2 Фессалоникаын оліссезлӧ 3:13 - Бур Юӧр 2019

¹³ Воннэзӧ, бурсӧ керны садьныт ась оз быр.

2 Фессалоникаын оліссезлӧ 3:13 Mawu Ofanana

Лука 18:1

Исусыс велӧтіс, колӧ пӧ пыр кеймыны, оз ков киэз лэдзны. Сэтчӧ Сія висьтасис сэтшӧм велӧтан висьт:

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

1 Коринфын оліссезлӧ 15:28

Кӧр быдӧс лоас Сы коккез увтын, сэк Ачыс Зоныс сетас Асьсӧ Еныс киӧ, медбы быдӧсын и быдлаын вӧлі Еныс.

2 Коринфын оліссезлӧ 4:1

Еныс Аслас небыт сьӧлӧмсянь сетіс миянлӧ этӧ уджсӧ. Сійӧн мийӧ огӧ ӧшӧтӧ юррезнымӧс.

2 Коринфын оліссезлӧ 4:16

Сійӧн мийӧ огӧ ӧшӧтӧ юрнымӧс. Миян вывтырным кӧть и бырӧ-вынтӧмсялӧ, пытшкным эд лунісь лунӧ вильмӧ.

Филипын оліссезлӧ 1:9

Ме кейма, медбы тіян радейтӧмныт вынсяліс. Радейтӧмнытсянь ась содӧ тіян тӧдӧмныт да вежӧртӧмныт.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

2 Фессалоникаын оліссезлӧ 3:15

Но сійӧ эд пуктӧ паныт лэбтісьӧм мортӧ, а вонӧс моз велӧтӧ.

Еврейезлӧ 12:3

Эд вынтӧмсялӧ, эд ӧшӧтӧ юрнытӧ. Видзӧ тӧдвыланыт Исуссӧ, Кӧдалӧ сымда сьӧкытыс усис умӧльсӧ кериссезсянь.

Еврейезлӧ 12:5

Тійӧ вунӧтіт Енлісь бурӧтан кыввесӧ, Сія тіянлӧ кыдз зоннэзлӧ висьталӧ: ─ Менам зонӧ! Дӧсвидзисьыслісь вачкыштӧмсӧ эн пукты абутӧм туйӧ. Эн ӧшӧт юртӧ, кӧр Сія чорыта висьталӧ умӧль керӧмыт йылісь.

Осьтӧм 2:3

Ме тӧда: тэ вылӧ уна усис сьӧкытыс, но тэ видзсин мылаыт быртӧг. Ме понда тэ уна уджалін, эн садьтӧмсяв.