Ап. керӧммез 17:3 - Бур Юӧр 2019

³ Сэтісь осьтіс-вежӧртӧтіс: «Кристосыслӧ коліс пессьӧмӧн-мырсьӧмӧн кувны да ловзьыны. Сія Исусыс и эм Кристос-Мездӧтісьыс, кӧда йылісь ме тіянлӧ висьтася».

Ап. керӧммез 17:3 Mawu Ofanana

Лука 24:32

Сэк нія висьталісӧ ӧтамӧдныслӧ: «Туй вылӧттяс мунтӧн Сылӧн баитӧмыс эз разь вӧрзьӧт миянлісь сьӧлӧммезнымӧс Вежа Гижӧтсӧ вежӧртӧтӧм коста?»

Лука 24:44

Нылӧ висьталіс: «Ӧні керсис сія, мый Ме баитлі, кӧр вӧлі тіянкӧт. Ме йылісь мый гижӧм Моисейлӧн Туйдӧтын, Енсянь юӧртіссез гижӧттэзын да псаломмезын, сія, мыся, быдӧс керсяс».

Лука 24:46

Исусыс велӧтчиссеслӧ висьталіс: «Вежа Гижӧттэзын висьталӧм сьӧрті Кристос-Мездӧтісьлӧ коліс пессьыны-мырсьыны, кувны, куимӧт лунас ─ ловзьыны.

Иоан 20:9

Нія эд эзӧ на тӧдӧ Вежа Гижӧтын висьталӧмсӧ, Исуслӧ пӧ колӧ ловзьыны.

Ап. керӧммез 1:4

Апостоллэскӧт ӧтлаын сёйӧм коста Исусыс висьталіс: «Ерусалимсис эд мунӧ. Сэтӧн видзчисьӧ Айӧлісь кӧсйӧмсӧ, кӧда йылісь тійӧ кыліт Месянь.

Ап. керӧммез 18:28

Отирыс одзын сія ёна вермасис иудейескӧт: Вежа Гижӧттэз сьӧрті осьтіс-вежӧртӧтіс Исусыс йылісь, Сія пӧ и эм кӧсйӧм Кристос-Мездӧтісьыс.

Ап. керӧммез 18:5

Сэтчӧ Македонияись локтісӧ Сила да Тимофей. Сэк Павелсӧ Вежа Лов ӧзйӧтіс висьтасьны иудейеслӧ: Исусыс и эм Кристос-Мездӧтісьыс.

Ап. керӧммез 3:18

Еныс керис сійӧ, мый кӧркӧ висьтавлӧм Аслас юӧртіссез пыр, Кристос-Мездӧтісьлӧ пӧ ковсяс пессьыны-мырсьыны.

Ап. керӧммез 9:22

Савлыс лунісь лунӧ вынсяліс. Дамаскын олісь иудейесӧ баитӧмнас паймӧмӧдз воштывліс. Сія вежӧртӧтліс: Исусыс ─ Кристос-Мездӧтісь.

Галатияын оліссезлӧ 3:1

Галатияись отир, ылӧстӧммез! Кин тіянӧс ылӧтіс, медбы эдӧ кывзісьӧ быльсӧ? Кристос Исусыс йылісь висьтасьӧмӧ коста тійӧ кывзіт сідз, жыв Сія тіян син одзын вӧлі дорӧм крест вылас.