Ап. керӧммез 18:18 - Бур Юӧр 2019

¹⁸ Павелыс сыбӧрын уна лун сьӧрна оліс Коринфас. Сэсся воннэскӧт кольласис да уйис Сирияӧ. Сыкӧт тшӧтш уйисӧ Акил да Прискилла. Кенкреяын Павелыс шырис юрсисӧ Ен одзын кыв сетлӧм сьӧрті.

Ап. керӧммез 18:18 Mawu Ofanana

Матвей 4:24

Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ, усяліссесӧ, параличӧн личкӧм отирӧс. Сія быдӧннысӧ веськӧтліс.

Марк 6:46

Исусыс лэдзӧм отирсӧ да кайӧм керӧс вылӧ кеймыны.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.

Ап. керӧммез 15:23

Гижисӧ да иньдісӧ ныкӧт сэтшӧм гижӧт: «Пым юӧр тіянлӧ! Мийӧ ─ апостоллэз, вичкуын веськӧтліссез да веритіссез ─ гижам Антиокияись, Сирияись да Киликияись воннэзлӧ, быд отирись веритіссезлӧ.

Ап. керӧммез 15:41

Нія мунісӧ Сирия да Киликия муэзӧт. Сэтчин вичкуэзісь веритіссесӧ вынсьӧтісӧ-велӧтісӧ.

Ап. керӧммез 18:2

Сэтчин сія пантасис Акил нима иудейкӧт и сылӧн Прискилла инькӧт. Акилыс шогмылӧм Понтын. Абу чулалӧм уна кад, кыдз нія локтӧмась Италияись. Нылӧ сэтчинісь ковсьӧм петны, мыля Клавдий ӧксуыс иудейесӧ Римсис тшӧктӧм мунны. Павелыс локтіс ны ордӧ.

Ап. керӧммез 18:26

Сія повтӧг пондіс баитны синагогаын. Акилыс Прискилаыскӧт кылісӧ сылісь баитӧмсӧ. Нія корисӧ сійӧ гортаныс да буржыка велӧтісӧ, вежӧртӧтісӧ Дӧсвидзисьлісь Туйсӧ.

Ап. керӧммез 18:27

Аполлосыс лӧсьӧтчис мунны Акаия муӧ. Сэк воннэс гижисӧ сэтчинісь велӧтчиссеслӧ, медбы сійӧ босьтісӧ дынаныс. Сэтчин локтӧм бӧрын Аполлосыс Енлӧн бурсетӧмсянь уна отсаліс веритіссеслӧ.

Ап. керӧммез 21:23

Кер инӧ висьталӧмным сьӧрті. Миян коласісь нёль морт Еныслӧ кыв сетӧмась.

Ап. керӧммез 21:24

Тэ босьт нійӧ да Туйдӧтын висьталӧм сьӧрті асьтӧ ныкӧт сӧстӧмт. Ны туйӧ вештісь ачыт, медбы нія шырисӧ ассиныс юрсинысӧ. Сэк быдӧнныс пондасӧ тӧдны: тэ йылісь кывсьӧмыс весись баитӧм, тэ и ачыт олан Моисейлӧн Туйдӧт сьӧрті.

Ап. керӧммез 21:3

Уйиканым шульга ладорас адззылім Кипр му. Мийӧ туйнымӧс видзим Сирияӧ. Корабльсӧ коліс ректыны Тирын, сійӧн мийӧ сэтӧн сувтчим.

Римын оліссезлӧ 16:1

Тіянӧс тӧдсӧта миян Фива сойнымкӧт. Сія Кенкреяын вичкуись отсасись.

1 Коринфын оліссезлӧ 9:20

Иудейескӧт ме вӧлі кыдз иудей, медбы нійӧ вайӧтны Кристос дынӧ. Моисейлӧн Туйдӧт сьӧрті оліссескӧт ме вӧлі Туйдӧт сьӧрті олісьӧн. Сідз кери, медбы вайӧтны Кристосыс дынӧ Моисейлӧн Туйдӧт сьӧрті оліссесӧ.

Галатияын оліссезлӧ 1:21

Сы бӧрсянь муні Сирияӧ да Киликияӧ.