Ап. керӧммез 15:1 - Бур Юӧр 2019

¹ Антиокия вичкуӧ кынымкӧ морт локтісӧ Иудея муись. Нія велӧтісӧ: одӧ кӧ лоӧ пӧ вудныштыштӧмӧсь Моисейлӧн Туйдӧт сьӧрті, сэк одӧ вермӧ мезмыны.

Ап. керӧммез 15:1 Mawu Ofanana

Иоан 7:22

Моисейыс тшӧктіс тіянлӧ ассиныт зоннэзнытӧ вундыштыштны. Кӧть эта тшӧктӧмыс эз вӧв Моисейлӧн, сія эд мунӧ кӧркӧсянь, айезнытсянь. Тійӧ вундыштыштат и шоччисян лунӧ.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.

Ап. керӧммез 15:22

Сэк апостоллэс вичкуын веськӧтліссескӧт да ӧксьӧммескӧт баитчисӧ Антиокия карӧ ыстыны воннэзнысӧ. Нія ас колассиныс бӧрйисӧ Иудаӧс, шуны мӧд нимнас кӧ, Варсаваӧс, да Силаӧс. Воннэз коласын нія вӧлісӧ веськӧтліссез. Нійӧ ыстісӧ ӧтлаын Павелкӧт да Варнавакӧт.

Ап. керӧммез 15:23

Гижисӧ да иньдісӧ ныкӧт сэтшӧм гижӧт: «Пым юӧр тіянлӧ! Мийӧ ─ апостоллэз, вичкуын веськӧтліссез да веритіссез ─ гижам Антиокияись, Сирияись да Киликияись воннэзлӧ, быд отирись веритіссезлӧ.

Ап. керӧммез 15:24

Мийӧ кылімӧ: миянсянь локтӧммес мукӧдыс асланыс баитӧмӧн тіянӧс ӧштӧтӧмась, тӧждісьӧмӧдз воштӧмась. Нія баитӧмась, быдӧннытлӧ колӧ пӧ керны вундыштыштан пас да овны Моисейлӧн Туйдӧт сьӧрті. Сідз баитны нылӧ мийӧ эгӧ тшӧктӧ.

Ап. керӧммез 15:3

Антиокия вичкусис веритіссес нійӧ кольлалісӧ. Финикия да Самария муэзӧт мунтӧн Павел да Варнава висьтасисӧ мӧдік отирлісь Енлань бергӧтчӧмнысӧ. Сія юӧрсянь веритіссес быдӧнныс ёна гажмисӧ.

Ап. керӧммез 15:32

Иудаыс да Силаыс вӧлісӧ Енсянь юӧртіссез. Нія уна баитісӧ: воннэзнысӧ вынсьӧтісӧ да сьӧлӧммезнысӧ бурмӧтісӧ.

Ап. керӧммез 15:5

Сэк лэбтісисӧ мукӧд воннэз, кӧдна вӧлісӧ фарисейез. Нія баитісӧ: мӧдік отир коласісь веритіссесӧ пӧ колӧ вундыштыштны да тшӧктыны овны Моисейлӧн Туйдӧт сьӧрті.

Ап. керӧммез 21:20

Нія кывзісӧ сійӧ да ошкисӧ Енсӧ. Павелыслӧ висьталісӧ: «Вонным, тэ тӧдан, иудейез коласісь унася-уна отир пондісӧ веритны. Но нія эд быдӧнныс Моисейлӧн Туйдӧт дор ёна сулалӧны.

Ап. керӧммез 6:14

Мийӧ эд асьным кылім сылісь баитӧмсӧ: Назаретісь Исусыс разяс пӧ Вежа Керкусӧ да вежас Моисейсянь миянлӧ кольччӧм тшӧктӧммесӧ».

Галатияын оліссезлӧ 2:1

Ерусалимас ме бӧра вовлі даснёль во бӧрті Варнавакӧт, сьӧраным босьтлім Титсӧ.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

Галатияын оліссезлӧ 6:12

Отирыс сьӧрті керӧм могись мукӧдыс тшӧктӧны тіянӧс асьнытӧ вундыштыштны. Нія полӧны, медбы нійӧ эзӧ вашӧтлӧ Кристослӧн крест понда.

Колосын оліссезлӧ 2:16

Сідзкӧ, ась некин оз баит умӧльсӧ тіян йылісь сёян-юанныт кузя, кытшӧмкӧ вежалуннэз порйӧтӧм кузя, виль тӧлісьӧ да шоччисян лунӧ мыйкӧ керӧм кузя.

Колосын оліссезлӧ 2:8

Воннэзӧ, видзӧтӧ, ась некин оз ылӧт тіянӧс морт мывкыдсянь баитӧмнаныс да абутӧмсӧ кӧсйӧмнаныс. Нія велӧтӧммес абу Кристоссянь, а морт мывкыдсянь. Сэтшӧм велӧтӧммес эд му вылісь выннэзсянь шогмисӧ.