Ап. керӧммез 18:26 - Бур Юӧр 2019

²⁶ Сія повтӧг пондіс баитны синагогаын. Акилыс Прискилаыскӧт кылісӧ сылісь баитӧмсӧ. Нія корисӧ сійӧ гортаныс да буржыка велӧтісӧ, вежӧртӧтісӧ Дӧсвидзисьлісь Туйсӧ.

Ап. керӧммез 18:26 Mawu Ofanana

Еврейезлӧ 6:1

Сійӧн огӧ пондӧ вились мунны Кристослісь велӧтӧмсӧ пондӧтчӧмсянь. Огӧ пондӧ мӧдпӧв велӧтны, кыдз колӧ умӧль керӧммез дынісь бергӧтчыны Енланьӧ да веритны. Тэрмасям вынсявны.

1 Коринфын оліссезлӧ 12:21

Оз вермы син висьтавны килӧ: «Тэ меным он ков». Сідз и юр коккезлӧ: «Тійӧ меным одӧ колӧ».

Ап. керӧммез 18:25

Аполлосыс вӧлі велӧтӧм Дӧсвидзисьлӧн Туй сьӧрті. Сія ловсӧ пуктіс висьтасьны Дӧсвидзисьыс йылісь, баитіс да велӧтіс бура, а пыртӧмсӧ тӧдіс дзир Иоанлісь.

Ап. керӧммез 14:3

Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

1 Коринфын оліссезлӧ 3:18

Асьнытӧ некин эд бӧбӧтӧ. Кин юрас пыртіс кӧ, эта му вылісь отир сьӧрті ме пӧ мывкыда, сэтшӧмыс коль ассит мывкыдтӧ. Сэк босьтан бур мывкыдсӧ.

Ап. керӧммез 28:23

Иудейес висьталісӧ сылӧ пантасян лун. Сія лунӧ унаӧн локтісӧ Павеллӧн олан керкуӧ. Павелыс асывсянь рытӧдз нылӧ висьтасис Енлӧн Юралӧм йылісь велӧтӧмсӧ. Осьтіс нылӧ Моисейлӧн Туйдӧт сьӧрті да Енсянь юӧртіссез сьӧрті Исус йылісь гижӧмсӧ.

Ап. керӧммез 8:31

Мӧдыс висьталіс: «Кыдз верма вежӧртны, некин оз кӧ вежӧртӧт?» Сія Филипсӧ корис пуксьыны ордчӧн.

Иоан 7:17

Кин лӧсьӧтчис керны Ен сьӧрті, сія вежӧртас, Енсянь я эта велӧтӧмыс, али Ассяням Ме баита.

Лука 24:27

Сэк Исусыс Моисейлӧн да Енсянь юӧртіссезлӧн гижӧттэзсянь пондӧтчӧмӧн вежӧртӧтіс нійӧ, мый Сы йылісь гижӧм быдӧс Вежа Гижӧттэзын.

Лука 19:26

Кӧзяиныс шуас: "Тіянлӧ висьтала: быдыслӧ, кинлӧн эм, сетасӧ. Кинлӧн абу, сылісь босьтасӧ и сійӧ, мый эм.

Марк 10:15

Быльсӧ тіянлӧ висьтала: кин челядь моз оз босьт Енлісь Юралӧмсӧ, сія оз пыр Енлӧн Юраланінӧ».

1 Коринфын оліссезлӧ 8:2

Кин юрас пыртіс, ме пӧ мыйкӧ тӧда, сія оз тӧд сідз, кыдз колӧ бы сылӧ тӧдны.

Ап. керӧммез 18:18

Павелыс сыбӧрын уна лун сьӧрна оліс Коринфас. Сэсся воннэскӧт кольласис да уйис Сирияӧ. Сыкӧт тшӧтш уйисӧ Акил да Прискилла. Кенкреяын Павелыс шырис юрсисӧ Ен одзын кыв сетлӧм сьӧрті.

Ап. керӧммез 19:8

Павелыс локтіс синагогаӧ. Сія куим тӧлісь сьӧрна сёрнитіс отиркӧт: повтӧг висьтасис, велӧтіс-осьтіс Енлӧн Юралӧм йылісь.