Ап. керӧммез 13:45 - Бур Юӧр 2019

⁴⁵ Отирсӧ казялікӧ, иудейесӧ завидныс кутіс. Павеллӧн баитӧмлӧ паныт нія лӧгувьяныс уна умӧльсӧ висьтавлісӧ.

Ап. керӧммез 13:45 Mawu Ofanana

Иуда 1:10

А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны.

Ап. керӧммез 18:6

Нія Павелыс вылӧ лэбтісисӧ, пондісӧ сійӧ видны. Сэк Павелыс ассис паськӧмсӧ пыркӧтіс да висьталіс нылӧ: «Тіянӧс Еныс мыжьяс кӧ, тійӧ сійӧ асьныт бӧрйит. А менам сьӧлӧмӧ сӧстӧм. Ӧнісянь ме муна мӧдік отир дынӧ».

1 Фессалоникаын оліссезлӧ 2:16

Нія озӧ лэдзӧ миянлӧ висьтасьны мӧдік отирлӧ мездан Бур Юӧрсӧ. Сійӧн содтӧны ассиныс умӧль керӧммезнысӧ. Но Енлӧн лӧгыс нійӧ вӧтіс ни.

Ап. керӧммез 19:9

Мукӧдыс чорзьӧтісӧ сьӧлӧммезнысӧ да эзӧ веритӧ. Быдӧнныс одзын умӧль кыввезӧн видісӧ Дӧсвидзисьлӧн Туй йылісь велӧтӧмсӧ. Сэк Павелыс велӧтчиссескӧт ны дынісь муніс. Сэксянь сія быд лун баитіс-велӧтіс Тиранлӧн велӧтанінын.

Ап. керӧммез 5:17

Аркирейсӧ да сы дор сулалісь садукейесӧ завидныс кутіс.

1 Петра 4:4

Ӧні отирыс озӧ вермӧ вежӧртны, мыля тіянӧс оз кыскы ӧтлаын ныкӧт лэдзчисьӧмӧн умӧльсӧ керны. Сійӧн нія тіянӧс и видӧны.

1 Коринфын оліссезлӧ 3:3

Тійӧ кытчӧдз эшӧ олатӧ вывтырныт кыскӧм сьӧрті. Тійӧ ӧтамӧднытлӧ завидуйтат кӧ, ас коласаныт етшасят да одӧ вермӧ ӧтмоза вежӧртны, сэк тійӧ олатӧ вывтырныт кыскӧм сьӧрті, кератӧ Ентӧг олісь отир моз.

Ап. керӧммез 17:5

Но мукӧд иудейес эзӧ веритӧ да ӧддьӧн лӧгасисӧ. Нія босьтісӧ ӧксянінсис умӧль морттэзӧс да карсис отирсӧ ызйӧтісӧ лэбтісьны апостоллэс вылӧ. Чукӧртчӧммес локтісӧ Ясон керку дынӧ. Нія мӧдісӧ Павелсӧ да Силасӧ петкӧтны отирыс дынӧ,

Матвей 27:18

Пилатыс эд тӧдіс, Исуссӧ сы дынӧ вайӧтісӧ завидныс кутӧм кузя.

Яков 4:5

Юраныт поди видзат, Вежа Гижӧтас висьталӧм этадз весись: «Еныс миян пытшкӧ сетӧм ловсӧ радейтӧ вежӧктӧмӧдз»?

Галатияын оліссезлӧ 5:21

завид кутӧм, вийӧм, кодалӧм, умӧль мывкыдӧн ыждалӧм да уна мый мӧдік умӧльсӧ керӧм. Одзжык ме тіянлӧ висьтавлі ни, да и ӧні мӧдпӧв висьтала, тӧдӧ: сідз кериссес Енлӧн Юраланінӧ озӧ сюрӧ.

Римын оліссезлӧ 1:29

Нія озӧ вермӧ овны умӧльсӧ кертӧг: кыскасьӧны, ылӧтлӧны, горшасьӧны, лӧгалӧны, вийӧны, видчӧны, бӧбӧтчӧны, нійӧ завидныс кутӧ, быдлаын лӧгныс вермӧ.

Матвей 23:13

«Ӧддьӧн умӧль лоас тіянлӧ, Туйдӧтӧ велӧтіссез да фарисейез! Ылӧтлісь отир! Енӧжись Юраланінӧ пыранінсӧ тійӧ отирыс одзын пӧдналат. Тійӧ асьныт одӧ пырӧ, и кин мӧдіс пырны, сійӧ одӧ лэдзӧ.

Ап. керӧммез 13:50

Но иудейес ызйӧтісӧ лэбтісьны Павел да Варнава вылӧ Енлӧ юрбитісь бурӧ пуктӧм инькаэсӧ да карсис юраліссесӧ. Нія апостоллэсӧ вашӧтісӧ асланыс муись.

Ап. керӧммез 14:2

Сэтӧн вӧлісӧ иудейез, кӧдна эзӧ веритӧ. Нія ентӧдтӧм йӧзсӧ ызйӧтісӧ лэбтісьны веритіссес вылӧ.

Ап. керӧммез 14:4

Отирыс карас янсӧтчисӧ: ӧтіккез вӧлісӧ иудейез дор, а мӧдіккез ─ апостоллэз дор.

Ап. керӧммез 14:5

Иудейес веськӧтліссезныскӧт да мӧдік йӧзкӧт лӧсьӧтчисӧ уськӧтчыны апостоллэс вылӧ. Нійӧ мӧдісӧ умӧльтны да шупкавны иззэзӧн.

Ап. керӧммез 14:19

Апостоллэз повтӧг висьтасисӧ Бур Юӧрсӧ. Сы коста Антиокия да Икония каррезісь локтісӧ иудейез. Нія велӧтісӧ отирсӧ янсӧтчыны апостоллэс дынісь. Иудейес висьталісӧ: «Нылӧн баитӧмыс абу быль, нія бӧбӧтчӧны». Иудейес ызйӧтісӧ отирсӧ лэбтісьны апостоллэс вылӧ. Павелсӧ шупкалісӧ иззэзӧн. Сэсся кыскисӧ кар сайӧ, чайтісӧ кулӧмӧн да.

2 Коринфын оліссезлӧ 11:26

Уна вӧлі туйезын. Мекӧт пыр вермис мыйкӧ умӧль лоны: юэз вылын, каррезын, кушмуын да саридз вылын. Ме вылӧ вермисӧ уськӧтчыны да быдӧс мырддьыны. Меным вермисӧ умӧльсӧ керны аслам увтырись отир, мӧдік отир, да и воннэз, кӧдна сідз дзир шусьӧны.

2 Тимофейлӧ 3:11

вашӧтлӧммез коста да пессьӧм-мырсьӧм коста. Ме вылӧ ёна лэбтісьлісӧ Антиокияын, Иконияын, Листраын, а Дӧсвидзисьыс менӧ быдӧсісь мездіс.