Ап. керӧммез 18:3 - Бур Юӧр 2019

³ Сылӧн ныкӧт вӧлі ӧткодь удж ─ керны палаткаэз. Сійӧн Павелыс кольччис ны ордын да ӧтлаын ныкӧт уджаліс.

Ап. керӧммез 18:3 Mawu Ofanana

1 Коринфын оліссезлӧ 4:12

Мийӧ уджалам, асланым киэзӧн шедтам няньсӧ. Миян йылісь умӧля баитӧны, а мийӧ бласлӧвитам. Миянӧс вашӧтлӧны, а мийӧ шы огӧ сетӧ.

1 Коринфын оліссезлӧ 9:14

Сідз и Дӧсвидзисьыс тшӧктіс: Бур Юӧрсӧ висьтасиссеслӧ оланын коланаыс ась локтӧ эта уджсянь.

1 Коринфын оліссезлӧ 9:15

Тіянлісь ме нем эг босьтлы. Этӧ гижа не сійӧн, медбы меным отсаліт. Тіянлісь мыйкӧ босьтӧмся меным буржык кувны! Этӧ ошшасьӧмӧс некин оз вермы пуктыны абутӧм туйӧ.

1 Коринфын оліссезлӧ 9:18

Мый понда меным вештыны? Ме нуӧта Кристосыс йылісь Бур Юӧрсӧ да висьтасьӧмӧ понда нем ог босьт. Кыдз апостол, висьтасьӧмӧ понда ме верми бы и босьтны, но ме ог босьт.

2 Коринфын оліссезлӧ 11:7

Тіянӧс лэбтӧм понда ме ачымӧс лэдзи. Еныслісь Бур Юӧрсӧ тіянлӧ висьтасьӧм понда ме сьӧм эг босьтлы. Умӧльӧ я ме кери?

2 Коринфын оліссезлӧ 11:9

Македонияись локтісӧ воннэзӧ да отсалісӧ меным. Да и быдӧсын ме видзӧті, медбы тіянлӧ месянь эз вӧв сьӧкыт. Ме и одзлань ог понды тіянлісь босьтны.

2 Коринфын оліссезлӧ 12:13

Мый тіянлӧ оз тырмы мӧдік вичкуэз сьӧрті? Дзир ӧтік эд, мекӧт тіянлӧ эз вӧв сьӧкыт. Эта понда ме вылӧ эд лӧгасьӧ.

1 Фессалоникаын оліссезлӧ 2:9

Воннэзӧ, миян уджным тӧдвыланыт. Енлісь Бур Юӧрсӧ висьтасьӧмным коста мийӧ вовлім садь быртӧдз. Мийӧ уджалім ой и лун, медбы миянсянь некинлӧ тіян коласісь эз вӧв сьӧкыт. Асланым киэзӧн шедтім оланын коланасӧ.

1 Фессалоникаын оліссезлӧ 4:11

Вынсьӧтчӧ овны лӧня. Уджалӧ, асланыт киэзӧн шедтӧ оланын коланасӧ. Тіянӧс сідз овны и одзжык мийӧ тшӧктім.