Ап. керӧммез 15:11 - Бур Юӧр 2019

¹¹ Мийӧ эд веритам: Дӧсвидзись Кристос Исуслӧн бурсетӧмсянь мийӧ мезмам. Миян моз и мӧдік отирыс мезмас».

Ап. керӧммез 15:11 Mawu Ofanana

Римын оліссезлӧ 3:24

Но Енлӧн бурсетӧмсянь отирыс лоасӧ Ен сьӧрті веськыта оліссезӧн. Нылӧ сы понда оз ков вештісьны. Кристос Исусыс эд быд морт туйӧ вештісис Аслас оланӧн.

Римын оліссезлӧ 5:15

Еныслӧн бурсетӧмыс эд абу Адамлӧн умӧль керӧм кодь. Ӧтік мортлӧн умӧльсӧ керӧм кузя ӧддьӧн уна кулісӧ. А Еныслӧн бурсетӧмыс ─ козин. Ӧтік Морт, Кристос Исус, сійӧ лыдтӧг вайис уналӧ.

Римын оліссезлӧ 6:23

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

1 Коринфын оліссезлӧ 16:23

Дӧсвидзись Кристос Исуслӧн бурсетӧмыс ась пыр лоӧ тіянкӧт!

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Галатияын оліссезлӧ 1:6

Менӧ диво кутӧ: тійӧ сэтшӧм чожа колит Сійӧ, Кӧда корис тіянӧс Кристослӧн бурсетӧмӧн, да вуджит мӧдкодь бур юӧрӧ.

Галатияын оліссезлӧ 2:16

Мийӧ пондім тӧдны: мортыс оз вермы лоны Ен сьӧрті веськыта олісьӧн Туйдӧтыс сьӧрті керӧмнас, сэтшӧмӧн лоӧ дзир Кристос Исуслӧ веритӧмнас. Сійӧн мийӧ пондім веритны Кристос Исусыслӧ, медбы веритӧмнымсянь лоим Ен сьӧрті веськыта оліссезӧн. Туйдӧт сьӧрті керӧмнас некин оз вермы лоны Ен сьӧрті веськыта олісьӧн.

Титлӧ 2:11

Еныслӧн бурсетӧмыс вайис мезмӧмсӧ быд мортлӧ.

Осьтӧм 5:9

Нія сьылісӧ виль сьыланкыв: ─ Тэныт позьӧ босьтны серакусӧ, жугдыны пассэсӧ да осьтны сійӧ, Тэ эд вӧлін начкылӧм. Еныслӧ Тэ небин отирсӧ Аслат Вир вылӧ быд увтырись, быд кылісь, быд чужан вужись, да быд йӧзісь.