Ап. керӧммез 17:18 - Бур Юӧр 2019

¹⁸ Мукӧдыс Павелыскӧт кутчисьлісӧ етшасьны. Нія вӧлісӧ философфез, «Эпикур» да «Стоик» велӧтӧммез сьӧрті оліссез. Ӧтіккез баитісӧ: «Мый мӧдӧ висьтавны эта абутӧмсӧ баитісьыс?» Мӧдіккез шуисӧ: «Тыдалӧ, сія висьтасьӧ йӧз еннэз йылісь». Павелыс эд нылӧ висьтасис Исусыс йылісь да ловзьӧм йылісь.

Ап. керӧммез 17:18 Mawu Ofanana

Марк 9:14

Исус, Петра, Яков да Иоан локтісӧ мӧд велӧтчиссес дынӧ. Ны дынӧ ӧксьӧм вӧлі уна отир. Сэтӧн вӧлісӧ Туйдӧтӧ велӧтіссез, кӧдна етшасисӧ ныкӧт.

Лука 11:53

Исуслӧн баитӧм коста Туйдӧтӧ велӧтіссес фарисейескӧт лӧгувьяныс лэбтісисӧ уна мый юасьны Сылісь.

Ап. керӧммез 26:23

Ме висьтася: Кристос-Мездӧтісьыслӧ коліс пессьӧмӧн-мырсьӧмӧн кувны да медодззалӧ ловзьыны, медбы юӧртны югытсӧ иудей отирлӧ да мӧдік йӧзлӧ».

Ап. керӧммез 4:2

Апостоллэс велӧтӧмсянь нія лӧгасисӧ. Нылӧн эд велӧтӧмныс вӧлі сэтшӧм: Исусыс ловзис, сідзкӧ и кулӧммес ловзясӧ.

Ап. керӧммез 5:42

Быд лун Вежа Керкуын да горттэзын апостоллэс дугдывтӧг велӧтісӧ, висьтасисӧ Бур Юӧрсӧ да осьтісӧ: Исусыс и эм Кристос-Мездӧтісьыс.

Ап. керӧммез 6:9

Киринеяись да Александрияись сідз шусяна «мезмӧм раббезлӧн синагогаись» киннэзкӧ, эшӧ Киликияись да Асияись локтӧм иудейес пондісӧ Стефаныскӧт етшасьны.

Римын оліссезлӧ 1:22

Ас йывсиныс нія шуисӧ, мийӧ пӧ мывкыдаӧсь. Асьныс тай вежӧрнысӧ ӧштісӧ.

1 Коринфын оліссезлӧ 3:18

Асьнытӧ некин эд бӧбӧтӧ. Кин юрас пыртіс кӧ, эта му вылісь отир сьӧрті ме пӧ мывкыда, сэтшӧмыс коль ассит мывкыдтӧ. Сэк босьтан бур мывкыдсӧ.

1 Коринфын оліссезлӧ 4:10

Мийӧ Кристосыс понда ӧштім вежӧрнымӧс. Тійӧ Кристоскӧт ӧтлаасьӧмсянь мывкыдаӧсь. Мийӧ вынтӧмӧсь, а тійӧ вынаӧсь. Тіянӧс ошкӧны, миянӧс видӧны.

Колосын оліссезлӧ 2:8

Воннэзӧ, видзӧтӧ, ась некин оз ылӧт тіянӧс морт мывкыдсянь баитӧмнаныс да абутӧмсӧ кӧсйӧмнаныс. Нія велӧтӧммес абу Кристоссянь, а морт мывкыдсянь. Сэтшӧм велӧтӧммес эд му вылісь выннэзсянь шогмисӧ.