2 Тимофейлӧ 2:12 - Бур Юӧр 2019

¹² Пессям-мырсям кӧ, Сыкӧт юравны пондам. Суськисям кӧ Сійӧ тӧдӧмись, Сія суськисяс миянісь.

2 Тимофейлӧ 2:12 Mawu Ofanana

Матвей 10:33

Йӧз одзын кин суськисяс Менӧ тӧдӧмись, сійӧ и Ме енӧжись Айӧ одзын пукта тӧдтӧм мортӧ».

Матвей 26:35

Петраыс шуис: «Нельки и кувны меным Тэкӧт ковсяс кӧ, ог суськись». Сідз шуисӧ и мӧд велӧтчиссес.

Матвей 26:75

Сэк Петралӧ тӧдвылас усисӧ Исуслӧн шуӧм кыввес: «Петук китсӧвтӧмӧдз тэ куимись суськисян Менӧ тӧдӧмись». Петраыс сэтісь петіс да курыт синваӧн пондіс горзыны.

Марк 10:33

«Мийӧ каям Ерусалимӧ. Морт Зонсӧ вузаласӧ аркирейезлӧ да Туйдӧтӧ велӧтіссезлӧ. Нія шуасӧ Сійӧ вийны да сетасӧ ентӧдтӧммез киӧ.

Марк 8:38

Ӧння кадӧ олӧны умӧльсӧ керись, лэдзчисьӧм отир. Ны одзын кинлӧ тӧдны Менӧ да Менчим кыввезӧс рожа кулян, и сійӧ мортсӧ тӧдны Морт Зонлӧ лоас рожа кулян, кӧр локтас Айыс югьялӧмӧн вежа ангеллэзкӧт».

Лука 12:9

Кин отир одзын суськисяс Менӧ тӧдӧмись, сійӧ и Ме пукта тӧдтӧм мортӧ Енлӧн ангеллэз одзын.

Лука 22:29

Меным Айӧ сетіс ӧксулісь юралан вын. Сійӧ юралан вынсӧ Ме сета тіянлӧ.

Лука 22:30

Менам Юраланінын пондат сёйны-юны Мекӧт ӧтік пызан сайын. Юралан пукӧссэз вывсянь пондат суд вылас бӧрйисьны Израильлӧн даскык увтырись отиркӧт».

Лука 9:26

Отир одзын кинлӧ тӧдны Менӧ да Менчим кыввезӧс рожа кулян, и сійӧ мортсӧ тӧдны Морт Зонлӧ лоас рожа кулян, кӧр локтас Айыс югьялӧмӧн вежа ангеллэзкӧт.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

Римын оліссезлӧ 5:17

Дзир ӧтік мортлӧн лёк керӧмсянь пондӧм юравны кулӧмыс. Сэк мымдаӧн вынажык ӧтік Мортлӧн, Кристос Исуслӧн, бурсетӧмыс! Еныслісь этӧ дона бурсетӧм козинсӧ да Ен сьӧрті веськыта олӧмсӧ босьтіссес пондасӧ овны да юравны Енкӧт.

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

Филипын оліссезлӧ 1:28

и одӧ пӧ полӧ ныись, кӧдна тіян вылӧ лэбтісьӧны. Тіян повтӧг олӧмныт нылӧ висьталас кулӧмас мунӧмныс йылісь, а тіянлӧ ─ мезмӧм йылісь. Эта быдӧс Енсянь.

1 Тимофейлӧ 5:8

Кин оз тӧждісь аслас увтырись отир понда, ӧддьӧнжык гортіссес понда, сэтшӧмыс дугдіс ни веритны. Сія умӧльжык вериттӧммезся.

Иуда 1:4

Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

Осьтӧм 1:6

Аслас Ен Айлӧ сувтӧтіс миянӧс ӧксуэзӧн да вежауджаліссезӧн. Сылӧн югьялӧмыс да юралӧмыс пыр кежӧ! Аминь.

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Осьтӧм 20:4

Сэсся ме казялі юралан пукӧссэз. Ны вылын пукалісӧ отир, кӧдналӧ вӧлі сетӧм судитан вын. Сэтӧн вӧлісӧ отирлӧн ловвез, кӧдналісь юррезнысӧ орӧтісӧ Исусыс йылісь висьтасьӧм понда да Ен Кыв понда. Нія эзӧ копрасьӧ вӧрпаыслӧ да сы кодь керӧмыслӧ, эзӧ пуктӧ сылісь пассӧ кымӧс выланыс да ки выланыс. Нія ловзисӧ да юралісӧ ӧтлаын Кристосыскӧт сюрс во сьӧрна.

Осьтӧм 20:6

Шудаӧсь да вежаӧсь нія, кӧдна ловзясӧ медодзза ловзьӧтӧм коста. Мӧдік кулӧмыс ны бердӧ оз ни вермы павкӧтчыны. Нія лоасӧ Енлӧн да Кристослӧн вежауджаліссезӧн да пондасӧ ӧтлаын Кристоскӧт юравны сюрс во сьӧрна.

Осьтӧм 3:10

Тэ кывзін Менӧ, мылаыт быртӧг видзсин. Сійӧн и Ме видза тэнӧ сьӧкыт кадӧ. Сія сьӧкытыс лоас быдсӧн муыс пасьта, медбы тӧдмавны-видзӧтны му вылісь оліссесӧ.

Осьтӧм 3:21

Ме эд верми да пукси ордчӧн Айӧкӧт Сылӧн юралан пукӧс вылӧ. Сідз и вермалісьсӧ Ме пуксьӧта ордчӧн Аслам юралан пукӧс вылӧ.

Осьтӧм 3:8

Ме тӧда тэнчит уджтӧ. То, Ме осьті тэ одзын ыбӧссӧ. Сійӧ некин оз вермы игнавны. Тэнат выныт абу и уна, а тэ видзсин Менам кыв сьӧрті. Тэ эн суськись Менӧ тӧдӧмись.

Осьтӧм 5:10

Еннымлӧ Тэ сувтӧтін миянӧс ӧксуэзӧн да вежауджаліссезӧн. Мийӧ му вылас пондамӧ юравны.