Ап. керӧммез 13:43 - Бур Юӧр 2019

⁴³ Синагогасис отирыс петісӧ. Иудейес да мӧдік отирись локтӧммес, кӧдна пондӧмась овны Моисейлӧн Туйдӧт сьӧрті, унаӧн мунісӧ Павелкӧт да Варнавакӧт. Апостоллэз баитісӧ ныкӧт. Велӧтісӧ-мывкыдсьӧтісӧ отирсӧ дугдывтӧг видзсьыны Енлӧн бурсетӧм бердӧ.

Ап. керӧммез 13:43 Mawu Ofanana

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

2 Иоан 1:9

Быдыс, кин оз ов Кристослӧн велӧтӧм сьӧрті, оз видзсьы сы бердӧ, сія Ентӧг олісь. Кристослӧн велӧтӧм сьӧрті олісьлӧн эм и енӧжись Айыс и Сылӧн Зоныс.

Еврейезлӧ 13:9

Йӧзыслӧн уна быдкодь велӧтӧммес, эдӧ лэдзӧ нійӧн асьнытӧ ылӧтны. Сёян-юан йылісь велӧтӧмсӧ оз ков сьӧлӧмӧ босьтны. Эз вӧв бурыс нылӧ, кӧдна сы сьӧрті олісӧ. Буржык вынсьӧтны сьӧлӧммезнымӧс Енлӧн бурсетӧмӧн.

Еврейезлӧ 12:15

Видзӧтӧ, медбы эд ӧштӧ Еныслісь бурсетӧмсӧ. Некытшӧм курыт вудж ась оз вужьясь сьӧлӧманыт, ась оз кер тіянлӧ умӧльсӧ да некинӧс оз сэрпӧсьт.

Колосын оліссезлӧ 1:28

Мийӧ ӧні Сы йылісь висьтасям. Отирсӧ туйдӧтам да велӧтам быдсӧн мывкыднаным. Сідз керам, медбы Кристос Исускӧт ӧтлаасьӧм отирсӧ вайӧтны Еныс одзӧ быдсӧн буррезӧн.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Филипын оліссезлӧ 4:1

Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

Филипын оліссезлӧ 3:16

Сідзкӧ, мый мийӧ ештім тӧдны, сійӧ колӧ юрын видзны да сы сьӧрті овны.

Ефесын оліссезлӧ 2:8

Веритӧмныт понда Сія Аслас бурсетӧмӧн тіянӧс мездіс. Мездӧмыс ─ Енсянь козин, сія абу тіян вынсьӧтчӧмсянь.

Галатияын оліссезлӧ 5:1

Кристосыс миянӧс мездӧтіс. Сідзкӧ, бура видзсьӧ мездӧтчӧмас. Бӧр эдӧ пырӧ Туйдӧтлӧн домӧттэзӧ.

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

2 Коринфын оліссезлӧ 5:11

Дӧсвидзисись полӧмсӧ мийӧ тӧдамӧ. Сійӧн и мӧдіккезӧс сэтчӧ велӧтам. Еныс эд миянӧс бура тӧдӧ. Юраным тай видзам: сідз и тіян сьӧлӧммезныт миянӧс бура тӧдӧны.

Римын оліссезлӧ 11:6

Бӧрйӧмыс кӧ Енлӧн бурсетӧмсянь, сэк сія абу мортлӧн бурсӧ керӧмсянь. Мыйкӧ керӧмсянь кӧ, сэк сія абу ни бурсетӧм.

Римын оліссезлӧ 5:21

Умӧльсӧ керӧммес вайӧтлісӧ кулӧмӧдз. Ӧні бурсетӧм вынӧн Ен сьӧрті веськыта олӧмыс вайӧтӧ пырся оланӧ. Сія локтӧ Кристос Исуссянь, миян Дӧсвидзисьсянь.

Римын оліссезлӧ 5:2

Сы пыр веритӧмнаным босьтім и бурсетӧмсӧ, кӧдаын ӧні олам. Мийӧ надейтчам локны Енлӧн югьяланінӧ, сійӧн ӧні гажӧтчам.

Римын оліссезлӧ 3:24

Но Енлӧн бурсетӧмсянь отирыс лоасӧ Ен сьӧрті веськыта оліссезӧн. Нылӧ сы понда оз ков вештісьны. Кристос Исусыс эд быд морт туйӧ вештісис Аслас оланӧн.

Ап. керӧммез 17:34

Но мукӧдыс локтісӧ Павелыс дынӧ да пондісӧ веритны. Ны коласын вӧлісӧ Ареопагын уджалісь Дионисий да Дамар нима инька.

