Ап. керӧммез 15:32 - Бур Юӧр 2019

³² Иудаыс да Силаыс вӧлісӧ Енсянь юӧртіссез. Нія уна баитісӧ: воннэзнысӧ вынсьӧтісӧ да сьӧлӧммезнысӧ бурмӧтісӧ.

Ап. керӧммез 15:32 Mawu Ofanana

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

Ап. керӧммез 13:1

Антиокия вичкуын вӧлісӧ Енсянь юӧртіссез да велӧтіссез: Варнава, Симеон, шуны мӧд нимнас кӧ, Нигер, Киринеяись Луций, Савл да Манаил. Манаилыс Ирод ӧксукӧт вон туйӧ тшӧтш быдмӧм.

1 Петра 5:12

Этӧ дженытик гижӧтсӧ менам висьтавлӧм сьӧрті гижис Силуан, кӧдӧ ме шуа надейнӧй вонӧн. Ме гижи, медбы тіянӧс вынсьӧтны. Менам гижӧмӧ и эм Енлӧн былись бурсетӧмыс. Сы бердӧ чорыта видзсьӧ!

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

1 Петра 5:1

Гижа вичкуын веськӧтліссезлӧ. Ме и ачым тіян кодь веськӧтлісь. Ачым адззылі Кристослісь пессьӧм-мырсьӧмсӧ. Ме лоа Сыкӧт ӧтлаын югьялӧмас, кӧда чожа оссяс. Ме кеймися тіянлӧ:

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

1 Тимофейлӧ 2:1

Медодз кора тіянӧс: кеймиканыт корӧ, кеймисьӧ да буркывтӧ Енсӧ быд морт понда.

2 Фессалоникаын оліссезлӧ 3:12

Сэтшӧммесӧ Дӧсвидзись Кристос Исусным нимӧн велӧтам да тшӧктам: шы сеттӧг ась уджалӧны да сёйӧны асланыс киӧн шедтӧм няньсӧ.

1 Фессалоникаын оліссезлӧ 5:20

Енсянь юӧртісьлісь висьталӧмсӧ абутӧм туйӧ эд пуктӧ.

1 Фессалоникаын оліссезлӧ 5:14

Воннэзӧ, корам тіянӧс: дышшесӧ мывкыдсьӧтӧ, поліссесӧ вынсьӧтӧ, вынтӧммеслӧ отсалӧ. Быдӧнныскӧт видзсьӧ ыджыт мылаӧн.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

1 Фессалоникаын оліссезлӧ 3:2

а Тимофей воннымӧс ыстам тіян дынӧ». Сія миян моз Енлӧ уджалӧ, висьтасьӧ Кристослісь Бур Юӧрсӧ. Тимофейыс вынсьӧтас тіянлісь веритӧмнытӧ, кокньӧтас сьӧлӧмнытӧ,

1 Фессалоникаын оліссезлӧ 2:11

Тійӧ эд тӧдатӧ: мийӧ тіянкӧт асьнымӧс видзим, кыдз ай челядькӧт.

Ефесын оліссезлӧ 3:5

Вежа Лолыс сійӧ тӧдлытӧмсӧ ӧні осьтіс Кристослӧн вежа апостоллэзлӧ да Енсянь юӧртіссезлӧ. Кӧркӧсянь олісь отир сійӧ тӧдлытӧмсӧ эзӧ тӧдӧ.

1 Коринфын оліссезлӧ 14:32

Енсянь юӧртіссес вермӧны веськӧтлыны Ловсянь сетӧм висьталӧмнас.

1 Коринфын оліссезлӧ 14:29

Енсянь юӧртіссес ась баитӧны кыкӧн, куимӧн я. Мӧддэс висьталӧмсӧ ась тӧдмалӧны да авйӧны.

1 Коринфын оліссезлӧ 14:3

Мортыс Енсянь кӧ юӧртӧ, сія отирсӧ вынсьӧтӧ, ӧзйӧтӧ-туйдӧтӧ да бурӧтӧ.

1 Коринфын оліссезлӧ 1:8

Еныс вынсьӧтас тіянӧс видзсьыны медбӧрӧдз, медбы миян Дӧсвидзись Кристос Исуслӧн локтан Лунӧ тіян эз вӧв ӧтік умӧль керӧм.

