Ап. керӧммез 16:23 - Бур Юӧр 2019

²³ Ёна вартлӧм бӧрын нійӧ пуксьӧтісӧ. Чижовкаас уджалісьлӧ висьталісӧ: «Эн лэдз нійӧ син вылісь».

Ап. керӧммез 16:23 Mawu Ofanana

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

2 Тимофейлӧ 2:9

Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.

Филимонлӧ 1:9

Ог сідз кер, ме эд тэнӧ радейта, сійӧн гижа корӧмӧн. Ме, Павел, пӧрись морт, а ӧні Кристос понда пукалісь.

Ефесын оліссезлӧ 4:1

Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ.

Ефесын оліссезлӧ 3:1

Ме, Павел, Кристос Исуслӧн раб, сійӧн и пукала тіян понда, ентӧдтӧм отир.

Ап. керӧммез 16:36

Чижовкасис видзӧтлісьыс висьталіс эта йылісь Павеллӧ: «Юраліссес тшӧктісӧ лэдзны тіянӧс. Сідзкӧ, петӧ, мунӧ лӧнь сьӧлӧмӧн».

Ап. керӧммез 16:27

Чижовка сьӧрын видзӧтлісьыс саймис. Сія казяліс осьта ыбӧссэсӧ да юрас пыртіс: «Пукаліссес, натьтӧ, пышшисӧ». Сэк сія кыскис шыпуртсӧ да мӧдіс асьсӧ вийны.

Ап. керӧммез 12:18

Асывнас воиннэс ӧддьӧн повзьӧмась. Нія абу тӧдӧмась, мый лоис Петраыскӧт.

Ап. керӧммез 12:4

Петрасӧ кутісӧ да пуксьӧтісӧ. Нёль воинӧс сувтӧтісӧ видзӧтны сы сьӧрын. Нія вежсьывлісӧ нёлись. Ыджыт лун бӧрын Иродыс мӧдӧм сійӧ петкӧтны отир одзӧ.

Ап. керӧммез 9:2

Сылісь корис гижӧттэз Дамаскын синагогаэзӧ, медбы сэтчинісь вермис кошшыны Исуслӧн велӧтӧм сьӧрті оліссесӧ. Адззас кӧ сэтшӧммесӧ, ай морт, инька я, нійӧ быдӧннысӧ кӧрталӧмӧн лӧсьӧтчис вайӧтны Ерусалимӧ.

Ап. керӧммез 8:3

Савлыс тай летіс-куталіс веритіссесӧ. Сія пыравліс керкуэзӧ да ай отирӧс, инькаэзӧс кыскавліс, пуксьӧтліс.

Ап. керӧммез 5:23

Нія висьталӧмась: «Мийӧ асьным адззылім, чижовкаыс вӧлі пӧдналӧм бура. Ыбӧс одзас сулалісӧ чижовкаыс сьӧрын видзӧтіссез. Но кӧр осьтім ыбӧссӧ, сэтчин некин эз вӧв».

Ап. керӧммез 5:18

Нія кутісӧ апостоллэсӧ да пуксьӧтісӧ.

Лука 21:12

Сія лоӧмӧдз отирыс лэбтасӧ тіян вылӧ кинысӧ: пондасӧ вашӧтлыны, кутасӧ тіянӧс, вайӧтасӧ синагогаэзӧ, ӧксуэз одзӧ, юраліссез одзӧ, пуксьӧтасӧ Менам ним понда.

Матвей 26:48

Исуссӧ вузалісьыс сыкӧт локтӧммеслӧ висьталӧм: «Кӧдӧ ме окышта, сія Исусыс. Кутӧ Сійӧ».

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

2 Коринфын оліссезлӧ 6:5

Миянӧс вартлӧны, вашӧтлӧны да пуксьӧтӧны. Мийӧ садь быртӧдз уджаламӧ, узьтӧг оламӧ, кӧслуналамӧ.

2 Коринфын оліссезлӧ 11:23

Нія Кристослӧн уджаліссез? Мывкыдтӧг баита, ме унажык кери. Ме унажык уджалі. Менӧ унаись вартлісӧ, Кристосыс понда унажыкись пукалі, унаись вӧлі куландорын.