Ап. керӧммез 18:7 - Бур Юӧр 2019

⁷ Павелыс сэтісь муніс да локтіс Енсис полісь Иуст нима морт ордӧ. Сылӧн керкуыс сулаліс ордчӧн синагогакӧт.

Ап. керӧммез 18:7 Mawu Ofanana

Иоан 9:31

Мийӧ тӧдамӧ, умӧльсӧ кериссесӧ Еныс оз кывзы. Сія кывзӧ Сійӧ бурӧ пуктіссесӧ да Сы сьӧрті кериссесӧ.

Ап. керӧммез 10:2

Сія вӧлі Енлӧ юрбитісь морт, гортіссескӧт оліс Енсис полӧмӧн. Пыр кеймис Енлӧ, уна отсаліс умӧля олісь отирлӧ.

Ап. керӧммез 10:22

Мӧддэс висьталісӧ: «Мийӧ локтім Корнилийсянь, сія сё воинӧн веськӧтлісь. Сія мортыс Ен сьӧрті веськыта олӧ да Енсис полӧ. Иудейез сійӧ бурӧ пуктӧны. Енлӧн ангел тшӧктӧм сійӧ корны тэнӧ гортас да кывзыны тэнчит висьталӧмтӧ».

Ап. керӧммез 13:42

Синагогаись петӧм коста Павелсӧ да Варнавасӧ корисӧ мӧд шоччисян лунас бӧра баитны эта йылісь.

Ап. керӧммез 13:43

Синагогасис отирыс петісӧ. Иудейес да мӧдік отирись локтӧммес, кӧдна пондӧмась овны Моисейлӧн Туйдӧт сьӧрті, унаӧн мунісӧ Павелкӧт да Варнавакӧт. Апостоллэз баитісӧ ныкӧт. Велӧтісӧ-мывкыдсьӧтісӧ отирсӧ дугдывтӧг видзсьыны Енлӧн бурсетӧм бердӧ.

Ап. керӧммез 13:50

Но иудейес ызйӧтісӧ лэбтісьны Павел да Варнава вылӧ Енлӧ юрбитісь бурӧ пуктӧм инькаэсӧ да карсис юраліссесӧ. Нія апостоллэсӧ вашӧтісӧ асланыс муись.

Ап. керӧммез 16:14

Ны коласын ӧтік инька вӧлі Фиатира карись. Сія вузасис дона гӧрд дӧраӧн. Инькасӧ шуисӧ Лидия. Сія оліс Енсис полӧмӧн. Лидияыс кывзіс миянлісь висьтасьӧмсӧ, и Дӧсвидзисьыс отсӧтӧн Павеллӧн кыввес йиджисӧ сы сьӧлӧмӧ.

Ап. керӧммез 17:4

Отирыс коласісь мукӧдыс пондісӧ веритны да ӧтлаасисӧ Павелкӧт да Силакӧт. Ны коласын унаӧн вӧлісӧ грек кыв вылын баитіссез. Унакодь вӧлісӧ и вылына пуктӧм инькаэз.

Колосын оліссезлӧ 4:11

Юӧр ыстӧ и Исус, кӧдӧ шуӧны Иустӧн. Иудейез коласісь нія ӧтнаныс уджалӧны мекӧт Енлӧн Юралӧм понда. Нія менчим сьӧлӧмӧс кокньӧтӧны.