Ап. керӧммез 10:4 - Бур Юӧр 2019

⁴ Сія видзӧтыштіс ангелыс вылӧ да повзьӧмӧн шуис: «Мый, Дӧсвидзисьӧ?» Ангелыс сылӧ шуис: «Тэнат кеймӧмыт да отирлӧ отсасьӧмыт йылісь юӧрыс локтіс Еныс дынӧдз.

Ап. керӧммез 10:4 Mawu Ofanana

Матвей 26:13

Тіянлӧ быльсӧ висьтала: муыс пасьта, кытӧн пондасӧ висьтасьны Бур Юӧрсӧ, сэтчин инькасӧ касьтыласӧ, сылісь керӧмсӧ висьтасясӧ».

Лука 1:29

Ангелсӧ казялӧмсянь, сы сёрнисянь Марияыс паймис. Нывкаыс юрас видзис, мый одзын пӧ сэтшӧм кыввесӧ сія висьталіс.

Лука 24:5

Инькаэс повзьӧмувьяныс мышкыртісӧ юррезнысӧ. Морттэс нылӧ висьталісӧ: «Мый тійӧ кошшат ловьясӧ кулӧммес коласісь?

Ап. керӧммез 10:31

Сія висьталіс: "Корнилий! Еныс кыліс тэнчит кеймӧмтӧ. Отирлӧ отсасьӧмтӧ Еныс видзӧ тӧдвылас.

Ап. керӧммез 14:9

Мортыс кывзіс Павеллісь баитӧмсӧ. Павелыс видзӧтӧв-керис сы вылӧ да казяліс: мортыслӧн эм веритӧмыс, медбы веськавны.

Ап. керӧммез 22:10

Сэк ме юалі: "Дӧсвидзисьӧ! Мый меным керны?" Дӧсвидзисьыс висьталіс: "Чеччы да мун Дамаскӧ. Сэтчин тэныт лоас висьталӧм быдӧс, мый колӧ керны".

Ап. керӧммез 3:4

Петраыс Иоаныскӧт видзӧтӧв-керисӧ сы вылӧ. Петраыс сылӧ висьталіс: «Видзӧт миян вылӧ».

Филипын оліссезлӧ 4:18

Тіянлісь ыстӧмнытӧ Епафродитыс меным быдӧс вайис. Ӧні менам быдӧс эм коланаысся унажык. Эта керӧмныт Еныс сьӧрті, кыдз бур езъялан козин, чӧскыт руа тшынӧтӧм.

Филипын оліссезлӧ 4:6

Нем понда эдӧ тӧждісьӧ. Сы туйӧ пыр кеймӧ, кеймисьӧ Еныслӧ, буркывтӧ Сійӧ. Быдӧс, мый тіянлӧ колӧ, висьталӧ Сылӧ.

Еврейезлӧ 13:16

Эд вунӧтлӧ керны бурсӧ. Мыйӧн вермат, отсасьӧ. Сэтшӧм езъялан козиныс Еныс сьӧрті.

Еврейезлӧ 6:10

Еныс эд веськыта керӧ. Сія оз вунӧт тіянлісь уджнытӧ, радейтӧмӧн керӧмнытӧ. Сы нимӧн тійӧ отсавліт да и отсалат вежа отирлӧ.

Осьтӧм 8:4

Ангелыс киись ладансянь чӧскыт руа тшыныс ӧтлаын вежа отирлӧн кеймӧммезӧн лэбтісис Еныс дынӧ.