2 Тимофейлӧ 2:9 - Бур Юӧр 2019

⁹ Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.

2 Тимофейлӧ 2:9 Mawu Ofanana

Лука 23:32

Исусыскӧт тшӧтш нуӧтісӧ дорны кык лёк керисьӧс.

Ап. керӧммез 21:33

Сюрс воинӧн веськӧтлісьыс сибӧтчис, кутіс Павелсӧ да тшӧктіс дорны кык цепӧн. Сія юасис: «Кин сія? Мый сія керис?»

Ап. керӧммез 28:31

Сія повтӧг висьтасис Енлӧн Юралӧм йылісь да Дӧсвидзись Кристос Исус йылісь. Сійӧ эзӧ падмӧтӧ.

Ап. керӧммез 9:16

Ме Савлыслӧ мыччала, мымда пессьӧм-мырсьӧмыс сылӧ усяс Менам ним понда».

Ефесын оліссезлӧ 3:1

Ме, Павел, Кристос Исуслӧн раб, сійӧн и пукала тіян понда, ентӧдтӧм отир.

Филипын оліссезлӧ 1:17

Мӧддэс юӧртӧны, радейтӧны да. Нія эд тӧдӧны: ме эстӧн пукала Бур Юӧрсӧ дорйӧмӧ понда.

Филипын оліссезлӧ 1:7

Меным сідз и колӧ тіянӧс быдӧннытӧ видзны юрам. Кристосыс понда пукавтӧнням пыр тіянӧс видза сьӧлӧмам. Тійӧ мекӧт и сэк, кӧр ме дорья Бур Юӧрсӧ да Сійӧ висьтасикам отирсӧ веритӧмӧдз вайӧта. Сідз жӧ мекӧт ӧтлаын босьтат и Еныслісь бурсетӧмсӧ.

Колосын оліссезлӧ 4:18

Ме, Павел, медбӧрья кыввесӧ гижа аслам киӧн. Месянь тіянлӧ пым юӧр. Тӧдвыланыт видзӧ менчим Кристос понда пукалӧмӧс. Еныслӧн бурсетӧмыс ась лоас тіянкӧт быдӧнныткӧт! Аминь.

Колосын оліссезлӧ 4:3

Кеймӧ и миян понда. Еныс ась осьтӧ ыбӧссэсӧ, медбы вермим висьтасьны Енлісь Кывсӧ, Кристос йылісь тӧдлытӧмсӧ. Ӧні ме эд сы понда и пукала.

1 Фессалоникаын оліссезлӧ 1:8

Тіян дынсянь эд Дӧсвидзисьлӧн Кылыс паськаліс Македонияӧттяс да Акаияӧттяс. Да и быдлаын пондісӧ тӧдны Енлӧ веритӧмныт йылісь. Сійӧн миянлӧ мӧдіккезлаын нем оз ков висьтасьны тіян йылісь.

2 Фессалоникаын оліссезлӧ 3:1

А ӧні воннэзӧ, кора тіянӧс: кеймӧ миян понда. Дӧсвидзисьлӧн Кылыс ась перыта паськалӧ, медбы сійӧ бурӧ пуктісӧ да сія йиджис кывзіссес сьӧлӧмӧ тіянын моз.

2 Тимофейлӧ 1:12

Сійӧн ме сідз песся-мырся. Меным сысянь абу рожа кулян, ме эд тӧда, Кинлӧ верита. Ме тӧда: Еныс вына видзны меным сетӧмсӧ Аслас локтан лунӧдз.

2 Тимофейлӧ 1:16

Дӧсвидзисьыс ась лоас небыт сьӧлӧма Онисифорлӧн гортіссез дынӧ. Сія эд унаись бурмӧтліс менчим сьӧлӧмӧс. И менам пукалӧмӧ кузя сылӧ эз вӧв рожа кулян.

2 Тимофейлӧ 1:8

Сідзкӧ, ась оз ло тэныт рожа кулян висьтасьны Дӧсвидзись Кристос Исусным йылісь. Ась оз ло тэныт рожа кулян и тӧдчыны мекӧт, Кристос понда пукаліськӧт. Еныс вынӧн пессьы-мырсьы да висьтась Кристослісь Бур Юӧрсӧ.

2 Тимофейлӧ 2:3

Кристос Исуслӧн бур воин моз пессьӧм-мырсьӧм коста бура видзсьы.

2 Тимофейлӧ 4:17

Ачыс Дӧсвидзисьыс вовліс да отсаліс меным. Сія менӧ вынсьӧтіс, медбы ме верми быдсӧн висьтасьны Бур Юӧрсӧ. Сійӧ ась кылӧны быдпӧлӧс отирыс. Дӧсвидзисьыс мездіс менӧ левыс аннэзісь.

1 Петра 2:12

Енсӧ тӧдтӧммес тіянӧс видӧны лёк кериссезӧс моз. Ны коласын овтӧн керӧ нылӧ бурсӧ. Нія пондасӧ адззыны нылӧ бурсӧ керӧмнытӧ да ошкасӧ Енсӧ Сылӧн локтан Лунӧ.

1 Петра 2:14

Быдпӧлӧс юраліссес сувтӧтӧмӧсь мыжйыны лёк кериссесӧ да ошкыны бурсӧ кериссесӧ. Нійӧ кывзісьӧ.

1 Петра 3:16

Пыр олӧ сӧстӧм сьӧлӧмӧн. Сэк тіян йылісь умӧля баитіссеслӧ ковсяс гӧрдӧтны асланыс кыввезсянь. Нія эд умӧльтӧны Кристоскӧт бытшӧма олӧмнытӧ.

1 Петра 4:15

Тіян коласісь некин ась оз пессьы-мырсьы вийӧм понда, гусясьӧм понда, лёк керӧм понда да мырддьӧм понда.