Римын оліссезлӧ 12:8

Кужан кӧ мӧдіккезӧс вынсьӧтны, вынсьӧт. Верман кӧ отсӧт сетавны, сетав сӧстӧм сьӧлӧмӧн. Верман кӧ керны удж веськӧтлісьлісь, веськӧтлы бур мывкыдӧн. Верман кӧ бурсӧ керны, кер гаж сьӧлӧмӧн.

Римын оліссезлӧ 12:6

Миянлӧ быдӧннымлӧ Еныс сетіс кытшӧмкӧ верман-кужан козин. Енлӧн бурсетӧмсянь миян коласісь быдыс вермӧ керны кытшӧмкӧ удж. Сетӧм кӧ тэныт Енсянь юӧртны, юӧрт веритӧмыт сьӧрті.

Ап. керӧммез 20:2

Нія муэзӧт мунӧм коста Павелыс уна велӧтіс-вынсьӧтіс веритіссесӧ. Сэтчинсянь локтіс Грецияӧ.

Ап. керӧммез 18:23

Сэтӧн мымдакӧ олӧм бӧрын кытшӧвтіс Галатия да Фригия муэсӧ да вынсьӧтіс сэтчинісь велӧтчиссесӧ.

Ап. керӧммез 15:41

Нія мунісӧ Сирия да Киликия муэзӧт. Сэтчин вичкуэзісь веритіссесӧ вынсьӧтісӧ-велӧтісӧ.

Ап. керӧммез 15:22

Сэк апостоллэс вичкуын веськӧтліссескӧт да ӧксьӧммескӧт баитчисӧ Антиокия карӧ ыстыны воннэзнысӧ. Нія ас колассиныс бӧрйисӧ Иудаӧс, шуны мӧд нимнас кӧ, Варсаваӧс, да Силаӧс. Воннэз коласын нія вӧлісӧ веськӧтліссез. Нійӧ ыстісӧ ӧтлаын Павелкӧт да Варнавакӧт.

Ап. керӧммез 15:1

Антиокия вичкуӧ кынымкӧ морт локтісӧ Иудея муись. Нія велӧтісӧ: одӧ кӧ лоӧ пӧ вудныштыштӧмӧсь Моисейлӧн Туйдӧт сьӧрті, сэк одӧ вермӧ мезмыны.

Ап. керӧммез 11:27

Сія луннэзӧ Антиокия карас Ерусалимсянь локтісӧ Енсянь юӧртіссез.

Ап. керӧммез 2:40

Петраыс уна мый висьтасис отирыслӧ. Сія нійӧ корис-тшӧктіс: «Мездісьӧ ӧння кадӧ лэдзчисьӧм отир дынісь, медбы ныкӧт эд сюрӧ мыжйыны».

Лука 11:49

Сійӧн Еныслӧн мывкыдыс висьталӧ: "Ны дынӧ ыста Енсянь юӧртіссезӧс да апостоллэзӧс. Ны коласісь ӧтіккезӧс виясӧ, мӧдіккезӧс вашӧтасӧ".

Матвей 23:34

Кывзӧ: Тіян дынӧ Ме ыста Енсянь юӧртіссезӧс, ыджыт мывкыдаэзӧс, велӧтіссезӧс. Ӧтіккезӧс тійӧ вият, мӧдіккезӧс крест вылӧ дорат, мукӧдсӧ синагогаэзын пондат вартлыны да карись карӧ вашӧтлыны.

Ап. керӧммез 15:3

Антиокия вичкусис веритіссес нійӧ кольлалісӧ. Финикия да Самария муэзӧт мунтӧн Павел да Варнава висьтасисӧ мӧдік отирлісь Енлань бергӧтчӧмнысӧ. Сія юӧрсянь веритіссес быдӧнныс ёна гажмисӧ.

Ап. керӧммез 15:27

Мийӧ ыстім Иудаӧс да Силаӧс. Нія сійӧ жӧ висьталасӧ тіянлӧ асьныс.

Ап. керӧммез 15:31

Мӧддэс лыддьӧтісӧ да велӧтӧмсяняс гажмисӧ.