Ап. керӧммез 17:4

Отирыс коласісь мукӧдыс пондісӧ веритны да ӧтлаасисӧ Павелкӧт да Силакӧт. Ны коласын унаӧн вӧлісӧ грек кыв вылын баитіссез. Унакодь вӧлісӧ и вылына пуктӧм инькаэз.

Ап. керӧммез 16:14

Ны коласын ӧтік инька вӧлі Фиатира карись. Сія вузасис дона гӧрд дӧраӧн. Инькасӧ шуисӧ Лидия. Сія оліс Енсис полӧмӧн. Лидияыс кывзіс миянлісь висьтасьӧмсӧ, и Дӧсвидзисьыс отсӧтӧн Павеллӧн кыввес йиджисӧ сы сьӧлӧмӧ.

Ап. керӧммез 14:3

Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

1 Петра 5:12

Этӧ дженытик гижӧтсӧ менам висьтавлӧм сьӧрті гижис Силуан, кӧдӧ ме шуа надейнӧй вонӧн. Ме гижи, медбы тіянӧс вынсьӧтны. Менам гижӧмӧ и эм Енлӧн былись бурсетӧмыс. Сы бердӧ чорыта видзсьӧ!

Галатияын оліссезлӧ 5:4

Тійӧ Туйдӧт сьӧрті керӧмнаныт мӧдіт лоны Ен сьӧрті веськыта оліссезӧн. Но тійӧ янсаліт Кристосыс дынісь да ӧштіт бурсетӧмсӧ.

Ап. керӧммез 28:23

Иудейес висьталісӧ сылӧ пантасян лун. Сія лунӧ унаӧн локтісӧ Павеллӧн олан керкуӧ. Павелыс асывсянь рытӧдз нылӧ висьтасис Енлӧн Юралӧм йылісь велӧтӧмсӧ. Осьтіс нылӧ Моисейлӧн Туйдӧт сьӧрті да Енсянь юӧртіссез сьӧрті Исус йылісь гижӧмсӧ.

Ап. керӧммез 17:17

Сія быдлаын сёрнитіс отиркӧт. Иудейескӧт да мӧдік отир коласісь Енсӧ тӧдіссезкӧт пантасьліс синагогаын. Пантасьліс и ӧтӧрын ӧксьӧм отиркӧт.

Ап. керӧммез 13:50

Но иудейес ызйӧтісӧ лэбтісьны Павел да Варнава вылӧ Енлӧ юрбитісь бурӧ пуктӧм инькаэсӧ да карсис юраліссесӧ. Нія апостоллэсӧ вашӧтісӧ асланыс муись.

Ап. керӧммез 6:5

Сідз висьталӧмыс вӧлі быдӧнныс сьӧрті. Нія бӧрйисӧ ёна веритісь, Вежа Лолӧн тыра Стефанӧс, Филипӧс, Прокорӧс, Никанорӧс, Тимонӧс, Парменӧс да Антиокияись Николайӧс, кӧда одзжык вуджлӧм иудейез веритӧмӧ.

Ап. керӧммез 2:10

Фригияись, Памфилияись, Египетісь, Киринея дынын Ливия муэзісь, мукӧдыс ─ Римись. Ӧтіккез шогмим иудейезӧн, мӧдіккез пондім веритны ны моз.

Матвей 23:15

Ӧддьӧн умӧль лоас тіянлӧ, Туйдӧтӧ велӧтіссез да фарисейез! Ылӧтлісь отир! Тійӧ мусӧ-васӧ гӧгӧртат, медбы адззыны тіян сьӧрӧ кӧть ӧтік мунісьӧс. Адззат кӧ сэтшӧмсӧ, тійӧ сыись керат куслытӧм биӧ мунісьӧс, асьныт сьӧрті кыкись умӧльжыкӧ.

1 Иоан 2:28

Челядь, сідзкӧ олӧ Кристоскӧт ӧтлаасьӧмӧн, медбы Сы локтӧм коста мийӧ вермим повтӧг сувтны Сы одзӧ и Сы одзын эз ковсьы гӧрдӧтны.

Титлӧ 2:11

Еныслӧн бурсетӧмыс вайис мезмӧмсӧ быд мортлӧ.

Ап. керӧммез 18:7

Павелыс сэтісь муніс да локтіс Енсис полісь Иуст нима морт ордӧ. Сылӧн керкуыс сулаліс ордчӧн синагогакӧт.