Ап. керӧммез 1:12 - Бур Юӧр 2019

¹² Виягӧд керӧс вывсянь апостоллэз бертісӧ Ерусалим карӧ. Керӧс дынсянь карӧдззас вӧлі ӧтік верста гӧгӧр.

Ап. керӧммез 1:12 Mawu Ofanana

Матвей 21:1

Ерусалимӧ мунӧм коста Исус велӧтчиссескӧт сибӧтчис Виффагия посад дынӧ, кӧда сулаліс Виягӧд керӧс увтын. Исусыс кык велӧтчисьӧс ыстіс одзлань.

Матвей 24:20

Кеймӧ, медбы эз ковсьы пышшыны тӧлӧн али шоччисян лунӧ.

Матвей 24:3

Исусыс пукаліс Виягӧд керӧсын ӧтнас. Сэк велӧтчиссес ӧтнаныс локтісӧ Сы дынӧ да юалісӧ: «Висьтав миянлӧ, кӧр сія лоас? Мый сьӧрті позьӧ тӧдны Тэнчит локтӧмтӧ да векпонсӧ?»

Матвей 26:30

Енсӧ сьылӧтӧм бӧрын Исусыс велӧтчиссескӧт муніс Виягӧд керӧсӧ.

Лука 19:29

Сія локтіс Виффагия да Вифания дынӧ. Нія посаддэс сулалісӧ Виягӧд керӧс увтын. Исусыс кык велӧтчисьӧс ыстіс одзлань.

Лука 21:37

Луннас Исусыс велӧтіс Вежа Керкуын, а ойесӧ чулӧтіс Виягӧд керӧс вылын.

Лука 24:50

Исусыс велӧтчиссесӧ карсис петкӧтіс Вифания дынӧдз, лэбтіс киэсӧ да бласлӧвитіс нійӧ.

Лука 24:52

Нія копыртчисӧ Сылӧ да ӧддьӧн гажаӧсь бертісӧ Ерусалимӧ.

Иоан 11:18

Вифанияыс вӧлі матын Ерусалим дынсянь, сэтчӧдз вӧлі дасвит стадий гӧгӧр.