Ап. керӧммез 16:14 - Бур Юӧр 2019

¹⁴ Ны коласын ӧтік инька вӧлі Фиатира карись. Сія вузасис дона гӧрд дӧраӧн. Инькасӧ шуисӧ Лидия. Сія оліс Енсис полӧмӧн. Лидияыс кывзіс миянлісь висьтасьӧмсӧ, и Дӧсвидзисьыс отсӧтӧн Павеллӧн кыввес йиджисӧ сы сьӧлӧмӧ.

Ап. керӧммез 16:14 Mawu Ofanana

Лука 24:45

Сія велӧтіс нійӧ вежӧртны Вежа Гижӧттэзын висьталӧмсӧ.

Осьтӧм 3:20

То, Ме сулала ыбӧс одзас да ёркӧтча. Кылас кӧ кин Менчим шыӧс да осьтас ыбӧссӧ, Ме пыра сы ордӧ. Мийӧ ӧтлаын пондам рытйыны.

Римын оліссезлӧ 9:16

Сідзкӧ, быдӧс керсьӧ Енлӧн небыт сьӧлӧмсянь, оз мортлӧ колӧмсянь да сылӧн вынсьӧтчӧмсянь.

Филипын оліссезлӧ 2:13

Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Ап. керӧммез 11:21

Дӧсвидзисьлӧн киыс нійӧ вынсьӧтӧм. Сійӧн ӧддьӧн унаӧн веритӧмась да бергӧтчӧмась Дӧсвидзисьлань.

Осьтӧм 3:7

«Филадельфия вичкуись ангелыслӧ гиж: ─ То мый висьталӧ Вежаыс да Былисьыс, Кӧда дынын Давидлӧн ключыс. Мый Сія осьтӧ, некин оз вермы пӧднавны. Мый Сія пӧдналӧ, некин оз вермы осьтны.

Ап. керӧммез 18:7

Павелыс сэтісь муніс да локтіс Енсис полісь Иуст нима морт ордӧ. Сылӧн керкуыс сулаліс ордчӧн синагогакӧт.

Осьтӧм 1:11

Ӧні мый адззан, гиж да ысты Учӧт Азияись вичкуэзӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Ап. керӧммез 10:2

Сія вӧлі Енлӧ юрбитісь морт, гортіссескӧт оліс Енсис полӧмӧн. Пыр кеймис Енлӧ, уна отсаліс умӧля олісь отирлӧ.

Ап. керӧммез 8:27

Филипыс чеччис да муніс. Сія туй кузя сэк муніс Эфиопияын олісь. Мортыс вӧлӧм Эфиопияись евнук, «кандакия» иньӧксу дынын веськӧтлісь. Иньӧксулӧн быдӧс дона берсяыс да сьӧмыс вӧлӧм сы кипод увтын. Мортыс вовлӧм Ерусалимӧ юрбитны Енлӧ.

Иоан 12:20

Ыджыт лун коста Енлӧ копыртчыны локтіссез коласын вӧлісӧ и кынымкӧ грек.

Ап. керӧммез 13:43

Синагогасис отирыс петісӧ. Иудейес да мӧдік отирись локтӧммес, кӧдна пондӧмась овны Моисейлӧн Туйдӧт сьӧрті, унаӧн мунісӧ Павелкӧт да Варнавакӧт. Апостоллэз баитісӧ ныкӧт. Велӧтісӧ-мывкыдсьӧтісӧ отирсӧ дугдывтӧг видзсьыны Енлӧн бурсетӧм бердӧ.

Ап. керӧммез 13:50

Но иудейес ызйӧтісӧ лэбтісьны Павел да Варнава вылӧ Енлӧ юрбитісь бурӧ пуктӧм инькаэсӧ да карсис юраліссесӧ. Нія апостоллэсӧ вашӧтісӧ асланыс муись.

Ап. керӧммез 16:40

Чижовкасис петӧм бӧрын нія локтісӧ Лидияыс ордӧ. Сэтӧн пантасисӧ веритіссескӧт, вынсьӧтісӧ нійӧ да мунісӧ.