Ап. керӧммез 11:20 - Бур Юӧр 2019

²⁰ Но ны коласісь мукӧдыс вӧлісӧ Кипрись да Киринеяись. Нія Антиокия карӧ локтӧм бӧрын Дӧсвидзись Исус йылісь Бур Юӧрсӧ висьтасьӧмась и грек отирлӧ.

Ап. керӧммез 11:20 Mawu Ofanana

Матвей 27:32

Карсис петтӧн нылӧ пантасис Киринеяись Симон. Сылӧ тшӧктісӧ нуӧтны Исуслісь крестсӧ.

Иоан 7:35

Сы коста иудейес баитісӧ ӧтамӧдныслӧ: «Кытчӧ Сія мӧдӧ мунны? Мийӧ пӧ Сійӧ нельки огӧ адззӧ? Оз я Сія мӧд мунны миян отир дынӧ, кӧдна олӧны греккез коласын, да велӧтны греккесӧ?

Ап. керӧммез 11:19

Стефансӧ вийӧм бӧрсянь дзескӧтӧм-вашӧтӧммес рознитчисӧ. Нія локтӧмась Финикияӧдз, Кипрӧдз да Антиокия карӧдз. Нія Ен Кывсӧ висьтасьӧмась дзир иудейезлӧ, мӧдік отирлӧ абу баитӧмась.

Ап. керӧммез 11:22

Сы йылісь кывсис Ерусалимись веритіссезлӧ. Сэк Варнавасӧ тшӧктісӧ мунны Антиокия карас.

Ап. керӧммез 11:26

Сэтӧн во гӧгӧр нія ӧксьывлісӧ веритіссескӧт да велӧтісӧ уна отирӧс. Антиокияас велӧтчиссесӧ медодз пондісӧ шуны Кристос отирӧн.

Ап. керӧммез 11:27

Сія луннэзӧ Антиокия карас Ерусалимсянь локтісӧ Енсянь юӧртіссез.

Ап. керӧммез 13:1

Антиокия вичкуын вӧлісӧ Енсянь юӧртіссез да велӧтіссез: Варнава, Симеон, шуны мӧд нимнас кӧ, Нигер, Киринеяись Луций, Савл да Манаил. Манаилыс Ирод ӧксукӧт вон туйӧ тшӧтш быдмӧм.

Ап. керӧммез 14:26

Сэсся бертісӧ Антиокия карӧ. Сэтчинсянь и иньдылӧмась вӧлі нійӧ воннэзныс Еныс отсӧтӧн керны уджсӧ. Ӧні сія уджыс керсис.

Ап. керӧммез 15:22

Сэк апостоллэс вичкуын веськӧтліссескӧт да ӧксьӧммескӧт баитчисӧ Антиокия карӧ ыстыны воннэзнысӧ. Нія ас колассиныс бӧрйисӧ Иудаӧс, шуны мӧд нимнас кӧ, Варсаваӧс, да Силаӧс. Воннэз коласын нія вӧлісӧ веськӧтліссез. Нійӧ ыстісӧ ӧтлаын Павелкӧт да Варнавакӧт.

Ап. керӧммез 15:23

Гижисӧ да иньдісӧ ныкӧт сэтшӧм гижӧт: «Пым юӧр тіянлӧ! Мийӧ ─ апостоллэз, вичкуын веськӧтліссез да веритіссез ─ гижам Антиокияись, Сирияись да Киликияись воннэзлӧ, быд отирись веритіссезлӧ.

Ап. керӧммез 15:30

Ыстӧммес локтісӧ Антиокия карӧ. Ӧктісӧ веритіссесӧ да сетісӧ гижӧтсӧ.

Ап. керӧммез 17:18

Мукӧдыс Павелыскӧт кутчисьлісӧ етшасьны. Нія вӧлісӧ философфез, «Эпикур» да «Стоик» велӧтӧммез сьӧрті оліссез. Ӧтіккез баитісӧ: «Мый мӧдӧ висьтавны эта абутӧмсӧ баитісьыс?» Мӧдіккез шуисӧ: «Тыдалӧ, сія висьтасьӧ йӧз еннэз йылісь». Павелыс эд нылӧ висьтасис Исусыс йылісь да ловзьӧм йылісь.

Ап. керӧммез 18:22

Павелыс локтіс Кесария карӧ, сэсся иньдӧтчис Ерусалимӧ. Веритіссескӧт адззисьлӧм бӧрын муніс Антиокия карӧ.

Ап. керӧммез 2:10

Фригияись, Памфилияись, Египетісь, Киринея дынын Ливия муэзісь, мукӧдыс ─ Римись. Ӧтіккез шогмим иудейезӧн, мӧдіккез пондім веритны ны моз.

Ап. керӧммез 4:36

Сідз керис и Иосия левит. Чужан гортнас сія вӧлӧм Кипрись. Апостоллэс сылӧ сетісӧ Варнава ним, мый лоӧ «бурӧтчись».

Ап. керӧммез 5:42

Быд лун Вежа Керкуын да горттэзын апостоллэс дугдывтӧг велӧтісӧ, висьтасисӧ Бур Юӧрсӧ да осьтісӧ: Исусыс и эм Кристос-Мездӧтісьыс.

Ап. керӧммез 6:1

Апостоллэз гӧгӧр лунісь лунӧ содіс уна велӧтчись. Сэк грек кыв вылын баитісь иудейез пондісӧ норасьны еврей кыв вылын баитісь иудейез вылӧ, дӧваэзныслӧ пӧ быд лунся коланасӧ етшажык сетавлӧны.

Ап. керӧммез 6:5

Сідз висьталӧмыс вӧлі быдӧнныс сьӧрті. Нія бӧрйисӧ ёна веритісь, Вежа Лолӧн тыра Стефанӧс, Филипӧс, Прокорӧс, Никанорӧс, Тимонӧс, Парменӧс да Антиокияись Николайӧс, кӧда одзжык вуджлӧм иудейез веритӧмӧ.

Ап. керӧммез 6:9

Киринеяись да Александрияись сідз шусяна «мезмӧм раббезлӧн синагогаись» киннэзкӧ, эшӧ Киликияись да Асияись локтӧм иудейес пондісӧ Стефаныскӧт етшасьны.

Ап. керӧммез 8:35

Сэк Филипыс пондіс висьтасьны. Эта гижӧтсянь пондӧтчӧмӧн сія висьтасис Исус йылісь Бур Юӧрсӧ.

Ап. керӧммез 8:5

Самария муӧ локтӧм бӧрын Филип пырис карӧ. Сэтчин отирыслӧ висьтасис Кристос йылісь.

Ап. керӧммез 9:20

Савлыс сія кадсянь синагогаэзын пондіс юӧртны Исусыс йылісь: Сія ─ Енлӧн Зон.

Ап. керӧммез 9:29

Сія сёрнитіс, нельки етшасис грек кыв вылын баитісь иудейезкӧт. Нія лӧсьӧтчисӧ сійӧ вийны.

1 Коринфын оліссезлӧ 2:2

Ме юрам пыртлі: кӧр локта тіян дынӧ, понда тӧдны дзир дорӧм Кристос Исуссӧ.

Галатияын оліссезлӧ 2:11

Кӧр Петраыс локтіс Антиокияас, ме отирыс одзын сылӧ быдӧс веськыта висьталі. Сія отирыскӧт асьсӧ эд эз видз сідз, кыдз колӧ.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.