31 Мӧддэс лыддьӧтісӧ да велӧтӧмсяняс гажмисӧ.
Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.
Кристосыс миянӧс мездӧтіс. Сідзкӧ, бура видзсьӧ мездӧтчӧмас. Бӧр эдӧ пырӧ Туйдӧтлӧн домӧттэзӧ.
Вичкуэс вынсялісӧ веритӧмас. Веритіссес быд лун содісӧ.
Мый тійӧ ӧні Енсӧ лӧгӧтлат? Мӧдат велӧтчиссес вылӧ пуктыны сьӧкыт сийӧссӧ. Сійӧ нӧбӧтны айезнымлӧн и миян вынным эз тырмы.
Антиокия вичкуӧ кынымкӧ морт локтісӧ Иудея муись. Нія велӧтісӧ: одӧ кӧ лоӧ пӧ вудныштыштӧмӧсь Моисейлӧн Туйдӧт сьӧрті, сэк одӧ вермӧ мезмыны.
Ыстӧммес локтісӧ Антиокия карӧ. Ӧктісӧ веритіссесӧ да сетісӧ гижӧтсӧ.
Иудаыс да Силаыс вӧлісӧ Енсянь юӧртіссез. Нія уна баитісӧ: воннэзнысӧ вынсьӧтісӧ да сьӧлӧммезнысӧ бурмӧтісӧ.
