Ап. керӧммез 1:10 - Бур Юӧр 2019

¹⁰ Исуслісь енӧжӧ лэбтісьӧмсӧ видзӧттӧн ны одзӧ видзчисьтӧг сувтісӧ чочком паськӧма кык морт.

Ап. керӧммез 1:10 Mawu Ofanana

Матвей 17:2

Велӧтчиссез син одзын Исусыс вежсис: чужӧмыс шонді моз пондіс югьявны, паськӧмыс лоис свиттялана чочком.

Матвей 28:3

Ангелыслӧн чужӧмыс югьяліс чарньӧв моз, паськӧмыс вӧлі лым кодь чочком.

Марк 16:5

Инькаэс пырисӧ дзебсянінас да казялісӧ чочком паськӧма зонкаӧс, кӧда пукаліс веськытланяс. Инькаэс шардісӧ.

Лука 24:4

да ӧшисӧ, мый нӧ пӧ сэтшӧмыс лоис. Сэк ны одзын видзчисьтӧг мыччисисӧ свиттялан паськӧма кык морт.

Иоан 20:12

да казяліс чочком паськӧма кык ангелӧс. Нія пукалісӧ Исуслӧн шой куйланін вылын. Ӧтыс пукаліс, кытӧн куйліс Исуслӧн юрыс, а мӧдыс ─ кытӧн вӧлісӧ коккес.

Ап. керӧммез 10:3

Ӧтпыр куим час гӧгӧрын луннас сія адззыліс мыччалӧм. Енлӧн ангел пырис сы дынӧ да висьталіс: «Корнилий!»

Ап. керӧммез 10:30

Корнилийыс висьталіс: «Ме кӧслуналі. Сэксянь чулаліс куим лун. Куимӧт часӧ луннас ме гортын кейми. Сэтӧн ме одзӧ сувтіс югьялан паськӧма морт.

Осьтӧм 3:4

А Сардисас тэнат эмӧсь кынымкӧ морт, кӧдна эзӧ сэрпӧсьтӧ ассиныс паськӧмнысӧ. Нія Мекӧт пондасӧ ветлӧтны чочком паськӧмӧ пасьтасьӧмӧн, нія эд туяна отир.

Осьтӧм 7:14

Ме сылӧ шуи: «Бур мортӧй, ог тӧд, но тэ тӧдан». Сэк сія висьталіс меным: ─ Этна морттэс ёна пессьӧм-мырсьӧмись локтісӧ. Дзель вирӧн нія паськӧмнысӧ миссьӧтісӧ. Паськӧмныс нылӧн лоис чочком.