Ап. керӧммез 14:1 - Бур Юӧр 2019

¹ Иконияын Павел Варнавакӧт пырисӧ синагогаӧ да висьтасисӧ Бур Юӧрсӧ. Висьтасьӧмныссянь иудейез да мӧдік отир ӧддьӧн унаӧн пондісӧ веритны.

Ап. керӧммез 14:1 Mawu Ofanana

Марк 7:26

Инькаыс вӧлі Сирия муын Финикияись, баитіс грек кыв вылын. Сія Исуссӧ корис вашӧтны сэрпӧсь ловсӧ нылыс пытшкись.

Иоан 12:20

Ыджыт лун коста Енлӧ копыртчыны локтіссез коласын вӧлісӧ и кынымкӧ грек.

Иоан 7:35

Сы коста иудейес баитісӧ ӧтамӧдныслӧ: «Кытчӧ Сія мӧдӧ мунны? Мийӧ пӧ Сійӧ нельки огӧ адззӧ? Оз я Сія мӧд мунны миян отир дынӧ, кӧдна олӧны греккез коласын, да велӧтны греккесӧ?

Ап. керӧммез 11:21

Дӧсвидзисьлӧн киыс нійӧ вынсьӧтӧм. Сійӧн ӧддьӧн унаӧн веритӧмась да бергӧтчӧмась Дӧсвидзисьлань.

Ап. керӧммез 13:43

Синагогасис отирыс петісӧ. Иудейес да мӧдік отирись локтӧммес, кӧдна пондӧмась овны Моисейлӧн Туйдӧт сьӧрті, унаӧн мунісӧ Павелкӧт да Варнавакӧт. Апостоллэз баитісӧ ныкӧт. Велӧтісӧ-мывкыдсьӧтісӧ отирсӧ дугдывтӧг видзсьыны Енлӧн бурсетӧм бердӧ.

Ап. керӧммез 13:46

Сэк Павел да Варнава повтӧг висьталісӧ: «Енлісь Кывсӧ медодз коліс юӧртны тіянлӧ. Тійӧ тай миянӧс эдӧ пондӧ кывзыны, пырся оланас пырны асьнытӧ пуктат нетуяна отирӧ. Ӧні мийӧ мунам ентӧдтӧм отир дынӧ.

Ап. керӧммез 13:5

Нія вовлісӧ Саламинӧ. Сэтӧн висьтасисӧ Енлісь кывсӧ синагогаэзын. Ныкӧт ӧтлаын вӧлі Иоан, кӧда отсасис нылӧ.

Ап. керӧммез 13:51

Сэк Павел да Варнава пыркӧтісӧ ны ладорӧ коккезсиныс буссӧ да мунісӧ Иконияӧ.

Ап. керӧммез 14:19

Апостоллэз повтӧг висьтасисӧ Бур Юӧрсӧ. Сы коста Антиокия да Икония каррезісь локтісӧ иудейез. Нія велӧтісӧ отирсӧ янсӧтчыны апостоллэс дынісь. Иудейес висьталісӧ: «Нылӧн баитӧмыс абу быль, нія бӧбӧтчӧны». Иудейес ызйӧтісӧ отирсӧ лэбтісьны апостоллэс вылӧ. Павелсӧ шупкалісӧ иззэзӧн. Сэсся кыскисӧ кар сайӧ, чайтісӧ кулӧмӧн да.

Ап. керӧммез 14:2

Сэтӧн вӧлісӧ иудейез, кӧдна эзӧ веритӧ. Нія ентӧдтӧм йӧзсӧ ызйӧтісӧ лэбтісьны веритіссес вылӧ.

Ап. керӧммез 14:21

И сія карын нія висьтасисӧ Бур Юӧрсӧ. Сэтӧн адззисӧ уна виль велӧтчисьӧс. Сэсся Павел да Варнава бӧра мунісӧ Листра, Икония да Антиокия каррезӧт.

Ап. керӧммез 16:1

Павел локтіс Дервия да Листра каррезӧдз. Листраын вӧлі Тимофей нима велӧтчись. Мамыс сылӧн вӧлі иудей отирись, Кристослӧ веритісь морт. Айыс сылӧн вӧлі грек.

Ап. керӧммез 16:2

Тимофейыс йылісь бурсӧ висьтасисӧ Иконияись да Листраись воннэз.

Ап. керӧммез 17:12

Вериясис иудейес унаӧн пондісӧ веритны. Уна веритіссез вӧлісӧ и грек кыв вылын баитіссез коласісь: вылына пуктӧм инькаэз да ай отир.

