Ап. керӧммез 11:3 - Бур Юӧр 2019

³ Нія баитісӧ: «Тэ ветлін отир дынӧ, кӧдна абу вундыштыштӧмӧсь да сёйин ныкӧт».

Ап. керӧммез 11:3 Mawu Ofanana

Матвей 9:11

Этӧ адззылісӧ фарисейез. Нія Исуслӧн велӧтчиссезлӧ висьталісӧ: «Мыля тіян Велӧтісьныт сёйӧ ӧтлаын вот ӧктіссезкӧт да умӧльсӧ кериссезкӧт?»

Лука 15:2

Фарисейес Туйдӧтӧ велӧтіссескӧт лӧгӧн баитісӧ: «Сія сибӧтӧ дынас умӧльсӧ кериссесӧ да сёйӧ ныкӧт».

Иоан 18:28

Асъяпоннас Каиафыс дынсянь Исуссӧ нуӧтісӧ Римсянь веськӧтлісь Пилат керкуӧ. Иудейес эзӧ пырӧ керкуас, медбы эзӧ сэрпӧсьмӧ да вермисӧ сёйны Ыджыт лунся сёян.

Ап. керӧммез 10:23

Петраыс рочаліс нійӧ да вердіс. Мӧд лунас муніс ныкӧт. Ныкӧт ӧтлаын мунісӧ Иоппиясис мукӧд воннэз.

Ап. керӧммез 10:28

Сія висьталіс нылӧ: «Тійӧ тӧдат: иудейезлӧ оз туй пантасьлыны да баитны мӧдік отиркӧт. Но меным Еныс осьтіс, медбы ме ӧтік мортӧс эг шу нятьӧсьӧн да сэрпӧсьӧн.

Ап. керӧммез 10:32

Ысты отирӧс Иоппияӧ да кор Симонӧс, мӧдмоз кӧ шуны, Петраӧс. Сія кучик керись Симон ордын. Сылӧн керкуыс саридз дорас. Сія локтас да тэныт быдӧс висьталас".

Ап. керӧммез 10:48

Петраыс тшӧктіс нылӧ пыртчыны Кристос Исус нимӧн. Сыбӧрын нія корисӧ сійӧ мымдакӧ олыштны ны дынын.

1 Коринфын оліссезлӧ 5:11

Ме гижлі ас коласіссезныт йылісь. Сэтшӧм мортыс асьсӧ пуктӧ вонӧ, ачыс тай абу вежсьӧм. Вермӧ кыскасьны, горшасьны, ас керӧм еннэзлӧ копрасьны, лёка баитны, кодавны, гусясьны. Сэтшӧмыскӧт ӧтлаын нельки сёйны оз ков.

Галатияын оліссезлӧ 2:12

Одзжык сія сёйис ӧтлаын Кристос отиркӧт, кӧдна эзӧ вӧлӧ иудейез. Сэтчӧ локтісӧ Яковлӧн кынымкӧ ыстӧм морт. Сія повзис вундыштыштӧм дор сулаліссезсис, сійӧн ны локтӧмсянь пондіс ылӧтчыны да сайласьны.

2 Иоан 1:10

Тіян дынӧ локтісь морт вайӧ кӧ мӧдік велӧтӧм, сійӧ эдӧ лэдзӧ керкуӧ. Пантасьтӧн и кинытӧ эд сетӧ.