Ап. керӧммез 18:9 - Бур Юӧр 2019

⁹ Дӧсвидзисьыс ойнас мыччалӧм пыр висьталіс Павеллӧ: «Баит повтӧг, дугдывтӧг.

Ап. керӧммез 18:9 Mawu Ofanana

Ап. керӧммез 23:11

Локтан ойас Дӧсвидзисьыс мыччасис Павелыслӧ. Сія висьталіс: «Павел! Эн пов! Ме йылісь тэ висьтасин Ерусалимын. Сідз пондан висьтасьны и Римын».

Ап. керӧммез 16:9

Сэтӧн Павелыс ойнас адззыліс мыччалӧм: сы одзӧ сувтіс Македонияись морт. Сія корис Павелсӧ, висьталіс: «Саридзӧт вудж Македония муӧ да отсав миянлӧ».

1 Фессалоникаын оліссезлӧ 2:2

Тіян дынӧ локтытӧдз Филип карас уна сьӧкытыс усис миян вылӧ: миянӧс вартлісӧ, умӧльтісӧ. Но мийӧ эгӧ повзьӧ отир лэбтісьӧмись. Еныс отсӧтӧн мийӧ повтӧг висьтасим тіянлӧ Сылісь Бур Юӧрсӧ.

Ап. керӧммез 22:18

Ме казялі Дӧсвидзисьсӧ. Сія меным висьталіс: "Ерусалимсис петны тэрмась. Ме йылісь висьтасьӧмсӧ эстӧн озӧ пондӧ кывзыны".

Ап. керӧммез 9:10

Дамаскас оліс Ананий нима Исуслӧн велӧтчись. Дӧсвидзисьыс мыччалӧмӧн висьталіс сылӧ: «Ананий!» Мӧдыс шуис: «Ме эстӧн, Дӧсвидзисьӧ».

Ап. керӧммез 18:10

Ме тэкӧт. Тэныт некин оз кер умӧльсӧ. Эта карын Менам отирӧ уна».

1 Коринфын оліссезлӧ 9:1

Абу разь ме апостол? Менӧ разь мыйкӧ видзӧ? Эг разь ме адззыв Кристос Исуссӧ, миянлісь Дӧсвидзисьсӧ? Тійӧ ӧтлаасит Дӧсвидзисьыскӧт, сія лоӧмыс абу разь менам уджсянь?