Ап. керӧммез 1:8 - Бур Юӧр 2019

⁸ Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».

Ап. керӧммез 1:8 Mawu Ofanana

Матвей 24:14

Енлӧн Юралӧм йылісь Бур Юӧрсӧ муыс пасьта висьтасясӧ, медбы кыліс сійӧ быд отирпӧлӧс. Сэсся вӧлись лоас векпоныс».

Матвей 28:19

Сідзкӧ, мунӧ, велӧтӧ быдӧс отирсӧ. Пыртӧ нійӧ Ай, Зон да Вежа Лов нимӧн.

Марк 16:15

Исусыс нылӧ висьталіс: «Мунӧ быдсӧн му пасьта, быдӧнныслӧ висьтасьӧ Бур Юӧрсӧ.

Лука 1:35

Ангелыс висьталіс Сылӧ: «Вежа Лов локтас Тэ вылӧ. Медвылісьыслӧн выныс вевттяс Тэнӧ. Сійӧн шогмӧм вежа Кагасӧ пондасӧ шуны Ен Зонӧн.

Лука 10:19

Сідз и эм: Ме сета тіянлӧ вын тальны кыйезӧс да скорпионнэзӧс и вермыны миян вылӧ лэбтісьӧм быд лёк вынсӧ. Нем умӧльыс тіянлӧ оз ло.

Лука 24:29

Велӧтчиссес падмӧтісӧ Сійӧ, шуисӧ: «Кольччы миянкӧт, ӧтӧрас пемдӧ ни». Сія кольччис да пырис ныкӧт керкуӧ.

Иоан 15:27

Сідз и тійӧ пондат висьтасьны Ме йылісь, тійӧ эд Мекӧт вӧліт одзза луннэзсянь».

Ап. керӧммез 1:5

Иоаныс тіянӧс пыртіс ваӧн. Лун-мӧд бӧрті тійӧ пыртчатӧ Вежа Лолӧн».

Ап. керӧммез 13:31

Уна лун сьӧрна Сія мыччасьліс Галилеясянь Ерусалимӧ Сыкӧт тшӧтш локтіссезлӧ. Нія ӧні Исусыс йылісь висьтасьӧны Израиль отирлӧ.

Ап. керӧммез 2:32

Сійӧ Исуссӧ Еныс ловзьӧтіс. И Сійӧ мийӧ быдӧнным адззылім.

Ап. керӧммез 22:15

Тэ пондан юӧртны Сы йылісь. Адззылӧмтӧ да кылӧмтӧ пондан висьтасьны быдӧнныслӧ.

Ап. керӧммез 3:15

Олан Сетісьсӧ тійӧ вийит, но Еныс Сійӧ ловзьӧтіс. Мийӧ лоӧмсӧ асьным адззылім, ӧні сы йылісь и висьтасям.

Ап. керӧммез 4:33

Апостоллэс повтӧг висьтасисӧ Дӧсвидзись Кристос Исуслӧн ловзьӧм йылісь. Быдӧнныс вылын вӧлі Енсянь вына бурсетӧмыс.

Ап. керӧммез 5:32

Лоӧмыс йылісь висьтасиссес ─ мийӧ да Вежа Лов. Этӧ Ловсӧ Еныс сетіс Сійӧ кывзісиссезлӧ».

Ап. керӧммез 6:8

Стефаныс ёна веритіс. Сы вылын вӧлі Енсянь сетӧм вын. Отир коласын сія аркмӧтліс ыджыт адззывлытӧммез да пассэз.

Ап. керӧммез 8:1

Савлыс вӧлі Стефансӧ вийиссез дор. Нія луннэзӧ Ерусалимас ёна пондісӧ дзескӧтлыны-вашӧтлыны веритіссесӧ. Веритіссес быдӧнныс мунісӧ-рознитчисӧ Самария да Иудея муэзӧ. Ерусалимас кольччисӧ дзир апостоллэс.

Римын оліссезлӧ 10:18

Ме юала: Израиль отирыс эзӧ разь кылӧ? Кылісӧ эд. Вежа Гижӧтас висьталӧм тай: ─ Сія висьталӧмыс паськаліс быдсӧн муыс пасьта, висьтасьӧмыс локтіс быдлаӧдз.

Римын оліссезлӧ 15:19

Ен Лов вынӧн Кристосыс ме пыр керліс мыччалан пассэсӧ да адззывлытӧммесӧ. Сійӧн Кристослісь Бур Юӧрсӧ ме верми нуӧтны Ерусалим гӧгӧр муэзсянь Иллирикӧдз.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.