2 Фессалоникаын оліссезлӧ 3:1 - Бур Юӧр 2019

¹ А ӧні воннэзӧ, кора тіянӧс: кеймӧ миян понда. Дӧсвидзисьлӧн Кылыс ась перыта паськалӧ, медбы сійӧ бурӧ пуктісӧ да сія йиджис кывзіссес сьӧлӧмӧ тіянын моз.

2 Фессалоникаын оліссезлӧ 3:1 Mawu Ofanana

Матвей 9:38

Кеймӧ вунданыс Кӧзяинлӧ, медбы ыстіс Аслас вунданінӧ уджаліссесӧ».

Лука 10:2

Нылӧ висьталіс: «Вунданыс уна, а уджаліссес етша. Корӧ Кӧзяиныслісь, медбы ыстіс уджаліссесӧ Аслас вунданінӧ.

Ап. керӧммез 12:24

А Енлӧн кылыс вынсяліс да паськаліс.

Ап. керӧммез 19:20

Сэтшӧм вынӧн паськаліс да поздісис отир сьӧлӧммезӧ Дӧсвидзисьлӧн Кылыс.

Ап. керӧммез 6:7

Енлӧн Кылыс паськаліс. Ерусалимас лоис унася-уна велӧтчись. Нельки вежауджаліссес коласісь унаӧн пондісӧ веритны Кристосыслӧ.

Римын оліссезлӧ 15:30

Воннэзӧ, кора тіянӧс миян Дӧсвидзись Кристос Исус нимӧн да Вежа Ловлӧн радейтӧмӧн: пессьӧмӧ коста ӧтлаын мекӧт кеймӧ Еныслӧ ме понда,

1 Коринфын оліссезлӧ 16:9

Эстӧн керны этӧ ыджыт уджсӧ меным ыбӧсыс паськыта осьтӧм, но тырмӧны и паныт лэбтісиссес.

2 Коринфын оліссезлӧ 1:11

тійӧ кӧ отсалатӧ миянлӧ кеймӧмнаныт. Уналӧн корӧм кузя Еныс миянлӧ козьналіс оланнымӧс. Сійӧн унаӧн буркывтасӧ Енсӧ миянлӧ отсалӧм понда.

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

Колосын оліссезлӧ 4:3

Кеймӧ и миян понда. Еныс ась осьтӧ ыбӧссэсӧ, медбы вермим висьтасьны Енлісь Кывсӧ, Кристос йылісь тӧдлытӧмсӧ. Ӧні ме эд сы понда и пукала.

1 Фессалоникаын оліссезлӧ 1:5

Тіян дынын миян Бур Юӧрсӧ висьтасьӧмным эз вӧв дзир ӧтік кыввезӧн. Мийӧ висьтасим ёна веритӧмӧн да Вежа Лов вынӧн. Тійӧ эд асьныт тӧдат, кытшӧмӧсь мийӧ вӧлімӧ тіянлӧ отсасьӧмным коста да тіянкӧт овтӧн.

1 Фессалоникаын оліссезлӧ 1:8

Тіян дынсянь эд Дӧсвидзисьлӧн Кылыс паськаліс Македонияӧттяс да Акаияӧттяс. Да и быдлаын пондісӧ тӧдны Енлӧ веритӧмныт йылісь. Сійӧн миянлӧ мӧдіккезлаын нем оз ков висьтасьны тіян йылісь.

1 Фессалоникаын оліссезлӧ 2:1

Воннэзӧ, асьныт тӧдатӧ: тіян дынӧ вовлӧмным эз вӧв весись.

1 Фессалоникаын оліссезлӧ 2:13

Енлісь Кывсӧ тійӧ кыліт миянсянь. Сійӧ Кывсӧ тійӧ эдӧ босьтӧ кыдз мортлісь, босьтіт кыдз Енлісь Кывсӧ. Сія и былись Енлӧн Кыв, кӧда керӧ ассис уджсӧ тіян сьӧлӧммезын, веритісь отирын. Эта понда мийӧ дугдывтӧг буркывтам Енсӧ.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

1 Фессалоникаын оліссезлӧ 5:17

Дугдывтӧг кеймӧ.

1 Фессалоникаын оліссезлӧ 5:25

Воннэзӧ, кеймӧ миян понда.

2 Тимофейлӧ 2:9

Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.