2 Фессалоникаын оліссезлӧ 2:9 - Бур Юӧр 2019

⁹ Ен Туйдӧт вылӧ лэбтісисьыс локтас сотанаыс отсӧтӧн. Сія локтӧмыс коста мыччалас быдпӧлӧс вынсӧ, пассэз да отирсӧ ылӧтан адззывлытӧм керӧммез.

2 Фессалоникаын оліссезлӧ 2:9 Mawu Ofanana

Матвей 12:22

Исус дынӧ вайӧтісӧ мортӧс, кӧдӧ видзӧм-маитӧм сэрпӧсь лов. Сія эз баит, нем эз адззы. Исусыс сійӧ веськӧтіс. Мортыс пондіс баитны да адззыны.

Матвей 24:24

Сія кадӧ локтасӧ асьнысӧ Кристосӧ да Енсянь юӧртіссезӧ пуктіссез. Нія ыджыт пассэз да адззывлытӧммез пондасӧ керны, медбы и бӧрйӧммесӧ ылӧтны, вермасӧ кӧ.

Матвей 4:10

Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв!"»

Марк 13:22

Сэк локтасӧ отир, кӧдна асьнысӧ пондасӧ пуктыны Кристосӧ да Енсянь юӧртіссезӧ. Нія ыджыт пассэз да адззывлытӧммез пондасӧ керны, медбы и бӧрйӧммесӧ ылӧтны, вермасӧ кӧ.

Лука 11:25

Сія локтӧ да адззӧ: керкуыс чышкӧм, дзимлялӧм.

Иоан 4:48

Исусыс сылӧ висьталіс: «Тійӧ одӧ и пондӧ веритны, одӧ кӧ адззылӧ мыччалан пассэз да адззывлытӧм керӧммез».

Иоан 8:41

Тійӧ кератӧ айнытлісь уджсӧ». Сэтчӧ Сылӧ горӧтчисӧ: «Мийӧ эгӧ шогмӧ кыскасисьсянь. Миян ӧтік Айным ─ Ен».

Иоан 8:44

Тіян айныт куль, тійӧ керат сы тшӧктӧм сьӧрті. Сія одззасянь ни морт вийись вӧлі. Быльыс дынісь сія ылаліс, и сыын абу быльыс. Сія ассяняс висьталӧ бӧбӧтӧмӧн. Сія эд бӧбӧтчись и бӧбӧтчӧмыслӧн ай.

Ап. керӧммез 13:10

Сія Варисусыслӧ висьталіс: «Кульлӧн зон! Тэись дорӧн петӧ ылӧтлӧм-бӧбӧтлӧмыт, лёк керӧмыт! Тэ быд бурыслӧ паныт сувтан! Кӧр тэ дугдан чуклявны Дӧсвидзисьлісь веськыт туйесӧ?

2 Коринфын оліссезлӧ 11:14

Мый сэтӧн сэтшӧмыс: ачыс сотанаыс эд вермӧ мыччавны асьсӧ югытлӧн ангелӧн.

2 Коринфын оліссезлӧ 11:3

Кыйыс тай аслас ылӧтлӧмӧн Евасӧ бӧбӧтӧм. Ме пола, медбы сідз жӧ эз тшык тіян мывкыдныт. Кристосыскӧт тійӧ олат осьта сьӧлӧмӧн. Сія оланісь мӧдӧрӧ эдӧ ылалӧ.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

Ефесын оліссезлӧ 2:2

Тійӧ оліт эта му вылын керсьӧм сьӧрті: енӧж увтас ыждалісь кульыс сьӧрті керит, сійӧ кывзісит. Сія сэрпӧсь лолыс ӧні керӧ ассис уджсӧ ны пыр, кӧдна озӧ кывзісьӧ Енсӧ.

2 Тимофейлӧ 3:8

Кӧркӧ Моисейлӧ паныт сувтлӧмась Ианний Иамврийкӧт. Ӧні сэтшӧммес быльыслӧ паныт лэбтісьӧны. Вежӧрныс нылӧн тшыкӧм, Кристослӧ веритӧм йылісь нем озӧ тӧдӧ.

Яков 3:15

Сэтшӧм мывкыдыс абу сетӧм вылісянь. Сія му вылісь отирсянь да сэрпӧсь ловвезсянь.

Осьтӧм 12:17

Гундырыс лёксяліс инькаыс вылӧ. Сэк сія муніс тышкасьны инькалӧн мӧдік челядькӧт, кӧдна олӧны Енлӧн тшӧктӧммез сьӧрті да Кристос Исуслӧн висьталӧм сьӧрті.

Осьтӧм 12:9

Ыджыт гундырсӧ, важ кыйсӧ, шентісӧ му вылас. Сылӧн нимыс ─ куль да сотана. Сія ылӧтлӧ Еныслісь быдӧс аркмӧтӧмсӧ. Сылісь ангеллэсӧ шентісӧ ӧтлаын сыкӧт.

Осьтӧм 18:23

Некӧр оз ӧзйы бивидзанын би. Некӧр сэсся оз понды кывны гӧтрасись зонкалӧн да невесталӧн шыныс. Тэнат вузасиссет ыждалісӧ му вылас. Аслат тшыкӧтчӧмӧн быдӧс отирсӧ тэ ылӧтін.

Осьтӧм 19:20

Вӧрпасӧ ӧтлаын бӧбӧтчись юӧртісьыскӧт кутісӧ. Бӧбӧтчись юӧртісьыс керліс адззывлытӧммесӧ вӧрпаыс нимӧн. Нійӧн сія ылӧтліс быдӧннысӧ, кӧдна вылын вӧлі вӧрпаыслӧн пасыс да кӧдна копрасисӧ сы вылӧ вачкисяна керӧмыслӧ. Кыкнаннысӧ нійӧ ловйӧн шентісӧ биӧн сотчан истӧгись тыӧ.

Осьтӧм 20:10

А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.

Осьтӧм 9:11

Ны вылын юралісьнас вӧлі пыдӧстӧминісь ангел. Еврей кыв вылын сылӧн нимыс вӧлі Авадон, грек кыв вылын сія лоӧ Аполион.