2 Тимофейлӧ 4:18 - Бур Юӧр 2019

¹⁸ Сія и одзлань пондас мездыны менӧ быд умӧльсис да вайӧтас менӧ Аслас Енӧжись Юраланінӧ. Сылӧ пырся-пыр ошкӧм! Аминь.

2 Тимофейлӧ 4:18 Mawu Ofanana

Матвей 13:43

Сэк Ен сьӧрті веськыта оліссес Айныс Юраланінын шонді моз югьявны пондасӧ. Пеля мортыс ась кылӧ!»

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Матвей 6:13

Видз миянӧс ылалӧмись, ылӧтлісь дынісь миянӧс мезды. Тэнат Юралӧмыт, выныт да югьялӧмыт пыр кежӧ. Аминь.

Лука 11:4

Тэ простит миянлісь умӧль керӧммезнымӧс, мийӧ эд проститам миянлӧ умӧльӧ кериссесӧ. Видз миянӧс ылалӧмись. Ылӧтлісь дынісь миянӧс мезды».

Лука 12:32

Эд полӧ, учӧт чукӧр! Айныт шуис сетны тіянлӧ Юралӧм.

Лука 22:29

Меным Айӧ сетіс ӧксулісь юралан вын. Сійӧ юралан вынсӧ Ме сета тіянлӧ.

Иоан 17:15

Ог кор босьтны нійӧ му вывсис, кора видзны нійӧ умӧльсис.

Римын оліссезлӧ 11:36

Быдӧс эд локтӧ Сысянь, быдӧс аркмӧ Сы пыр, быдӧс бертӧ Сылӧ. Сылӧ пырся-пыр ошкӧм! Аминь.

1 Коринфын оліссезлӧ 1:21

Му вылісь отирыс асланыс мывкыдӧн эзӧ вежӧртӧ Еныслісь мывкыда керӧмсӧ. Сэк Еныслӧ ковсис висьтасьӧм юӧр пыр мездыны нійӧ, кӧдна веритасӧ. А отирыс шуӧны, сія юӧрыс пӧ бӧбсорӧн баитӧм.

1 Коринфын оліссезлӧ 10:13

Тіян вылӧ локтӧ сьӧкытыс-ылӧтлӧмыс, сія быд морткӧт вермас лоны, но Еныс надейнӧй, Сія оз коль. Сія мортыслӧ сетӧ сьӧкытсӧ выныс сьӧрті, оз сет унажыксӧ. Сьӧкыт кад коста вынсьӧтӧ, сетӧ отсӧтсӧ, медбы вермит сьӧкытсис петны.

1 Коринфын оліссезлӧ 15:50

Воннэзӧ, ӧтікӧ висьтала тіянлӧ: вир яйись вывтыр оз пыр Енлӧн Юраланінӧ. Сісьманаыс оз босьт сісьмытӧмсӧ.

2 Коринфын оліссезлӧ 1:10

Сія мездіс миянӧс, эз лэдз сэтшӧм одз оланнымӧс орӧтны. Тӧдамӧ, и одзлань пондас миянӧс мездыны,

Галатияын оліссезлӧ 1:5

Сылӧ пырся-пыр ошкӧм! Аминь.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

2 Фессалоникаын оліссезлӧ 3:3

Дӧсвидзисьыс эд надейнӧй. Сія вынсьӧтас тіянӧс да видзас ылӧтлісьыс шогья.

1 Тимофейлӧ 1:17

Пыр олісь да юралісь Ӧксулӧ ─ ыджыт мывкыда тыдавтӧм ӧтка Енлӧ ─ вылына лэбтӧмыс да югьялӧмыс пырся-пыр! Аминь.

1 Тимофейлӧ 6:16

Сія эд ӧтнас Пырсяыс. Сылӧн югыт оланін дынӧ оз позь сибӧтчыны. Сійӧ отирыс коласісь некин эз адззыв, да и адззывны оз вермы. Сылӧ вылына лэбтӧмыс, Сылӧн юралӧмыс пырся-пыр. Аминь.

2 Тимофейлӧ 1:12

Сійӧн ме сідз песся-мырся. Меным сысянь абу рожа кулян, ме эд тӧда, Кинлӧ верита. Ме тӧда: Еныс вына видзны меным сетӧмсӧ Аслас локтан лунӧдз.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

Еврейезлӧ 11:16

Нія туйнысӧ видзӧмась буржыкысланьӧ, енӧжӧ. Сійӧн Еныслӧ абу рожа кулян Асьсӧ пуктыны нылӧн Енӧ. Сія лӧсьӧтіс нылӧ кар.

Еврейезлӧ 12:22

Тійӧ сибӧтчит Сион керӧс дынӧ, ловья Енлӧн кар дынӧ, енӧжись Ерусалим дынӧ, унася-уна ангеллэз дынӧ.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

Яков 2:5

Менам дона воннэзӧ, кывзӧ! Еныс бӧрйис му вывсис умӧля оліссесӧ, медбы сетны нылӧ ёна веритӧмсӧ да Ассис Юраланінсӧ. Этӧ кӧсйис сетны Сійӧ радейтіссезлӧ.

1 Петра 1:5

Тійӧ Еныслӧ веритат. Сійӧн Сылӧн выныс тіянӧс видзӧ-дорйӧ, медбы мездыны. Сія мездӧмыс оссяс медбӧрья кадас.

1 Петра 5:11

Сылӧн эд югьялӧмыс да юралӧмыс пырся-пыр! Аминь.

2 Петра 1:11

Сідз оссяс тіянлӧ пыраніныс миян Мездӧтісь Кристос Исуслӧн пырся Юраланінӧ. Сія эд миян Дӧсвидзисьным.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.