Ап. керӧммез 16:34 - Бур Юӧр 2019

³⁴ Павелсӧ да Силасӧ вайӧтіс гортас да пуксьӧтіс пызан сайӧ. Сія гортіссескӧт гажӧтчис, Еныслӧ пондісӧ веритны да.

Ап. керӧммез 16:34 Mawu Ofanana

Римын оліссезлӧ 15:13

Надея сетісь Еныс ась тыртас тіянӧс веритӧмныт пыр быдкодь гажнас да лӧньнас. Вежа Лолыс вынӧн Сія ась вынсьӧтӧ тіянлісь надейтчӧмнытӧ.

Филимонлӧ 1:7

Тэнат радейтӧм йылісь кылӧмыс бурмӧтіс сьӧлӧммезнымӧс, мийӧ ёна гажмим. Вонӧ, тэ лӧньсьӧтін вежа отирыслісь сьӧлӧммезнысӧ.

Римын оліссезлӧ 5:11

Но эта абу быдӧс. Миян гажным и Енсянь, миян Дӧсвидзись Кристос Исус отсӧтӧн эд мийӧ Сыкӧт бурасим.

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

1 Иоан 3:18

Менам челядьӧ! Пондам радейтны быльыс сьӧрті да асланым керӧммезӧн, а не дзир кывнаным баитӧмӧн.

Филипын оліссезлӧ 4:17

Этадз ог баит сы понда, жыв видзчися тіянсянь козиннэз. Меным колӧ, медбы керӧмсяняныт тіянлӧ бурыс локтіс.

Филипын оліссезлӧ 4:4

Пыр лоӧ гажаӧсь, тійӧ эд олат Дӧсвидзисьыскӧт ӧтлаасьӧмӧн. Мӧдпырись шуа: лоӧ гажаӧсь.

Римын оліссезлӧ 5:2

Сы пыр веритӧмнаным босьтім и бурсетӧмсӧ, кӧдаын ӧні олам. Мийӧ надейтчам локны Енлӧн югьяланінӧ, сійӧн ӧні гажӧтчам.

Ап. керӧммез 11:14

Петраыс пӧ висьталас тэныт кыввез. Нія кыввезсянь пӧ тэ гортіссеткӧт мезман.

Ап. керӧммез 8:39

Нія петісӧ васис. Сэтӧн мортыс вылӧ лэдзчисис Вежа Лолыс. Мортыс гажмис да вӧрзис одзлань. Васис петӧм бӧрын сія эз ни адззыв Филипсӧ. Сійӧ нуӧтіс Дӧсвидзисьлӧн ангел.

Лука 19:6

Заккейыс гажмис, перыта лэдзчис, Исуссӧ вайӧтіс гортас.

Лука 15:32

Воныт понда эд колӧ гажмыны да гажӧтчыны. Сія вӧлі кулӧм да ловзис, ӧшліс да адззисис"».

Лука 5:29

Левийыс гортас Исус понда лӧсьӧтіс ыджыт пызан вылӧ бур сёян. Ӧтлаын пызан саяс вӧлісӧ уна вот ӧктіссез да и мӧдіккез.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Ап. керӧммез 16:15

Лидияыс гортіссескӧт пыртчис. Сія висьталіс: «Шуат кӧ тійӧ менӧ Дӧсвидзисьлӧ веритісьӧн, сэк пырӧ да олӧ ме ордын». Сія ӧддьӧн корис миянӧс, и мийӧ керим сы сьӧрті.

Ап. керӧммез 16:35

Асывнас карсис юраліссес уджаліссезнысӧ ыстісӧ висьтавны: «Лэдз нійӧ морттэсӧ».