2 Тимофейлӧ 3:5 - Бур Юӧр 2019

⁵ пондасӧ вачкисьны Енлӧ юрбитіссез вылӧ, а асьныс Сылісь вынсӧ абутӧм туйӧ пуктасӧ. Сэтшӧммес дынсянь ылынжыка видзсьы.

2 Тимофейлӧ 3:5 Mawu Ofanana

Матвей 7:15

«Асьнысӧ Енсянь юӧртіссезӧ пуктіссез дынісь ылынжыка видзсьӧ. Нія тіян дынӧ локтӧны баля кучикын, а асьныс нія лёк кӧиннэз.

Ефесын оліссезлӧ 4:14

Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь.

2 Фессалоникаын оліссезлӧ 3:14

Кин оз понды кывзыны эта гижӧтын миянлісь висьталӧмсӧ, сэтшӧм мортсӧ видзӧ син выланыт. Сыкӧт нельки эдӧ тӧдчӧ, медбы сылӧ вӧлі умӧль сьӧлӧм вылас.

2 Фессалоникаын оліссезлӧ 3:6

Воннэзӧ, тшӧктам тіянӧс Дӧсвидзись Кристос Исусным нимӧн: ылынжыка видзсьӧ воннэз дынсянь, кӧдна весь олӧны, а озӧ олӧ миян велӧтӧм сьӧрті.

1 Тимофейлӧ 4:7

Нёштӧм да ковтӧм басниэзӧ кадсӧ эн ӧшты. Асьтӧ велӧт овны Енлӧ юрбитӧмӧн.

1 Тимофейлӧ 4:8

Вывтыр вынсьӧтӧмись етша бурыс, а Енлӧ юрбитӧмӧн олӧмыс быдлаын бур. Сэтӧн эд Еныслӧн кӧсйӧмыс, кӧда сетӧ олансӧ ӧні да и локтан кадӧ.

1 Тимофейлӧ 5:8

Кин оз тӧждісь аслас увтырись отир понда, ӧддьӧнжык гортіссес понда, сэтшӧмыс дугдіс ни веритны. Сія умӧльжык вериттӧммезся.

1 Тимофейлӧ 6:5

да тшыксьӧм вежӧра отир коласын дугдывтӧг пинясьӧм. Нія эд вунӧтісӧ быльсӧ. Енлӧ юрбитӧмыссянь нія мӧдӧны богатсявны. Сэтшӧм отир дынісь ылынжыка видзсьы.

2 Тимофейлӧ 2:16

Ковтӧм баитӧммез дынісь видзсьы ылынжыка. Ковтӧмсӧ баитіссес эд умӧляс ёнажык пырӧны.

2 Тимофейлӧ 2:23

Вежӧрттӧм да ковтӧм етшасьӧммез дынісь видзсьы ылынжыка. Тэ тӧдан, нія вайӧтӧны видчӧмӧдз.

Титлӧ 1:16

Нія шуӧны, тӧдам пӧ Енсӧ, а асланыс керӧммезӧн Енсӧ абутӧм туйӧ пуктӧны. Нія сьӧлӧмтӧмӧсь, озӧ кывзісьӧ, бурсӧ нем озӧ вермӧ керны.

Титлӧ 3:10

Мортсӧ, кӧда веритӧмсис мӧдӧрӧ ылӧтӧ, ӧтпыр-мӧдпыр ӧв, вежӧртӧт. Оз кӧ ӧвсьы, сэсся сыкӧт видзсьы янын.