2 Тимофейлӧ 1:10 - Бур Юӧр 2019

¹⁰ Ӧні сія бурсетӧмыс вӧлі мыччалӧм миян Мездӧтісь Кристос Исуслӧн локтӧмӧн. Сія разис кулӧмсӧ, вайис миянлӧ олансӧ да пырсясӧ, кӧднӧ пондім тӧдны Бур Юӧрсис.

2 Тимофейлӧ 1:10 Mawu Ofanana

Лука 11:36

Тэнат кӧ вывтырыт быдсӧн югыт, абу ӧтік пемыт тор, сэк быдӧс лоас ӧддьӧн югыт, жыв тэнӧ югьялана югдӧтан ёна югдӧтӧ».

Лука 13:7

Сія висьталас виноград вӧдитісьыслӧ: "Ме куимӧт во сьӧрна вовла кошшыны инжир пу вывсис воӧмсӧ, да ог адззы. Керав сійӧ. Мыйлӧ сія весь быдмӧ му вылас".

Лука 2:11

Ӧні Давид карын чужис Мездӧтісь. Сія ─ Дӧсвидзись Кристос.

Иоан 1:9

Сія вӧлі былись Югытыс, быд мортсӧ Югдӧтісьыс, Кӧда локтіс му вылас.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 20:31

Быдӧс эстӧн гижӧм сэтшӧм могӧн, медбы тійӧ пондіт веритны: Исусыс ─ Кристос-Мездӧтісь, Енлӧн Зон. Веритат кӧ Сылӧ, сэк Сы нимӧн тіян лоас олан.

Иоан 4:42

Инькаыслӧ нія висьталісӧ: «Ӧні мийӧ огӧ ни веритӧ дзир тэнат висьталӧмсянь. Мийӧ эд асьным кылімӧ да тӧдамӧ: Сія былись му вылісь отирсӧ Мездӧтісьыс, Сія Кристос».

Иоан 5:40

Но тійӧ одӧ мӧдӧ локны Ме дынӧ, медбы босьтны олансӧ.

Ап. керӧммез 13:23

Аслас кӧсйӧм сьӧрті Давидыс увтырись Еныс сувтӧтіс Израиль отирлӧ Мездӧтісьӧс ─ Исусӧс.

Ап. керӧммез 5:31

Еныс Сійӧ пуксьӧтіс веськыт ладорас Юралісьӧн да Мездӧтісьӧн, медбы Израильыс бергӧтчис умӧль керӧммес дынісь да вӧлі проститӧм.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Римын оліссезлӧ 3:31

Сідзкӧ, огӧ я мийӧ разьӧ Туйдӧтсӧ веритӧмнаным? Огӧ эд. Мийӧ Туйдӧтсӧ вынсьӧтам.

Римын оліссезлӧ 6:6

Тӧдамӧ: мийӧ одззаэс дорӧмӧсь Сыкӧт, медбы миян вывтырным ӧштіс вынсӧ керны умӧльсӧ. Умӧль керӧмыс ась оз ни видз сэсся миянӧс аслас домӧттэзын.

1 Коринфын оліссезлӧ 15:26

Медбӧрья паныт лэбтісисьыс ─ кулӧмыс, и сійӧ паздасӧ.

1 Коринфын оліссезлӧ 4:5

Сійӧн Дӧсвидзисьыс локтытӧдз мортсӧ эд осудитӧ. Пемытінас сайӧвтӧмсӧ Сія петкӧтас, морт сьӧлӧмын видзӧмсӧ осьтас. Сэк Еныс быд мортлӧ сетас сэтшӧм ошкӧм, кытшӧм колӧ.

2 Коринфын оліссезлӧ 5:4

Эта вывтыр-керкуын овтӧн мийӧ сьӧкытсяняс ышлолалам. Мийӧ огӧ бы кольӧ вывтырнымӧс, но куланасӧ вежамӧ бы пырсяыс вылӧ, медбы оланыс вевттис куланасӧ.

Галатияын оліссезлӧ 5:4

Тійӧ Туйдӧт сьӧрті керӧмнаныт мӧдіт лоны Ен сьӧрті веськыта оліссезӧн. Но тійӧ янсаліт Кристосыс дынісь да ӧштіт бурсетӧмсӧ.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Ефесын оліссезлӧ 1:9

Ассис тӧдлытӧмсӧ Еныс миянлӧ осьтіс. Сійӧ бур лӧсьӧтӧмсӧ Сія кӧркӧсянь ни шуӧм пыртны оланӧ Кристос отсӧтӧн.

