2 Тимофейлӧ 2:25 - Бур Юӧр 2019

²⁵ рам сьӧлӧмӧн туйдӧтны паныт лэбтіссиссесӧ. Еныс эд нылӧ вермас сетны шогсьыны асланыс умӧль керӧм кузя да отсалас вежӧртны быльсӧ.

2 Тимофейлӧ 2:25 Mawu Ofanana

Матвей 11:29

Босьтӧ ас выланыт Менчим сийӧсӧс, велӧтчӧ Месянь. Ме рам да небыт сьӧлӧма. Сэк тіян сьӧлӧммезныт шоччисясӧ.

Матвей 21:32

Иоан локтіс тіянлӧ мыччавны Ен дынӧ туй. Тійӧ сылӧ эдӧ веритӧ. Лэдзчисьӧм инькаэс да вот ӧктіссес сылӧ веритісӧ. Нельки сійӧ быдӧс адззылӧм бӧрын тійӧ эдӧ бергӧтчӧ умӧльсӧ керӧммезныт дынісь да эдӧ веритӧ сылӧ».

Марк 1:15

Сія висьтавліс: «Локтіс кад, Енлӧн Юралӧмыс матын ни! Бергӧтчӧ умӧль керӧммезныт дынісь да веритӧ Бур Юӧрӧ!»

Иоан 5:34

Но Меным оз ков мортлӧн висьталӧмыс. Этадз баита, медбы тійӧ мезмит.

Ап. керӧммез 11:18

Петрасӧ кывзӧм бӧрын нія лӧньсисӧ да ошкисӧ Енсӧ. Нія баитісӧ: «Тыдалӧ, и мӧдік отирлӧ Еныс сетіс бергӧтчыны умӧль керӧмныс дынісь Сыланьӧ, медбы и нылӧн вӧлі оланыс».

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Ап. керӧммез 20:21

Иудейесӧ да мӧдік отирсӧ тшӧкті бергӧтчыны Енлань да веритны миян Дӧсвидзись Кристос Исуслӧ.

Ап. керӧммез 5:21

Апостоллэс сідз и керисӧ, одз асывнас пырисӧ Вежа Керкуӧ да велӧтісӧ. Сы коста аркирейыс аслас отиркӧт ӧктӧм иудейеслісь Судитан чукӧрсӧ да Израиль отирлісь бӧрйӧм пӧриссесӧ. Ӧксьӧммес ыстӧмась вайӧтны пуксьӧтӧм апостоллэсӧ.

Ап. керӧммез 5:31

Еныс Сійӧ пуксьӧтіс веськыт ладорас Юралісьӧн да Мездӧтісьӧн, медбы Израильыс бергӧтчис умӧль керӧммес дынісь да вӧлі проститӧм.

Ап. керӧммез 8:22

Бергӧтчы аслат умӧль керӧм дынісь. Кеймы Еныслӧ, медбы Сія проститіс юрат пыртӧмтӧ.

Галатияын оліссезлӧ 6:1

Воннэзӧ, керас кӧ мортыс мыйкӧ умӧльӧ, сэтшӧм мортсӧ рам сьӧлӧмӧн туйдӧтӧ. Тійӧ эд Лов сьӧрті оліссез. Быдыс тіян коласісь ась видзӧтӧ ас сьӧрас, медбы асьныт эдӧ ылалӧ.

1 Тимофейлӧ 2:4

Сылӧ колӧ, медбы быд мортыс мезмис да пондіс тӧдны быльсӧ.

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

2 Тимофейлӧ 3:7

Нія пыр велӧтчӧны, но некӧр озӧ вермӧ вежӧртны быльсӧ.

Титлӧ 1:1

Гижӧ Павел, Енлӧн раб, Кристос Исуслӧн апостол. Ме сувтӧтӧм вынсьӧтны Енлӧн бӧрйӧммеслісь веритӧмнысӧ, отсавны вежӧртны Еныслісь быльсӧ, медбы нія олісӧ Енлӧ юрбитӧмӧн.

Титлӧ 3:2

Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

Яков 1:17

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

1 Петра 3:15

Асланыт сьӧлӧммезын Енсӧ лыддьӧ вежа Дӧсвидзисьӧн. Кин юалас кӧ надеяныт йылісь, пыр лоӧ лӧсьӧтчӧмӧсь мортыслӧ висьтавны очакыв. Баитӧ рама видзсьӧмӧн, Енсис полӧмӧн.

1 Иоан 5:16

Казялас кӧ кин воныслісь умӧль керӧмсӧ, кӧда оз вайӧт кулӧмас, ась кеймӧ воныс понда. Еныс сылӧ сетас олансӧ. Эстӧн висьтала: эмӧсь сэтшӧм умӧль керӧммез, кӧдна озӧ вайӧтӧ кулӧмас. Эмӧсь и кулӧмас вайӧтан умӧль керӧммез. Сэтшӧм умӧль керись понда ме ог тшӧкты кеймыны.