2 Тимофейлӧ 3:11 - Бур Юӧр 2019

¹¹ вашӧтлӧммез коста да пессьӧм-мырсьӧм коста. Ме вылӧ ёна лэбтісьлісӧ Антиокияын, Иконияын, Листраын, а Дӧсвидзисьыс менӧ быдӧсісь мездіс.

2 Тимофейлӧ 3:11 Mawu Ofanana

Ап. керӧммез 13:14

А мӧддэс Пергиясис мунісӧ Писидия муын Антиокия карӧ. Шоччисян лунӧ пырисӧ синагогаӧ да пуксисӧ.

Ап. керӧммез 13:45

Отирсӧ казялікӧ, иудейесӧ завидныс кутіс. Павеллӧн баитӧмлӧ паныт нія лӧгувьяныс уна умӧльсӧ висьтавлісӧ.

Ап. керӧммез 14:8

Листраас вӧлі коккезнас шогалісь морт. Сія шогмӧмсянь абу вермӧм ветлӧтны.

Ап. керӧммез 20:19

Ме рам мывкыдӧн, уна синва кисьтӧмӧн уджалі-кысъялі Дӧсвидзисьыслӧ. Меным эд ковсис ёна пессьыны-мырсьыны иудейезсянь лёк керӧмныс кузя.

Ап. керӧммез 23:10

Вермасьӧмныс-горӧтлӧмныс содіс. Сюрс воинӧн веськӧтлісьыс повзис, Павелсӧ вермасӧ летны. Сэк воиннэсӧ тшӧктіс Павелсӧ петкӧтны ны коласісь да нуӧтны сайӧвтчанінас.

Ап. керӧммез 26:17

Ме мезда тэнӧ иудейез да мӧдік отир киись, кӧдна дынӧ ӧні тэнӧ ыста.

Ап. керӧммез 26:22

Но Еныс ыстіс отсӧтсӧ. Сійӧн ме ӧння лунӧдз сулала да висьтася вылына пукаліссезлӧ да умӧля оліссезлӧ. Ме висьтася дзир Енсянь юӧртіссезлісь да Моисейлісь одзланьсяыс йылісь висьталӧмнысӧ.

Ап. керӧммез 9:16

Ме Савлыслӧ мыччала, мымда пессьӧм-мырсьӧмыс сылӧ усяс Менам ним понда».

Римын оліссезлӧ 15:31

медбы Иудеяас эг сюр Исуссӧ тӧдтӧммез киӧ. А Ерусалимас вежа отирыс ась босьтӧны ыстӧм отсӧтсӧ. Сія отсӧтыс ась лоӧ нылӧ сьӧлӧмви.

2 Коринфын оліссезлӧ 1:5

Миян оланын Кристосыс понда пессьӧм-мырсьӧмным содӧ. Сы коста содӧ и Кристосыслӧн миянӧс бурӧтӧмыс.

2 Коринфын оліссезлӧ 1:7

Сійӧн мийӧ бура надейтчам тіян вылӧ. Еныс кӧ бурӧтӧ миянӧс, сідз Сія и тіянӧс бурӧтас да мездас. Тӧдам эд, тійӧ миян моз пессят-мырсят, миян моз тійӧ лоат и бурӧтӧмӧсь.

2 Коринфын оліссезлӧ 12:10

Сійӧн садь бырӧм коста, менӧ видӧм коста, кӧр абу и медколанаыс, Кристосыс понда вашӧтлӧм-дзескӧтлӧм коста сьӧлӧм вылам бур. Кӧр эд менам аслам вынӧ абу, сэк ме вына.

2 Тимофейлӧ 4:7

Ме бура песси, ассим олан туйӧс муні, веритӧмӧс эг ӧшты.

2 Петра 2:9

Дӧсвидзисьыс эд тӧдӧ, кыдз мездыны Енлӧ юрбитісь мортсӧ ылалӧмсис. А умӧльсӧ кериссесӧ кужӧ видзны, медбы мыжйыны Суд Лунас.