Ап. керӧммез 15:12 - Бур Юӧр 2019

¹² Сэк ӧксьӧммес лӧньсисӧ. Пондісӧ кывзыны Павелсӧ да Варнавасӧ. Нія висьтасисӧ, кытшӧм пассэз да адззывлытӧммез аркмӧтіс Еныс ны пыр мӧдік отир коласын.

Ап. керӧммез 15:12 Mawu Ofanana

Ап. керӧммез 14:27

Сэтчин локтӧм бӧрын ӧктісӧ вичкусӧ. Нія висьтасисӧ быдӧс, мый ны пыр аркмӧтіс Еныс да кыдз мӧдік отирыслӧ осьтіс ыбӧссӧ веритӧмас.

Ап. керӧммез 15:4

Ерусалимӧ локтӧм бӧрын вичкусис апостоллэс, веритіссес да веськӧтліссес бура панталісӧ нійӧ. Локтіссес висьтасисӧ ны пыр Енлісь керӧмсӧ. Нія висьтасисӧ, кыдз мӧдік отирлӧ Еныс осьтіс ыбӧссӧ веритӧмас.

Ап. керӧммез 21:19

Пантасьӧм бӧрас Павелыс нылӧ ӧтікӧдз быдӧс висьтасис, мый керис Еныс сы удж пыр мӧдік отир коласын.

Иоан 4:48

Исусыс сылӧ висьталіс: «Тійӧ одӧ и пондӧ веритны, одӧ кӧ адззылӧ мыччалан пассэз да адззывлытӧм керӧммез».

Ап. керӧммез 15:3

Антиокия вичкусис веритіссес нійӧ кольлалісӧ. Финикия да Самария муэзӧт мунтӧн Павел да Варнава висьтасисӧ мӧдік отирлісь Енлань бергӧтчӧмнысӧ. Сія юӧрсянь веритіссес быдӧнныс ёна гажмисӧ.

Римын оліссезлӧ 15:18

Ог лысьт висьтавны мӧдік йылісь. Висьтася дзир Кристослісь ме пыр керӧмсӧ. Ассис вынсӧ Сія мыччаліс баитӧмӧ да керӧммезӧ коста, кӧр ентӧдтӧм отирсӧ вайӧтлі веритӧмӧдз да Енсӧ кывзісьӧмӧдз.