2 Тимофейлӧ 2:24 - Бур Юӧр 2019

²⁴ Дӧсвидзисьлӧн раблӧ оз ков видчыны. Колӧ быдыскӧт лоны небытӧн, колӧ кужны велӧтны да видзсьыны ыджыт мылаӧн,

2 Тимофейлӧ 2:24 Mawu Ofanana

Матвей 12:19

Сія оз етшась, оз горӧт. Сылісь баитӧмсӧ ӧтӧрын он кыв.

Иоан 6:52

Сэк иудейес ӧтамӧдныскӧт пондісӧ етшасьны: «Кыдз Сія вермас сетны Ассис Вывтырсӧ миянлӧ сёйны?»

Ап. керӧммез 15:2

Павел да Варнава сувтісӧ нылӧ паныт, уна вермасисӧ мӧдмоза велӧтӧмныс кузя. Сэк Павелсӧ Варнаваыскӧт да ас колассиныс мукӧдсӧ иньдісӧ Ерусалимӧ. Сэтчин тшӧктісӧ эта йылісь баитны апостоллэзкӧт да вичкуын веськӧтліссезкӧт.

Ап. керӧммез 23:9

Лэбтісис ванзӧм-горӧтлӧм. Сэк фарисейез ладорись чеччисӧ Туйдӧтӧ велӧтіссез да пондісӧ вермасьӧмӧн баитны: «Эта мортісь умӧльсӧ мийӧ огӧ адззӧ. Поди, сылӧ былись ангел али лов баитіс. Огӧ пондӧ сувтны Еныслӧ паныт».

Ап. керӧммез 7:26

Мӧд лунас Израильлӧн кык морт тышкасьӧмась. Моисейыс сибӧтчӧм ны дынӧ да пондӧм ӧвны: "Тійӧ воннэз, мыйлӧ ӧтамӧднытлӧ умӧльсӧ керат?"

2 Коринфын оліссезлӧ 10:1

Кинкӧ ме йылісь шуӧ, сія пӧ тіян коласын лӧнь, а ылісянь гижны дак оз пов. Ме, Павел, Кристослӧн лӧнь да рам сьӧлӧмсянь ӧні баита тіянлӧ.

2 Коринфын оліссезлӧ 10:4

Миян тышкасяннэзным абу отирлӧн кодьӧсь. Нія Енсянь, сетӧмӧсь разьны быдпӧлӧс ёна чорзьӧммесӧ: юрӧ ковтӧмӧ пыртӧммесӧ,

2 Коринфын оліссезлӧ 6:4

Мийӧ асьнымӧс быд кадӧ видзам Енлӧн кысъяліссезӧн. Мыла быртӧг видзсям сьӧкыт кадӧ, кӧр миян вылӧ локтӧ умӧльыс. Кужам видзсьыны и дзескӧтлӧммез коста.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Ефесын оліссезлӧ 4:2

Сідзкӧ, лоӧ бур мывкыдаӧсь, рамӧсь, ыджыт мылааӧсь, радейтан сьӧлӧмсянь ӧтамӧднытӧ бурӧ пуктӧ.

Филипын оліссезлӧ 2:14

Быдӧс керӧ норасьтӧг, етшасьтӧг.

Филипын оліссезлӧ 2:3

Нем эдӧ керӧ асьнытӧ мыччалӧм-лэбтӧм могись. Рам сьӧлӧмсянь мӧдікӧс пуктӧ асся вылынжыка.

Колосын оліссезлӧ 3:13

ӧтамӧдныткӧт кужӧ лӧсявны. Вонныт вылӧ эм кӧ тіян кытшӧмкӧ норасьӧм, эд лӧгасьӧ. Кристосыс проститіс тіянӧс, тійӧ Сы моз проститӧ.

1 Фессалоникаын оліссезлӧ 2:7

Кыдз Кристослӧн апостоллэз мийӧ вермим локны тіян дынӧ юррезнымӧс чатыртӧмӧн. Но тіян коласын мийӧ асьнымӧс видзим небытика, ассис челядьсӧ вердісь мам моз.

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

Титлӧ 1:1

Гижӧ Павел, Енлӧн раб, Кристос Исуслӧн апостол. Ме сувтӧтӧм вынсьӧтны Енлӧн бӧрйӧммеслісь веритӧмнысӧ, отсавны вежӧртны Еныслісь быльсӧ, медбы нія олісӧ Енлӧ юрбитӧмӧн.

Титлӧ 1:7

Вичкуын веськӧтлісь ─ Енлӧн уджалісь. Сідзкӧ, колӧ, медбы сы йылісь некин эз вермы висьтавны ӧтік умӧль керӧм. Сылӧ колӧ лоны сэтшӧмӧн: абу асныра, оз лӧгав, оз кодав, оз тышкась, оз горшась.

Титлӧ 1:9

Сія пыр видзсьӧ велӧтӧмлӧн быль кыввез бердӧ да ны сьӧрті вермӧ туйдӧтны отирсӧ. Паныт лэбтісьӧммеслӧ вермӧ веськыта висьтавны умӧль керӧмныс йылісь.

Титлӧ 3:2

Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

Яков 1:1

Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан тіянлӧ!

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Яков 4:2

Тіянлӧ мыйкӧ колӧ, но сія абу. Тійӧ виятӧ, завидуйтат, а колӧмсӧ одӧ вермӧ судзӧтны, сійӧн етшасятӧ да лӧгалатӧ. Но тіян абу, одӧ корӧ Еныслісь да.

1 Петра 3:8

Медбӧрын содта: тіян вежӧртӧмныт да юраныт видзӧмныт ась лоӧ ӧткодь. Ӧтамӧд понда тӧждӧ, ӧтамӧдӧс радейтӧ да бур мывкыдӧн кывзісьӧ, отсасьӧ да ас коласаныт лӧсялӧ.

Иуда 1:3

Донаэзӧ! Ме ӧддьӧн мӧді гижны миян ӧтлаын мезмӧмным йылісь. Но шуи, коланажык лоас, велӧта кӧ тіянӧс дорйыны веритӧмнытӧ. Сійӧ Еныс ӧтпыр сетӧм вӧлі вежа отирлӧ.