2 Фессалоникаын оліссезлӧ 2:8

Сэк вӧлись оссяс Ен Туйдӧт вылӧ лэбтісисьыс. Но Кристос Исусыс локтікас пӧльыштӧмнас вияс сійӧ, югьялӧмнас паздас.

2 Тимофейлӧ 1:1

Гижӧ Павел, Кристос Исуслӧн апостол. Апостолнас менӧ сувтӧтіс Еныс, медбы висьтасьны отирыслӧ оланыс йылісь, кӧдӧ Сія кӧсйис. Эта оланыс ─ Кристос Исускӧт ӧтлаасьӧмын.

2 Тимофейлӧ 1:8

Сідзкӧ, ась оз ло тэныт рожа кулян висьтасьны Дӧсвидзись Кристос Исусным йылісь. Ась оз ло тэныт рожа кулян и тӧдчыны мекӧт, Кристос понда пукаліськӧт. Еныс вынӧн пессьы-мырсьы да висьтась Кристослісь Бур Юӧрсӧ.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

2 Тимофейлӧ 4:8

Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.

Титлӧ 2:11

Еныслӧн бурсетӧмыс вайис мезмӧмсӧ быд мортлӧ.

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

Титлӧ 3:4

Но Мездӧтісь Енным миян дынӧ вӧлі небыт сьӧлӧма, Сія мыччаліс Ассис радейтӧмсӧ.

Еврейезлӧ 10:32

Уськӧтӧ тӧдвылӧ одзза луннэзнытӧ. Сэк тійӧ пондіт тӧдны Бур Юӧрлісь югытсӧ. Уна пессьӧм-мырсьӧмыс усис тіянлӧ. Тійӧ эдӧ усьӧ.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

2 Петра 1:11

Сідз оссяс тіянлӧ пыраніныс миян Мездӧтісь Кристос Исуслӧн пырся Юраланінӧ. Сія эд миян Дӧсвидзисьным.

2 Петра 1:3

Кристослӧн Ен выныс козьналіс быдӧс коланасӧ, медбы миянлӧ овны да Енлӧ юрбитны. Мийӧ эд тӧдмалім Сійӧ, Кӧда корис миянӧс Аслас югьялӧмӧн да бурсӧ керӧмӧн.

2 Петра 2:20

Миянлісь Дӧсвидзисьсӧ, Мездӧтісь Кристос Исуссӧ, нія пондісӧ тӧдны. Сійӧн нія му вылісь сэрпсис мезмисӧ, но сэсся бӧра сэтчӧ сюрӧны да умӧльыс вермӧ нійӧ. Сэтшӧммеслӧ медбӧрьяыс лоас одззаыс сьӧрті умӧльжык.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

2 Петра 3:2

Видзӧ юраныт Енлӧн вежа юӧртіссезлісь кӧркӧ висьтавлӧмсӧ да Дӧсвидзись Мездӧтісьлісь тшӧктӧмсӧ, кӧдӧ тіянлӧ висьтасисӧ апостоллэзныт.

1 Иоан 1:2

Оланыс мыччасис. Сійӧ мийӧ адззылім. Ӧні сія пырся Олан йылісь висьтасям тіянлӧ. Сія вӧлӧм Айыскӧт. Ӧні Сія мыччасис миянлӧ.

1 Иоан 4:14

Мийӧ адззылімӧ да висьталамӧ: Айыс ыстіс Зонсӧ мездыны отирсӧ.

Осьтӧм 18:1

Сыбӧрын ме казялі: енӧжсяняс лэдзчӧ вӧлі мӧдік ангел. Сылӧн вӧлі ыджыт вын. Сы югьялӧмсянь му вылас лоис югыт.

Осьтӧм 2:7

Пеля мортыс ась кылӧ Лолыслісь вичкуэслӧ висьталӧмсӧ. Вермалісьыслӧ сета сёйны Олан пу вывсис воӧмсӧ. Сія пуыс быдмӧ Еныслӧн рай шӧрас».

Осьтӧм 20:14

Кулӧмсӧ да адсӧ шентісӧ биа тыӧ. Сія ─ мӧдпырись кулӧмыс.

Осьтӧм 22:14

Шудаӧсь Кристослӧн тшӧктӧммез сьӧрті оліссес. Нія карас пырасӧ ыбӧсӧттяс. Нылӧ сетасӧ сёйны Олан пуыс вылісь воӧмсӧ.

Осьтӧм 22:17

Лолыс да невестаыс шуӧны: «Лок!» Кылісьыс ась висьталӧ: «Лок!» Кинлӧн косьмӧ горшыс ─ ась локтӧ. Кинлӧ колӧ, ась вештісьтӧг босьтӧ олан васӧ.