Ап. керӧммез 17:17

Сія быдлаын сёрнитіс отиркӧт. Иудейескӧт да мӧдік отир коласісь Енсӧ тӧдіссезкӧт пантасьліс синагогаын. Пантасьліс и ӧтӧрын ӧксьӧм отиркӧт.

Ап. керӧммез 17:4

Отирыс коласісь мукӧдыс пондісӧ веритны да ӧтлаасисӧ Павелкӧт да Силакӧт. Ны коласын унаӧн вӧлісӧ грек кыв вылын баитіссез. Унакодь вӧлісӧ и вылына пуктӧм инькаэз.

Ап. керӧммез 18:4

Быд шоччисян лунӧ сія баитіс синагогаын, вынсьӧтчис вежӧртӧтны иудейесӧ да греккесӧ.

Ап. керӧммез 18:8

Синагогаын веськӧтлісь Крисп гортіссескӧт пондіс веритны. Павелсӧ кылӧм бӧрын и Коринфсис уна отир пондісӧ веритны да пыртчисӧ.

Ап. керӧммез 19:10

Сідз кыссис кык во сьӧрна. Сійӧн Дӧсвидзись Исус йылісь юӧртӧмсӧ кылісӧ Асия пасьта оліссез быдӧнныс: кыдз иудейез, сідз и мӧдік отир.

Ап. керӧммез 19:17

Ефес карись быдӧнныс ─ и иудейес, и греккес ─ пондісӧ тӧдны лоӧмыс йылісь. Сысянь отирсӧ полӧм кутіс. Нія ошкісӧ-лэбтісӧ Дӧсвидзись Исуслісь нимсӧ.

Ап. керӧммез 19:8

Павелыс локтіс синагогаӧ. Сія куим тӧлісь сьӧрна сёрнитіс отиркӧт: повтӧг висьтасис, велӧтіс-осьтіс Енлӧн Юралӧм йылісь.

Ап. керӧммез 2:47

Нія ошкисӧ Енсӧ. Отирыс нійӧ радейтісӧ. Дӧсвидзисьыс быд лун мездӧтіс отирсӧ, и веритіссес содісӧ.

Ап. керӧммез 20:21

Иудейесӧ да мӧдік отирсӧ тшӧкті бергӧтчыны Енлань да веритны миян Дӧсвидзись Кристос Исуслӧ.

Ап. керӧммез 21:28

Нія горӧтісӧ: «Израиль отир! Отсалӧ! Эта мортыс быдлаын велӧтӧ мунны паныт миян отирлӧ, Моисейлӧн Туйдӧтлӧ, эта Вежа Керкулӧ. Сія и греккесӧ пыртіс Вежа Керкуас да сэрпӧсьтіс этӧ вежаинсӧ».

Ап. керӧммез 9:20

Савлыс сія кадсянь синагогаэзын пондіс юӧртны Исусыс йылісь: Сія ─ Енлӧн Зон.

Римын оліссезлӧ 1:16

Меным абу рожа кулян висьтасьны Кристосыс йылісь Бур Юӧрсӧ. Бур Юӧрыс эд Енлӧн вын, мездӧ быд веритісь мортсӧ: медодз иудейесӧ, сэсся ─ быд кыв вылын баитісь отирсӧ.

Римын оліссезлӧ 10:12

Иудейез, мӧдік отир я, ─ Еныслӧ эд быдӧнныс ӧткодьӧсь. Сія Дӧсвидзись быдӧнныс вылын. Быдӧнныслӧ, кин корӧ Дӧсвидзисьсӧ, Сія бурсӧ сетӧ коланася унажык.

Галатияын оліссезлӧ 2:3

Титыс, кӧда мекӧт ветліс, грек морт. Но Ерусалимись воннэз сійӧ эзӧ тшӧктӧ вундыштыштны.

Галатияын оліссезлӧ 3:28

Кристос Исускӧт ӧтлаасьӧммеслӧн абу иудей да мӧдік отир, абу раб да не раб, абу инь да ай морт. Ӧні тійӧ быдӧнныт ─ ӧтік вывтыр!

Колосын оліссезлӧ 3:11

Ӧні иудей, мӧдік отир я, вундыштыштӧм, абу я вундыштыштӧм, варвар, скиф, раб, абу я раб ─ нія ӧтамӧдныскӧт озӧ янсӧтчӧ. Эстӧн эм дзир Кристос, Сія ─ быдӧс да быдӧсын!

2 Тимофейлӧ 3:11

вашӧтлӧммез коста да пессьӧм-мырсьӧм коста. Ме вылӧ ёна лэбтісьлісӧ Антиокияын, Иконияын, Листраын, а Дӧсвидзисьыс менӧ быдӧсісь мездіс.