2 Фессалоникаын оліссезлӧ 3:3 - Бур Юӧр 2019

³ Дӧсвидзисьыс эд надейнӧй. Сія вынсьӧтас тіянӧс да видзас ылӧтлісьыс шогья.

2 Фессалоникаын оліссезлӧ 3:3 Mawu Ofanana

Матвей 5:37

Тіян кывныт ась лоас чорыт: "сідз"-ныт ась лоӧ "сідз", "ог"-ныт ась лоӧ "ог". Ны дынӧ мӧдік содтӧм кыввес ылӧтлісьсянь ни».

Матвей 6:13

Видз миянӧс ылалӧмись, ылӧтлісь дынісь миянӧс мезды. Тэнат Юралӧмыт, выныт да югьялӧмыт пыр кежӧ. Аминь.

Лука 11:4

Тэ простит миянлісь умӧль керӧммезнымӧс, мийӧ эд проститам миянлӧ умӧльӧ кериссесӧ. Видз миянӧс ылалӧмись. Ылӧтлісь дынісь миянӧс мезды».

Иоан 17:15

Ог кор босьтны нійӧ му вывсис, кора видзны нійӧ умӧльсис.

1 Коринфын оліссезлӧ 1:9

Еныс надейнӧй, Сія корис тіянӧс ӧтлаасьны Аслас Зонкӧт ─ миян Дӧсвидзись Кристос Исускӧт.

1 Коринфын оліссезлӧ 10:13

Тіян вылӧ локтӧ сьӧкытыс-ылӧтлӧмыс, сія быд морткӧт вермас лоны, но Еныс надейнӧй, Сія оз коль. Сія мортыслӧ сетӧ сьӧкытсӧ выныс сьӧрті, оз сет унажыксӧ. Сьӧкыт кад коста вынсьӧтӧ, сетӧ отсӧтсӧ, медбы вермит сьӧкытсис петны.

1 Фессалоникаын оліссезлӧ 5:24

Тіянӧс Корисьыс надейнӧй. Сія висьталӧмыс сьӧрті и керас.

2 Фессалоникаын оліссезлӧ 2:17

ась бурӧтасӧ тіянлісь сьӧлӧммезнытӧ да вынсьӧтасӧ тіянӧс быдпӧлӧс бурсӧ керӧмын да баитӧмын.

2 Тимофейлӧ 4:18

Сія и одзлань пондас мездыны менӧ быд умӧльсис да вайӧтас менӧ Аслас Енӧжись Юраланінӧ. Сылӧ пырся-пыр ошкӧм! Аминь.

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

2 Петра 2:9

Дӧсвидзисьыс эд тӧдӧ, кыдз мездыны Енлӧ юрбитісь мортсӧ ылалӧмсис. А умӧльсӧ кериссесӧ кужӧ видзны, медбы мыжйыны Суд Лунас.

Иуда 1:24

Ошкӧ Сійӧ, Кин вермас видзны тіянӧс усьӧмись. Еныс вермас тіянӧс вайӧтны Аслас югьяланінӧ сӧстӧммезӧн да гажӧтчиссезӧн.