Ап. керӧммез 14:3 - Бур Юӧр 2019

³ Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

Ап. керӧммез 14:3 Mawu Ofanana

Марк 16:20

Исуслӧн велӧтчиссес мунісӧ да быдлаын висьтасисӧ Бур Юӧрсӧ. Дӧсвидзисьыс отсаліс нылӧ, висьтасьӧмнысӧ вынсьӧтіс быдкодь адззывлытӧммесӧ мыччалӧмӧн. Аминь.

Иоан 4:48

Исусыс сылӧ висьталіс: «Тійӧ одӧ и пондӧ веритны, одӧ кӧ адззылӧ мыччалан пассэз да адззывлытӧм керӧммез».

Ап. керӧммез 13:46

Сэк Павел да Варнава повтӧг висьталісӧ: «Енлісь Кывсӧ медодз коліс юӧртны тіянлӧ. Тійӧ тай миянӧс эдӧ пондӧ кывзыны, пырся оланас пырны асьнытӧ пуктат нетуяна отирӧ. Ӧні мийӧ мунам ентӧдтӧм отир дынӧ.

Ап. керӧммез 2:22

«Израиль отир! Кывзӧ этнӧ кыввесӧ! Назаретісь Исуссӧ Ачыс Еныс ыстӧм вӧлі тіянлӧ. Асьныт эд тӧдат: Аслас Ыстӧм йылісь тіянлӧ висьталӧм могись Еныс Сы пыр мыччавліс вына адззывлытӧм керӧммез да ыджыт пассэз.

Ап. керӧммез 20:24

Ме эд нем вылӧ ог видзӧт, ог видзсьы оланӧ бердӧ. Дзир гаж сьӧлӧмӧн бы медбӧрӧдз мунны олан туйӧс да ештӧтны Дӧсвидзись Исуссянь босьтӧм уджӧс: висьтасьны Енлӧн бурсетӧм йылісь Бур Юӧрсӧ.

Ап. керӧммез 20:32

Ӧні ме сета тіянӧс Ен киэзӧ да Енсянь бурсетӧм Кылыслӧ. Сія Кылыс тіянӧс вермас буржыка велӧтны. Быдӧс вежа отиркӧт ӧтлаын и тіянлӧ сетас кӧсйӧмсӧ.

Ап. керӧммез 4:31

Ӧксьӧммеслӧн кеймӧм бӧрсянь ӧксяніныс зэгаліс. Быдӧнныс тырисӧ Вежа Лолӧн да повтӧг висьтасисӧ Енлісь Кывсӧ.

Ап. керӧммез 5:32

Лоӧмыс йылісь висьтасиссес ─ мийӧ да Вежа Лов. Этӧ Ловсӧ Еныс сетіс Сійӧ кывзісиссезлӧ».

Римын оліссезлӧ 1:16

Меным абу рожа кулян висьтасьны Кристосыс йылісь Бур Юӧрсӧ. Бур Юӧрыс эд Енлӧн вын, мездӧ быд веритісь мортсӧ: медодз иудейесӧ, сэсся ─ быд кыв вылын баитісь отирсӧ.

1 Фессалоникаын оліссезлӧ 2:2

Тіян дынӧ локтытӧдз Филип карас уна сьӧкытыс усис миян вылӧ: миянӧс вартлісӧ, умӧльтісӧ. Но мийӧ эгӧ повзьӧ отир лэбтісьӧмись. Еныс отсӧтӧн мийӧ повтӧг висьтасим тіянлӧ Сылісь Бур Юӧрсӧ.

Еврейезлӧ 2:4

Висьтасьӧмсӧ Еныс вынсьӧтіс пассэзӧн, адззывлытӧммезӧн да быдкодь вына керӧммезӧн. Сія козьналіс Вежа Ловсянь верман-кужан козиннэсӧ, кыдз Сылӧ коліс.