2 Тимофейлӧ 3:10 - Бур Юӧр 2019

¹⁰ Тэ быдӧсын керин ме моз: велӧтӧмын, оланын и моггезын. Мекӧт ӧтмоза веритін, мыла быртӧг видзсин, радейтін. Тэ ёна сулалін

2 Тимофейлӧ 3:10 Mawu Ofanana

Лука 1:3

Сідз и меным юрам пырис быдӧс бура тӧдмавны лоӧмыс йылісь. Ӧні вӧлись быдӧс лоӧмсӧ сьӧрсьӧн-бӧрсьӧн ӧтамӧд дынӧ тэчӧмӧн гижа тэныт, Феофил, дона морт.

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 2:42

Веритіссес пыр олісӧ апостоллэз велӧтӧм сьӧрті, ӧксьывлісӧ чеглавны нянь да кеймыны.

Ап. керӧммез 20:18

Ефесісь локтӧммеслӧ Павелыс висьталіс: «Тійӧ тӧдат: Асияас локтӧм лунсянь ме пыр вӧлі тіянкӧт.

Ап. керӧммез 26:4

Быд иудей тӧдӧ менчим оланӧс. Ме эд том кадсянь олі Ерусалимын аслам отир коласын.

Римын оліссезлӧ 16:17

Кеймися тіян одзын. Воннэзӧ, видзӧтлӧ вичкусӧ янсӧтліссез, ылӧтліссез сьӧрын. Нія эд отирсӧ кежӧтӧны веритӧмсис. Ны дынсянь видзсьӧ ылынжыка.

2 Коринфын оліссезлӧ 1:17

Этадз керны лӧсьӧтчӧмнам видзӧттӧг я ме кери? Менам керӧмӧ разь ассяням вӧлі? Поди, ме ӧтік кадӧ висьтала «сідз», и сэтӧн жӧ «абу сідз»?

Ефесын оліссезлӧ 4:14

Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь.

Филипын оліссезлӧ 2:20

Тимофейыс моз тіян понда сідз тӧждісиссес менам сэсся абуӧсь.

Филипын оліссезлӧ 2:22

Тимофейыслісь уджалӧмсӧ тійӧ эд тӧдат. Бур Юӧрсӧ висьтасьӧмӧ коста сія меным отсасис зон моз.

1 Фессалоникаын оліссезлӧ 1:5

Тіян дынын миян Бур Юӧрсӧ висьтасьӧмным эз вӧв дзир ӧтік кыввезӧн. Мийӧ висьтасим ёна веритӧмӧн да Вежа Лов вынӧн. Тійӧ эд асьныт тӧдат, кытшӧмӧсь мийӧ вӧлімӧ тіянлӧ отсасьӧмным коста да тіянкӧт овтӧн.

1 Тимофейлӧ 1:3

Македонияас иньдӧтчытӧнням ме кори тэнӧ олыштны Ефесас. Сэтчинісь мукӧдсӧ тшӧкті ӧвны, медбы эзӧ велӧтӧ мӧдікас

1 Тимофейлӧ 4:6

Пондан кӧ этаӧ воннэтӧ велӧтны, сэк тэ лоан Кристос Исусыслӧ бур уджалісьӧн. Вынсьӧт асьтӧ веритӧм йылісь кыввезнас да бур велӧтӧмнас. Тэ сія велӧтӧм сьӧрті и пондін овны.

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

2 Тимофейлӧ 2:22

Том кадся быдкодь ӧзйӧтчӧммез дынісь пышшав. Дӧсвидзисьсӧ сӧстӧм сьӧлӧмсянь кориссезкӧт вынсьӧтчы овны Ен сьӧрті веськыта, веритӧмӧн, радейтӧмӧн да лӧня.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

2 Тимофейлӧ 4:3

Лоас кад, кӧр отирыс бур велӧтӧмсӧ кывзыны озӧ пондӧ. Велӧтіссесӧ нія пондасӧ бӧрйыны ас сьӧртӧттяныс, медбы баитісӧ ны сьӧрті.

2 Тимофейлӧ 4:7

Ме бура песси, ассим олан туйӧс муні, веритӧмӧс эг ӧшты.

Титлӧ 2:7

Быд кадӧ ачыт кер бурсӧ. Тэ вылӧ видзӧттӧн ась мӧдіккез керӧны тэ моз. Велӧт сӧстӧм сьӧлӧмсянь, асьтӧ бура киын видзӧмӧн да Кывсӧ дзугтӧг.

Еврейезлӧ 13:9

Йӧзыслӧн уна быдкодь велӧтӧммес, эдӧ лэдзӧ нійӧн асьнытӧ ылӧтны. Сёян-юан йылісь велӧтӧмсӧ оз ков сьӧлӧмӧ босьтны. Эз вӧв бурыс нылӧ, кӧдна сы сьӧрті олісӧ. Буржык вынсьӧтны сьӧлӧммезнымӧс Енлӧн бурсетӧмӧн.

2 Петра 3:11

Сідз кӧ быдӧс разьсяс, то кытшӧм вежа отирӧн да Енлӧ юрбитіссезӧн сэк тіянлӧ колӧ лоны?