Ап. керӧммез 10:36 - Бур Юӧр 2019

³⁶ Сія ыстіс Израиль отирлӧ Ассис Кывсӧ, лӧнь олан йылісь Бур Юӧрсӧ, кӧдӧ вайис Кристос Исус. А Сія ─ Дӧсвидзисьыс быдӧнныс вылын.

Ап. керӧммез 10:36 Mawu Ofanana

Матвей 28:18

Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.

Ап. керӧммез 2:36

Сідзкӧ, Израильын быд морт бура тӧд: Еныс сувтӧтіс Дӧсвидзисьӧн да Кристос-Мездӧтісьӧн сійӧ Исуссӧ, Кӧдӧ тійӧ дорит пу бердӧ!»

Осьтӧм 17:14

Нія пондасӧ тышкасьны Дзельыскӧт. Дзельыс нійӧ вермас. Сія эд юраліссез вылын Юралісь, ӧксуэз вылын Ӧксу. Сыкӧт ӧтлаын Сылӧн корӧммес, бӧрйӧммес, надейнӧйес».

Осьтӧм 1:18

Ме ловья. Ме вӧлі кулӧм, но ӧні Ме ловья да понда пыр овны. Аминь. Адсис да кулӧмсис ключчес Менам киын.

1 Петра 3:22

Кристосыс лэбтісис енӧжас да Еныскӧт пуксис веськыт ладорас. Сійӧ кывзісьӧны ангеллэс, енӧжсис юраліссес да выннэс.

1 Коринфын оліссезлӧ 15:27

Еныс быдӧс пуктіс Кристослӧн коккез увтӧ. Кӧр лоас висьталӧм, «Быдӧс Сы коккез увтын», вежӧртам: Дзир Ен Айыс ӧтнас абу Сы коккез увтын. Сія эд Ачыс быдӧс пуктіс Кристослӧн коккез увтӧ.

Осьтӧм 19:16

Сылӧн нимыс вӧлі гижӧм паськӧм вылас да викляч вылас: «Ӧксуэзлӧн Ӧксу да юраліссезлӧн Юралісь».

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

Еврейезлӧ 13:20

Лӧньсӧ сетісь Еныс ловзьӧтіс кулӧмись миянлісь Дӧсвидзись Кристос Исуссӧ, вына баля Видзӧтісьсӧ. Сы вирӧн миянлӧ керис пырся Йитӧт.

Филипын оліссезлӧ 2:11

Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

1 Коринфын оліссезлӧ 15:47

Одзза мортыс аркмӧтӧм муись, сія му вылісь. Мӧд мортыс ─ Дӧсвидзись. Сія локтіс енӧжсянь.

Римын оліссезлӧ 14:9

Кристосыс эд сы понда и куліс да ловзис, медбы юравны кулӧммез да ловьяэз вылын.

Ап. керӧммез 13:46

Сэк Павел да Варнава повтӧг висьталісӧ: «Енлісь Кывсӧ медодз коліс юӧртны тіянлӧ. Тійӧ тай миянӧс эдӧ пондӧ кывзыны, пырся оланас пырны асьнытӧ пуктат нетуяна отирӧ. Ӧні мийӧ мунам ентӧдтӧм отир дынӧ.

Ап. керӧммез 13:32

Мийӧ висьтасям тіянлӧ Бур Юӧр. Миян айезлӧ кӧсйӧмсӧ Еныс сетіс миянлӧ ─ челядьныслӧ. Кӧсйӧмсӧ Сія сетіс Исуссӧ ловзьӧтӧм пыр.

Ап. керӧммез 11:19

Стефансӧ вийӧм бӧрсянь дзескӧтӧм-вашӧтӧммес рознитчисӧ. Нія локтӧмась Финикияӧдз, Кипрӧдз да Антиокия карӧдз. Нія Ен Кывсӧ висьтасьӧмась дзир иудейезлӧ, мӧдік отирлӧ абу баитӧмась.

Ап. керӧммез 5:31

Еныс Сійӧ пуксьӧтіс веськыт ладорас Юралісьӧн да Мездӧтісьӧн, медбы Израильыс бергӧтчис умӧль керӧммес дынісь да вӧлі проститӧм.

Лука 24:47

Ерусалимсянь пондӧтчӧмӧн колӧ Сы нимӧн юӧртны быд отирпӧлӧслӧ умӧль керӧммез дынісь бергӧтчӧм да нійӧ проститӧм йылісь.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Матвей 10:6

Мунӧ Израильлӧн ӧшӧм баляэз дынӧ.

Еврейезлӧ 1:2

Эна медбӧрья луннэзӧ Еныс баитіс миянлӧ Зоныс пыр. Сы пыр Еныс аркмӧтіс и быдӧс енӧжисьсӧ да му вылісьсӧ, быдӧс сетіс Зоныс кипод увтӧ.

Колосын оліссезлӧ 1:20

Зоныс отсӧтӧн Айыс мӧдӧм быдӧнныскӧт бурасьны. Кристослӧн крест вылас киссьӧм Вирӧн Еныс лӧсьӧтчӧм бурасьны быдӧскӧт, мый му вылас да енӧжас.

Лука 1:79

Сія югдӧтас пемытінын, кулан вуджӧрын пукаліссесӧ. Иньдӧтас миянлісь коккезнымӧс лӧнь оланӧ.

Ап. керӧммез 10:37

Иудея муын лоӧм йылісь тійӧ тӧдат. Сія пондӧтчис Галилеясянь, Иоанлӧн отирсӧ велӧтӧм да пыртӧм бӧрын.

Римын оліссезлӧ 5:1

Веритӧмным понда Еныс миянӧс керис веськыта оліссезӧн. Мийӧ Еныскӧт бурасим Дӧсвидзись Кристос Исус пыр.