Ап. керӧммез 13:15 - Бур Юӧр 2019

¹⁵ Сэтӧн сы коста лыддьӧтісӧ Моисейлӧн Туйдӧтісь да Енсянь юӧртіссезлӧн гижӧттэзісь. Сыбӧрын синагогаын веськӧтліссес ыстісӧ юавны нылісь: «Воннэз, эм кӧ тіян отирыслӧ велӧтан-вынсьӧтан кыв, баитӧ».

Ап. керӧммез 13:15 Mawu Ofanana

Еврейезлӧ 13:22

Воннэзӧ, кора тіянӧс: видзсьӧ этна велӧтана кыввез бердӧ. Ме эд унасӧ эг гиж.

Ап. керӧммез 15:21

Моисейлісь Туйдӧтсӧ висьтасиссес кӧркӧсянь эд эмӧсь быд карын. Быд шоччисян лунӧ сійӧ Туйдӧтсӧ лыддьӧтӧны синагогаэзын».

Марк 5:22

Сэтчӧ локтіс Иаир нима морт, синагогаын веськӧтлісь. Сія казяліс Исуссӧ да уськӧтчис Сы коккезӧ.

1 Коринфын оліссезлӧ 14:3

Мортыс Енсянь кӧ юӧртӧ, сія отирсӧ вынсьӧтӧ, ӧзйӧтӧ-туйдӧтӧ да бурӧтӧ.

Римын оліссезлӧ 12:8

Кужан кӧ мӧдіккезӧс вынсьӧтны, вынсьӧт. Верман кӧ отсӧт сетавны, сетав сӧстӧм сьӧлӧмӧн. Верман кӧ керны удж веськӧтлісьлісь, веськӧтлы бур мывкыдӧн. Верман кӧ бурсӧ керны, кер гаж сьӧлӧмӧн.

Ап. керӧммез 22:1

Павелыс пондіс баитны: «Айез, воннэз! Ӧні кывзӧ тіян одзын дорйисян кылӧс».

Ап. керӧммез 18:17

Сэк греккес кутісӧ синагогаын веськӧтлісь Сосфенсӧ да вартлісӧ сійӧ судыс одзын. Галлионыс ны вылӧ и дзар эз кер.

Ап. керӧммез 13:27

Ерусалимын оліссес веськӧтліссескӧт Сійӧ эзӧ тӧдӧ. Нія Сійӧ судитісӧ. Нылӧн керӧмныс лоис Енсянь юӧртіссезлӧн висьтавлӧм сьӧрті. Нійӧ кыввесӧ мийӧ лыддьӧтам быд шоччисян лунӧ.

Ап. керӧммез 20:2

Нія муэзӧт мунӧм коста Павелыс уна велӧтіс-вынсьӧтіс веритіссесӧ. Сэтчинсянь локтіс Грецияӧ.

Ап. керӧммез 18:8

Синагогаын веськӧтлісь Крисп гортіссескӧт пондіс веритны. Павелсӧ кылӧм бӧрын и Коринфсис уна отир пондісӧ веритны да пыртчисӧ.

Ап. керӧммез 15:7

Нія дыркодь баитісӧ. Сэк Петраыс чеччис да висьталіс нылӧ: «Воннэзӧ, тійӧ тӧдат: миян коласісь важынсянь ни Еныс бӧрйис менӧ висьтасьны Бур Юӧрсӧ мӧдік отирлӧ, медбы и нія кылісӧ да пондісӧ веритны.

Ап. керӧммез 7:2

Стефаныс висьталіс: «Айез, воннэз, кывзӧ! Югьялан Еныс мыччасьӧм миян Авраам айлӧ Месопотамияын. Сія вӧлӧм Авраамлӧн Харанӧ мунтӧдз.

Ап. керӧммез 2:37

Петралӧн кыввес зубыта сидзисӧ отир сьӧлӧмӧ. Нія юалісӧ Петраыслісь да мӧд апостоллэслісь: «Воннэз, мый миянлӧ керны?»

Ап. керӧммез 2:29

Воннэзӧ! Лэдзӧ меным веськыта висьтавны Давид айным йылісь тӧдӧмӧс. Давидыс кулӧм да вӧлі дзебӧм. Сылӧн шойнаыс ӧнӧдз сулалӧ миян дынын.

Ап. керӧммез 2:4

Быдӧнныс тырисӧ Вежа Лолӧн. Нія пондісӧ сёрнитны мӧдік кыввез вылын Лов сетӧм сьӧрті.

Лука 16:16

«Туйдӧтлӧн да Енсянь юӧртіссеслӧн кадыс вӧлі Иоан локтӧмӧдз. Ӧння кадсянь Енлӧн Юраланін йылісь Бур Юӧр паськалӧ, и быдыс сэтчин вынсьӧтчӧ пырны.

Ап. керӧммез 4:36

Сідз керис и Иосия левит. Чужан гортнас сія вӧлӧм Кипрись. Апостоллэс сылӧ сетісӧ Варнава ним, мый лоӧ «бурӧтчись».

2 Коринфын оліссезлӧ 3:14

Израиль отирлӧн вежӧрныс пӧдана. Сія жӧ вевттисяныс ӧнӧдз куйлӧ ны вылын Важ Йитӧтлісь Гижӧтсӧ лыддьӧтӧмныс коста. Сійӧ вевттьӧссӧ чӧвтӧ дзир Кристосыс.

1 Фессалоникаын оліссезлӧ 2:3

Миян велӧтӧмын эз вӧв бӧбӧтлӧмыс да ылӧтлӧмыс. Сэрпӧсьсӧ юрын нем эгӧ видзӧ.