аркмыны. Исусыс вӧлі сетӧм тіян киӧ. Тійӧ Исуссӧ вийит, ентӧдтӧммезлӧн киэзӧн крест вылӧ дорит.

Ап. керӧммез 2:23 Mawu Ofanana

Лука 22:22

Висьтавны кӧ веськыта, Морт Зонкӧт лоас сідз, кыдз вӧлі одззасянь ни лӧсьӧтӧм. Но ӧддьӧн умӧль лоас Сійӧ вузалісь мортлӧ!»

Ап. керӧммез 4:28

Нія керисӧ Тэнат одзлань висьтавлӧм сьӧрті, Тэнат вынӧн лӧсьӧтӧм сьӧрті.

Ап. керӧммез 3:18

Еныс керис сійӧ, мый кӧркӧ висьтавлӧм Аслас юӧртіссез пыр, Кристос-Мездӧтісьлӧ пӧ ковсяс пессьыны-мырсьыны.

1 Петра 1:20

Отирсӧ мездыны Сія вӧлі сувтӧтӧм быдӧс аркмӧтӧмӧдз. Тіян понда Сія локтіс медбӧрья кадас.

Ап. керӧммез 13:27

Ерусалимын оліссес веськӧтліссескӧт Сійӧ эзӧ тӧдӧ. Нія Сійӧ судитісӧ. Нылӧн керӧмныс лоис Енсянь юӧртіссезлӧн висьтавлӧм сьӧрті. Нійӧ кыввесӧ мийӧ лыддьӧтам быд шоччисян лунӧ.

Матвей 26:24

Морт Зонкӧт сідз и лоас, кыдз Сы йылісь висьталӧм Вежа Гижӧттэзын. Но ӧддьӧн умӧль лоас Морт Зонсӧ вузалісь мортлӧ! Буржык бы сылӧ вӧлі, эз кӧ чуж бы».

Римын оліссезлӧ 4:17

Вежа Гижӧтас тай сідз висьталӧм: «Ме сувтӧті тэнӧ айӧн унася-уна быдкодь отирлӧ». Авраамыс эд веритӧм кулӧммесӧ Ловзьӧтісь Енлӧ, вӧвлытӧмсӧ оланӧ Пыртісьлӧ.

Ап. керӧммез 5:30

Тійӧ Исуссӧ вийит пу бердӧ дорӧмӧн. Айезнымлӧн Еныс Сійӧ ловзьӧтіс.

Осьтӧм 13:8

Вӧрпаыслӧ копыртчасӧ му вывсис быдӧс отирыс, кинлӧн ниммезныс быдӧс аркмӧтӧмсянь абу гижӧмӧсь начкылӧм Дзельлӧн Олан небӧгӧ.

Иуда 1:4

Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

Ап. керӧммез 15:18

Кӧда висьталіс эта йылісь кӧркӧсянь ни.

Лука 24:20

Аркирейес миян веськӧтліссезкӧт сетісӧ Сійӧ вийны. Сійӧ дорисӧ крест вылӧ.

Лука 22:37

Тіянлӧ висьтала: Ме вылын керсясӧ Вежа Гижӧтас и эна висьталӧм кыввес: "Сійӧ лёк керисьӧ пуктісӧ". Ме йылісь гижӧмыс ӧні керсиссьӧ».

Ап. керӧммез 7:52

Енсянь юӧртіссез коласісь кинӧс эзӧ вашӧтлӧ тіян айезныт? Нія вийлісӧ Енсянь юӧртіссесӧ, Ен сьӧрті веськыта Олісьлісь локтӧмсӧ висьтавліссесӧ. Ӧні тійӧ Сійӧ вузаліт да вийит.

Иоан 19:24

Сійӧн ӧтамӧдныслӧ висьталісӧ: «Йӧрнӧссӧ огӧ пондӧ косявлыны, а босьтам кыскӧм сьӧрті, кинлӧ дӧнзяс». Аркмис Вежа Гижӧтын висьталӧм сьӧрті: ─ Торйӧтісӧ Менчим паськӧмӧс ас коласаныс. Менчим паськӧмӧс янсӧтісӧ кыскӧм сьӧрті. Воиннэс сідз и керисӧ.

1 Петра 2:8

Нія и падмӧны, озӧ кывзісьӧ Еныслісь Кывсӧ да. Сідз нылӧ шуӧм лоны.

Матвей 20:19

Сійӧ сетасӧ ентӧдтӧммез киӧ. Нія Сы вылын сераласӧ, Сійӧ вартласӧ, сэсся дорасӧ крест вылӧ, но куимӧт лунас Сія ловзяс».

Матвей 27:35

Исуссӧ крест вылас дориссес янсӧтісӧ ас коласаныс Сылісь паськӧмсӧ кыскӧм сьӧрті.

Марк 15:24

Исуссӧ крест вылас дориссес янсӧтісӧ ас коласаныс Сылісь паськӧмсӧ кыскӧм сьӧрті.

Лука 23:33

Нійӧ вайӧтісӧ «Юр лы» нима керӧс вылӧ. Сэтӧн Исуссӧ дорисӧ крест вылӧ. Ӧт лёк керисьсӧ дорисӧ веськыт ладорас, мӧдсӧ ─ шульга ладорас.

Иоан 19:18

Сэтчин дорисӧ Сійӧ крест вылӧ. Сыкӧт ӧтлаын дорисӧ кык мортӧс. Ӧтсӧ ─ ӧт ладорас, мӧдсӧ ─ мӧд ладорас. Ны шӧрын вӧлі Исусыс.

Ап. керӧммез 2:36

Сідзкӧ, Израильын быд морт бура тӧд: Еныс сувтӧтіс Дӧсвидзисьӧн да Кристос-Мездӧтісьӧн сійӧ Исуссӧ, Кӧдӧ тійӧ дорит пу бердӧ!»

Ап. керӧммез 5:28

«Эгӧ разь мийӧ ӧлӧ тіянӧс? Эгӧ разь тшӧктӧ дугдыны велӧтны Сія ним йылісь? Тійӧ тай быдсӧн Ерусалимас паськӧтіт ассиныт велӧтӧмнытӧ. Эшӧ и сійӧ Морт вийӧмсӧ Тійӧ мӧдат кышавны миян вылӧ».

Римын оліссезлӧ 2:12

Шуам: мортыс керис умӧльӧ. Сія Моисейлӧн Туйдӧтісь тшӧктӧммесӧ эз тӧд. Сылӧн оланыс Туйдӧтыстӧг и орас. Моисейлӧн Туйдӧтісь тшӧктӧммесӧ мортыс тӧдӧ кӧ, да керӧ умӧльсӧ ─ сійӧ Туйдӧтыс сьӧрті и пондасӧ судитны.

1 Фессалоникаын оліссезлӧ 2:15

Иудейес вийисӧ Дӧсвидзись Исуссӧ да Сылісь юӧртіссесӧ, а миянӧс вашӧтісӧ. Нія Енсӧ лӧгӧтлӧны да и быд мортлӧ паныт лэбтісьӧны.