Ап. керӧммез 1:13 - Бур Юӧр 2019

¹³ Локтӧм бӧрас нія ӧтлаын пырисӧ керкуӧ вылісь жырӧ да сэтчӧ кольччисӧ. Сэтӧн вӧлісӧ Петра да Яков, Иоан да Ӧндрей, Филип да Фома, Варфоломей да Матвей, Алфейлӧн Яков да Зилот Симон, да Яковлӧн Иуда воныс.

Ап. керӧммез 1:13 Mawu Ofanana

Матвей 9:9

Исусыс сэтісь мунтӧнняс вот ӧктанінын казяліс Матвей нима мортӧс. Исусыс шуис сылӧ: «Лок Ме сьӧрӧ». Сія чеччис да муніс Исусыс сьӧрӧ.

Марк 14:15

Сія мыччалас тіянлӧ ыджыт вылісь жыр, сія лӧсьӧтӧм ни. Сэтчин и лӧсьӧтӧ Ыджыт лунся сёянсӧ».

Марк 14:33

Сія сьӧрас босьтіс Петраӧс, Яковӧс да Иоанӧс. Сэтчин Исусыс пондіс ӧддьӧн шогсьыны да тӧждісьны.

Марк 2:14

Мунтӧнняс Исусыс казяліс Алфейлісь Левий зонсӧ, кӧда пукаліс вот ӧктанінын. Сія шуис Левийыслӧ: «Лок Ме сьӧрӧ». Мӧдыс чеччис да муніс Исусыс сьӧрӧ.

Марк 5:37

Исусыс сьӧрас босьтіс Петраӧс, Яковӧс да сылісь Иоан вонсӧ, сэсся некинлӧ эз лэдз мунны.

Марк 9:2

Квать лун бӧрті Исусыс босьтіс сьӧрас Петраӧс, Яковӧс да Иоанӧс. Сія ныкӧт ӧтнаныскӧт кайис вылын керӧсӧ. Велӧтчиссез син одзын Исусыс вежсис.

Лука 22:12

Сія мыччалас тіянлӧ ыджыт вылісь жыр, сія лӧсьӧтӧм ни. Сэтчин и лӧсьӧтӧ Ыджыт лунся сёянсӧ».

Иоан 11:16

Сэк Фома, кӧдӧ мӧднёж шуисӧ «Двойнишнӧй», шуис мӧд велӧтчиссеслӧ: «Мунам, и мийӧ кулам Сыкӧт».

Иоан 14:22

Мӧд Иудаыс, кӧда абу Искариот, шуис Сылӧ: «Дӧсвидзись, Тэ мӧдан осьтны Асьтӧ дзир миянлӧ. А мыля он мӧд осьтны му вылісь отирлӧ быдӧнныслӧ?»

Иоан 18:17

Инькаыс юаліс Петралісь: «Абу я тэ Эта Мортлӧн велӧтчись?» Петраыс висьталіс: «Абу!»

Иоан 21:2

Сэк ӧтлаын вӧлісӧ Симон-Петра, Фома, мӧднёж ─ «Двойнишнӧй», Галилея муын Кана карись Нафанаил, Зеведейлӧн зоннэз да Исусыслӧн мӧдік кык велӧтчись.

Ап. керӧммез 12:17

Сія кинас ӧвтыштӧмӧн тшӧктіс нылӧ чӧвны. Петраыс висьтасис чижовкасис Дӧсвидзись отсӧтӧн петӧм йылісь. Лоӧмыс йылісь тшӧктіс юӧртны Яковлӧ да мӧдік воннэзлӧ. Сэсся сія петіс да муніс мӧдіклаӧ.

Ап. керӧммез 15:13

Нія дугдісӧ баитны. Сэсся пондіс баитны Яков. Сія висьталіс: «Воннэз! Кывзӧ менӧ.

Ап. керӧммез 2:14

Петраыс дасӧтік апостолкӧт сувтіс. Сія горӧн висьталіс отирыслӧ: «Иудеяись отир да Ерусалимын быд олісь! Кывзӧ менчим кыввезӧс, видзӧ нійӧ тӧдвыланыт!

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Ап. керӧммез 20:8

Кытӧн мийӧ вӧлімӧ, сэтӧн сотчис уна би, а ӧксимӧ мийӧ медвылісь жырас

Ап. керӧммез 4:13

Бӧрйӧм пӧриссес да веськӧтліссес кылӧмась апостоллэзлісь повтӧг баитӧмнысӧ. Нія казялісӧ: баитіссес абу велӧтчӧм отир коласісь. Нійӧ сысянь диво кутіс. Нія апостоллэсӧ тӧдісӧ, адззывлісӧ Исускӧт ветлӧтӧмныс коста да.

Ап. керӧммез 4:19

Петра Иоанкӧт нылӧ висьталісӧ: «Видзӧтӧ асьныт: бур я сія Ен одзын, пондам кӧ тіянӧс кывзыны Енӧсся буржыка?

1 Коринфын оліссезлӧ 15:7

Сыбӧрын мыччасис Яковлӧ да апостоллэслӧ быдӧнныслӧ.

Галатияын оліссезлӧ 1:19

Сэтчин адззылі Дӧсвидзисьлісь Яков вонсӧ. Апостоллэс коласісь сэсся некинӧс эг адззыв.

Галатияын оліссезлӧ 2:9

Яков, Кифа да Иоан йылісь шуӧны, ны вылын пӧ вичкуыс видзсьӧ. Меным да Варнаваыслӧ нія сетісӧ киэзнысӧ, кӧр пондісӧ тӧдны: менам сія уджыс Енлӧн бурсетӧмсянь, и мийӧ керам ӧтік удж. Мийӧ баитчим: нія мунасӧ иудейез дынӧ, а мийӧ ─ мӧдік отир дынӧ.

Яков 1:1

Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан тіянлӧ!

2 Иоан 1:1

Ме, вичкуын веськӧтлісь, гижа сойӧлӧ да сы челядьлӧ. И тэ Еныслӧн бӧрйӧмыс. Ме тіянӧс сьӧлӧмсянь радейта. Тіянӧс радейтӧны и Еныслісь быльсӧ быдӧс тӧдіссес.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.