Ап. керӧммез 13:39 - Бур Юӧр 2019

³⁹ Исус отсӧтӧн Сылӧ быд веритісьыс мезмӧ быд умӧль керӧмись. Мезмӧ и ныись, кӧднаись Моисейлӧн Туйдӧтыс эз вермы мездыны. И морт лоӧ Ен сьӧрті веськыта олісьӧн.

Ап. керӧммез 13:39 Mawu Ofanana

Галатияын оліссезлӧ 2:16

Мийӧ пондім тӧдны: мортыс оз вермы лоны Ен сьӧрті веськыта олісьӧн Туйдӧтыс сьӧрті керӧмнас, сэтшӧмӧн лоӧ дзир Кристос Исуслӧ веритӧмнас. Сійӧн мийӧ пондім веритны Кристос Исусыслӧ, медбы веритӧмнымсянь лоим Ен сьӧрті веськыта оліссезӧн. Туйдӧт сьӧрті керӧмнас некин оз вермы лоны Ен сьӧрті веськыта олісьӧн.

Римын оліссезлӧ 10:4

Кытшӧм могӧн вӧлі сетӧм Туйдӧтыс, сійӧ быдӧс керис Кристосыс. Сідзкӧ, Сылӧ быд веритісь лоӧ Ен сьӧрті веськыта олісьӧн.

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

Еврейезлӧ 7:19

Туйдӧтыс нем эз вайӧт быдсӧн бурӧдз. Сы туйӧ миянлӧ сетӧм надея буржыкыс вылӧ. Сія надеяным миянлӧ отсалӧ сибӧтчыны Еныс дынӧ.

Римын оліссезлӧ 10:10

Исуслӧ сьӧлӧмсянь веритӧмыс керӧ тэнӧ Ен сьӧрті веськыта олісьӧн. Мӧдіккезлӧ Сы йылісь висьтасян кӧ, сэк мезман.

Римын оліссезлӧ 8:1

Сідзкӧ, ӧні он висьтав некытшӧм судитан кыв Кристос Исускӧт ӧтлаасьӧммез вылӧ. Нія эд озӧ олӧ вывтырныс кыскӧм сьӧрті, олӧны Ен Лов туйдӧтӧм сьӧрті.

Римын оліссезлӧ 4:15

Туйдӧтыс вайӧ умӧль керӧм понда вештісьӧм. Абу кӧ Туйдӧтыс, сэк оз позь висьтавны, эта пӧ умӧль керӧм.

Римын оліссезлӧ 3:19

Мийӧ тӧдам: Туйдӧтас тшӧктӧммес висьталӧмась Туйдӧтыс кипод увтын оліссезлӧ. Отирыс сэтісь тӧдӧны, Еныс пондас бӧрйисьны быдӧнныскӧт. Сысянь быд ӧм пӧднассьӧ.

Римын оліссезлӧ 5:20

Туйдӧтыс вӧлі сетӧм мыччавны, кытшӧм уна умӧльсӧ керӧны отирыс. Кытӧн уна умӧль керӧмыс, сэтӧн Еныслӧн бурсетӧмыс унажык.

Римын оліссезлӧ 5:9

Кристослӧн кисьтӧм вирӧн мийӧ ӧні лоим Ен сьӧрті веськыта оліссезӧн. Мийӧ тӧдам: Сы отсӧтӧн мезмам локтан лӧгсис.

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Еврейезлӧ 10:11

Быд вежауджалісь лунісь лунӧ кысъялӧ вежа керкуын, унаись вайӧ ӧткодь езъялан козиннэз. Но нія вайӧммес некӧр озӧ вермӧ лэдзны мортлісь умӧль керӧммесӧ.

Еврейезлӧ 10:4

Кӧзаэзлӧн да пороззэзлӧн вирыс оз вермы лэдзны мортлісь умӧль керӧммесӧ.

Римын оліссезлӧ 5:1

Веритӧмным понда Еныс миянӧс керис веськыта оліссезӧн. Мийӧ Еныскӧт бурасим Дӧсвидзись Кристос Исус пыр.

Римын оліссезлӧ 4:24

сідз и миян йылісь. Миянӧс шуасӧ Ен сьӧрті веськыта оліссезӧн. Мийӧ эд веритам миянлісь Дӧсвидзись Исуссӧ Ловзьӧтісь Енлӧ.

Ап. керӧммез 10:43

Енсянь юӧртіссес быдӧнныс висьтавлӧмась Исусыс йылісь: "Быдӧнныслӧн, кӧдна веритӧны Исуслӧ, умӧль керӧммезныс Исусыс нимӧн лоасӧ проститӧмӧсь"».

Галатияын оліссезлӧ 5:3

Эшӧ висьтала: быд мортлӧ, кӧда асьсӧ вундыштыштӧ, быдӧс колӧ керны Туйдӧтісь тшӧктӧммез сьӧрті.

Галатияын оліссезлӧ 3:8

Вежа Гижӧтас вӧлі одзлань висьталӧм: быд отирсӧ Еныс шуас веськыта оліссезӧн веритӧмныс понда. Сійӧн Авраамыслӧ Еныс висьталӧм одзланьсясӧ: «Тэсянь бласлӧвитӧмыс вуджас быдкодь кыв вылын баитісь отирлӧ».

Галатияын оліссезлӧ 2:19

Туйдӧтыс сьӧрті ме кулі, сійӧн Туйдӧтсис мезми, медбы овны Ен понда. Ӧтлаын Кристоскӧт ме вӧлі дорӧм.

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Римын оліссезлӧ 9:31

А Израиль отирыс Ен сьӧрті веськыта олӧмсӧ кошшис Туйдӧтсис, да эз адззы.

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Лука 18:14

Висьтала тіянлӧ: вот ӧктісьыс гортас муніс Ен сьӧрті веськыта олісьӧн, а не фарисейыс. Асьсӧ быд лэбтісьыс эд лоас лэдзӧм, а асьсӧ учӧтӧ пуктісьсӧ лэбтасӧ».

Лука 10:28

Исусыс сылӧ висьталіс: «Бура тэ висьталін. Сідз кер, сэк пондан овны».

Лука 10:25

Ӧтік Туйдӧтӧ велӧтісь чеччис да Исуссӧ кутӧм могись юаліс: «Велӧтісь! Мый меным керны пырся оланӧ пырӧм понда?»

Римын оліссезлӧ 3:20

Еныс одзын эд Туйдӧт сьӧрті олӧмнас мортыс оз ло Ен сьӧрті веськыта олісьӧн. Туйдӧтас висьталӧм сьӧрті дзир тӧдамӧ умӧль керӧмнымӧс.