2 Тимофейлӧ 4:14 - Бур Юӧр 2019

¹⁴ Ыргӧннас уджалісь Александр меным уна керис умӧльсӧ. Дӧсвидзисьыс ась вештӧ сылӧ уджыс сьӧрті.

2 Тимофейлӧ 4:14 Mawu Ofanana

Римын оліссезлӧ 12:19

Менам донаэзӧ, эд вештісьӧ ас пондасиныт. Кольӧ вештісьӧмсӧ Енлӧн лӧглӧ. Вежа Гижӧтсис лыддьӧтам: «Ме вештіся, Ме бергӧта» ─ висьталӧ Дӧсвидзись.

Римын оліссезлӧ 2:6

Еныс эд быд мортлӧ сетас олікӧ керӧмыс сьӧрті.

2 Фессалоникаын оліссезлӧ 1:6

Еныс веськыта керӧ: тіянӧс дзескӧтліссезлӧ Сія вештісяс дзескӧтӧмӧн.

1 Тимофейлӧ 1:20

Сэтшӧммес Именей да Александр. Ме нійӧ коли сотанаыслӧ, медбы дугдісӧ умӧльтны Енсӧ.

2 Тимофейлӧ 4:15

Сія ёна паныт сувтӧ миян кыввезлӧ. Сыкӧт и тэ видзсьы видзӧтчӧмӧн.

1 Иоан 5:16

Казялас кӧ кин воныслісь умӧль керӧмсӧ, кӧда оз вайӧт кулӧмас, ась кеймӧ воныс понда. Еныс сылӧ сетас олансӧ. Эстӧн висьтала: эмӧсь сэтшӧм умӧль керӧммез, кӧдна озӧ вайӧтӧ кулӧмас. Эмӧсь и кулӧмас вайӧтан умӧль керӧммез. Сэтшӧм умӧль керись понда ме ог тшӧкты кеймыны.

Осьтӧм 18:20

─ Гажӧтчы сысянь, енӧж! Гажӧтчӧ, вежа апостоллэз да Енсянь юӧртіссез! Тіян понда сійӧ карсӧ Еныс мыжйис, лёк керӧмыс понда вештісис.

Осьтӧм 18:6

Вештісьӧ сылӧ сійӧн жӧ, мый сія керис мӧдіккезлӧ. Кыкись унажык вештӧ сылӧн керӧм понда. Лӧсьӧтӧ сылӧ винасӧ кыкись курытжыкӧ сы винася, кӧдӧ сія лӧсьӧтліс мӧдіккезлӧ.

Осьтӧм 6:10

Нія горӧтлісӧ: «Вежа да былись Юралісь! Мыля ӧнӧдз он мыжйы му вылісь оліссесӧ? Кӧр пондан вештісьны миян кисьтӧм вир понда?»